ضـف جـديـد مـع برنـامج لــو )( مسابقة سلفنى حلقه

[رآقيہ بأخلاقـى]

اهلاً بيكم اعضاء منتديات بنات مصر اليوم لينا لقاء جديد مع برنامج ليس بجديد برنامج من انجح البرامج فى قسم اليوميات من المبدع المساكش (( عبدو حريقه )) المدعو مورشو موعدنا اليـوم مـع بـرنامج لـــو الخاص بـ مسابـقة سـلفنى حلقـهـ بصـرآحه أحنا مش هنضيـف حاجة للبـرنامج غير إننا هنستضيف عضـو\ه جديد\ه ونسـأله\ا شـوية أسئـلة خفيفه ظريفه تخص المنتدى وآخــرى ع ـلى المسـتوى الشخـصى والضيفهـ اللى معـايـا هى لمورتى حبيبتى اللى بحبهـا وبحب خفـة دمـهـآ تعـالوا نشــوف الاسئـلة ونشوف أجاباتها كانت إزاى أول 5 اسئلة متعلقة بالمنتدى لو دخلتى مرة المنتدى وكنتى ناسية الخاص مفتوح ولاقيتى رساله من عضو بيقولك فيها بحبك ؟ هقرى على روحه الفاتحة وهعرف ان كريم سبقنى و قام بالواجب لو اطلب منك انك تبقى مديرة مرة واحدة من غير ما تبقى مشرفة او مراقبه ؟ ممممممممم هفكر وادرس الامر ممكن اتنازل واقبل وممكن لا واول قرار هاخدة هو سحب الاشراف منك عشان تبطلى تدبسينى هههههههه ونعم النداله يا لمورتى لو فى مرة حد انتقد فيكى جامد وفى مواضيعك وقال انك سلبيه ومفيش ليكى اى دور فى المنتدى ؟ لو نقد بناء اكيد هحترمه وهحاول استفيد منه لأن زى ما بنتقبل المدح فينا نقبل النقد بس يكون موضوعى والغرض منه النصح مش الاستفزاز لو دخلتى فى مرة على ملف كريم ولاقتيه يشاهد رسالة خاصه لعضوة ؟ هدخل اشوف الرسالة الاول عادى لو بتسأله عن حاجة انما لو رسالة غرامية يبقى الكل معزوم لحضور جنازتها و يمكن ميكونش له ذنب بس برضو هنكد عليه هيكون يوم مش فايت يعنى قوية ومفتريه لو صحيتى فى يوم ودخلتى المنتدى لاقيتى اسمه اتغير وكل الطاقم الادارى والاشرافى اتغيروا ومبقاش فى حد منهم موجود ؟ مش موجودين طردوهم يعنى ولا بقيوا اعضاء زينا و الله احسن لهم اهم يبقوا براحتهم بس المهم محدش يجى جنب مشاركاتى و نجومى و الاوسمة بتاعتى هههههههههه هههههههههههه هو ده كل اللى يهمك يعنى مش مهم اصحابك اللى مش لاقيه منهم ولا واحدة اسئله على المستوى الشخصى .. لو صحيتى مرة على رنة الرسائل بتاعت موبيلك وكانت من كريم .. نصها . خلينا اخوات وكل شئ قسمة ونصيب ؟ عادى هقفل و اكمل نوم ههههههههههه لانه هيكون وقتها رايق و قرر يهزر معايا هزار تقيل ايه يابت برود الاعصاب ده .. افرض كان جد !! بعد الشر طبعاً لو جتلك فرصة عمل حلوة ومرتبها كبير وفى مجال تخصصك وكريم رفض وانتى كنت مصممه ؟ هو حقيقى بيدينى الحرية كاملة انى اصمم زى ما انا عايزة بس فى الاخر بيمشى اللى هو عايزه هههههه كريم طبعه صعب جداااا و بيرفض الاختلاط ههههههههههههه شاطر يا كريم ونعم الديموقراطيه لو روحتى مره زيادة لبيت خطيبك وكان نايم ودخلتى مع والدته تصحيه وسمعتى منه سيمفونيات وعزف منفرد من مناخيره ؟ بتفكرينى ليه يا نور تلات ارباع الرجال بيعزفوا وهما نايمين بس لو دة حصل نجيب له دكتور يريحه من المناخير نهائى المهم ودانى يا بنتى هههههههه هار اسوح تشيلى مناخير الراجل كلها لو جالك عريس غنى جداً اغنى من كريم وقالك انا بحبك من زمان وعايز اتجوزك ؟ يعنى يتقدم لى وانا مخطوبة طيب دة نعمل فيه ايه دة ممكن احدفه من الشباك واحنا فى الدور ال15 يمكن يعرف غلطه يا لمورتى بقولك غنى اغنى من كريم انا بهدى النفوس أكريم لو حماتك المستقبليه طلبت منك انك تطبخى اكلة انتى مش بتعرفى تطبخيها ؟ انا الحمد لله بحب المطبخ جدا و شاطرة فيه من صغرى هسال عن الطريقة واجربها لحد ما تضبط معاية واعملها لها شطوره أبت لو حماتك تانى عملت معاكى شغل مارى منيب .. شد الشعر وتكسير البندق الحاجات بتاعت الحموات دى ؟ لا صراحة مش هعمل ايتها حاجة انا هقعد اتفرج على امى و هى بتتصرف لو صحبتك غزلت فى كريم قدامك وانتى لاحظتى عليها نظرات اعجاب ليه ؟ بصى لو صاحبتى و قريبة منى هتبقى عارفة انها غلطت غلطة عمرها باللى عملته انا فى الحاجات مش بتكسف صراحة و هتكون هى اللى بدات فتستحمل يا جامد انت لو تعبتى فى شغل البيت وعملتى مجهود فيه وجه ضيف عندكم ودخل بالشوز على الفرش اللى تعبتى فى تنظيفه ؟ هتوضأ و اصلى ركعتين ادعى عليه هههههههههههههه متنسيش تعرى شعرك كمان لو يوم لاقيتى نفسك زوجة رئيس الجمهورية ؟ اول حاجة هعملها هوصيه بالعدل وينصر الشعب اللى اتظلم طوال 60 سنة فاتت واهتم بالاطفال لان دولى المستقبل الجاى لو رجع بيكى الزمن كنت تتمنى تحققى ايه معرفتيش تحققيه زمان ؟ ليه محسسانى يا نور انى فى النزع الاخير طول ما الانسان عايش و عنده ارادة ممكن يعمل كل اللى فاته و بيتمناه حققت حاجات و بتمنى ربي يوفقنى فى البقية بعد الشر عليكى يا حبى العمر الطويل ليكِ لو فى يوم خبط الباب وفتحتى ولاقيتى بنت وولد زى الشُحطه وبيقولوا انهم اخواتك من ام تانيه ؟ مين قالك اصلا ان عندنا باب يابنتى احنا بندخل من الشباك ههههههههههه الشباك .. ماشاء الله انتوا عندكم شباك !! لو جتلك فرصه تصلحى من حال البلد هتبدأى بإيه وايه اللى ممكن تضفيه للبلد يحسن من وضعها ؟ هبدأ بالاعلام جهاز خطير بالتوعية من خلاله نصحى ضماير الناس نقضى على الهلس والفساد ننظف اذان اطفالنا من اللى بيسمعوه ويشوفوه صلاح حال البلد بييجى من صلاح قلوب اهلها ولو ان اهل القرى امنوا واتقوا لفتحنا عليهم بركات من السما التقوى وصلاح القلوب دة دور رجال الدين من خلال وسائل الاعلام نستبدل الفساد والعرى الموجود بصلاح قلوب وعقيدة الناس والبركات هتحل من ربنا لوحدها لان هو سبحانه وتعالى وعدنا بكدة بكتفى بهذا القدر من الاسئله وبشكرك حبيبتى على قبولك للدعوة انا اللى بشكرك يا نور على استضافتك الحلوة بس متكرريهاش قبل خمس سنين اكون اخدت نفسى هههههههههه يابت انتى حبيبتى علشان كدة بحب ادبسك ربنا يخلى ليكِ كريم ويخليكى له ويسعدكم يارب ونفرح بيكم عن قريب ان شاء الله والى هنا يتنهى بنا اللقاء مع برنامج لـو أشكركم على حُسن المتابعه ونرجوا من الله لكم دوام الصحة والعافيه اتركم فى أمان الله ورعايته

