عــــــد عكســـــي

[شاعر الحب الحزين]

عايـــش محتــرم فــي زمــن يـــلا نفســــي

نازل تعد صح والحياة بقت ماشية عد عكسي

لو تموت مشنوق ما تنتظرش الرحمة من مخلوق

اصحى وفوق اللي زيك في الزمن ده بقى منسي

اللي بيحبك مش حبيبك ف وقت الشدة يمشي ويسيبك

بس انتا كلمة حلوة بتجيبك بتصدق أوام يا عم رومنسي

زيك كنت زمان بخلص واضحي ولقيتني ف الآخر مع جرحي

نشفت دموعي دبلت ملامحي من كتر تفكيري وهمي ويأسي

عشتها غلط لقيتهم صح معايا عرفت احط لحزني وجرحي نهاية

ولو فضلت اعد صح كانت هتستمر الحكاية وكنت بقيت رقم ف عد عكسي


اللي باعك بيعه متستناش رجوعه

اللي جارحك اجرحه وغرقه ف دموعه

اللي حاول يقتل حب جواك

ف يوم ميلاده اهديه جرحك وطفي شموعه

لو هتفضل بين الشياطين ملاك

يبقى حلال فيك جرحهم أيا كان حجمه ونوعه

اختار دورك ومتحكمش شعورك

بالعكس تتعدل باليأس تتقتل وكل حد وليه موضوعه

اختار دور صح مستقبله على كيفك ماضيه متحلمش برجوعه



شــــــــــــــــــــــــــــــــــــــــــ . حـــــــــــــــــــــــــــــــــــــــــــ

[bobaOo]

الطيبه ف الزمن ده مابقتش تنفع..
والي على نياتو هتاكلو الدياب .
عندك حق أ/خالد..
كلمات جميله ومضمون وهدف اجمل..
تسسلم ايدك..
تحياتي

[ana lola]

مين واخد فرصته
كلمات جميلة و مؤثره
تسلم ايدك

[شاعر الحب الحزين]

اقتباس المشاركة الأصلية كتبت بواسطة boba0o الطيبه ف الزمن ده مابقتش تنفع.. والي على نياتو هتاكلو الدياب . عندك حق أ/خالد.. كلمات جميله ومضمون وهدف اجمل.. تسسلم ايدك.. تحياتي

زمن مينفعش فيه احترام بجد

خلينا ماشيين مع التيار احسن

تسلمي بوبا الرقيقة لتفاعلك الرقيق

وتواجدك اللي بعتز بيه دايما

اسعدتيني ونورتي صفحتي الصغيرة بتواجدك

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة ana lola مين واخد فرصته كلمات جميلة و مؤثره تسلم ايدك

اللي جرب وداق واخد فرصته

واللي لسه ع نياته ملوش غير دمعته

تسلمي علا الاجمل تواجدك اكيد

اشكرك لمتابعتك الجميلة نورتيني

اسعدني ردك لولا الرقيقة

ربي يوفقك ويسعدك

[العاشق الذى لم يتب]

وعد عكسى
وحكايات وروايات
اعذرنى
لقلة كلماتى
ربمالى عودة

[Śลяą..ღ]

صح. . اللى مش عاوزنا ميلزمناش . .
كلمات منسقه وحلوة. .
وتعبيراتكـ احلى. .
تسلم يـآ شاعرنـآ عَ الابداع دا
بالتوفيق

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب وعد عكسى وحكايات وروايات اعذرنى لقلة كلماتى ربمالى عودة

بيكفيني تواجدك يا رفعت

تسلم يا غالي لتواجدك الجميل

واتمنى انك تبقى بخير دايما

اسعدتني ونورتني بوجودك الجميل

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة Śลяą..ღ صح. . اللى مش عاوزنا ميلزمناش . . كلمات منسقه وحلوة. . وتعبيراتكـ احلى. . تسلم يـآ شاعرنـآ عَ الابداع دا بالتوفيق

الابداع ده انتي سببه بمتابعتك الجميلة سارة

وردودك اللي بتمنحني ثقة واحساس جميل

أشكرك للتواجدك الغالي والحضور اللطيف منك

نورتيني واسعدني ردك سارة

ربي يوفقك ويسعدك

[فاطمة الزيات]

كل كلمة صحيحة برافوووووووووووو بجد