[morshooo]

الى فاكره انه كان 10 اسئله

مش 150 سؤال

يعنى اسئله المنتدى مشيتى فيها كويس

الاسئله الخاصه زى ماتكون بتقول ادونى فرصتى ههههههههههه

لمار منوره التوبيك واجاباتك مميزة

راقيه اسلوبك جامد فى التوبيك

ماتشوفى اى توبيك تعمليه فى اليوميات

اهو تقرفينا قصدى تنورينا ^_^

[رآقيہ بأخلاقـى]

ههههههههههههههه
ما صدقت بقى اعمل ايه
اصل حسيت ان 10 اسئله قليل اووى
قولت ارخم ع البت بأكتر من كدة
عامله برنامج راجل وست ستات يا اخويا
وهقرفك كتير متقلقش

[bobaOo]

حلووة الحلقه اووي..
والاسئله احلى والاجاباات..
تسسلمي ع المجهوود..
نورتي لمارر واجاباتك حلوةة..
ودمك خفيف..
تحياتي .بوبآا

[واد حبيب]

ايه يا بنتي كل ده اسئله
حلقه جميله اوب فعلا
تسلمو علي الحلقه

[CAN _ 7LM]

حلوه اوى الحلقه
طلعتى شوريره المار
اسئله حلوه نور
تسلمى ع المجهود

[Dr. AnOosHo]

حلوة قوي الحلقه يراقيه تسلم اييييييدك
ومنورة يلمار .. من البنات اللي بحسها هاديه وطيوبه في المنتدى ههههههه بس طلعت قادرة ومفتريه

[شاعر الحب الحزين]

اسئلة جميلة واجابات اجمل

لمار انسانة قمة الاحترام والاخلاق

تمنياتي ان يتمم ربي لها وللاخ الغالي كريم بكل خير ان شاء الله

نور استضافة جميلة منك استمتعت بالحلقة فعلا

من اسئلة واجابات وتعليقات

ربي يعطيكوا العافية ع مجهودكم الرائع

ربي يوفقكم ويسعدكم

[حنان الجزائرية]

حلقة جميله جدا

مع الضيفة الحبوبة لمار وربنا يوفقك انت وكريم لكل ماهو خير

في انتظار الحلقة القادمة

تحياتي

[العاشق الذى لم يتب]

منورة الدنيالمار
وبرنامج جميل ظريف خفيف
نور
وانت كمان منورة
نور