بيلومونـــــي

[شاعر الحب الحزين]

بيلومونــــي علــى حبـــي ليكـــــي

بيكدبــــوا إحســاس قلبــي بيكــــي

حقهم ما هما ف دنيا وانا ف دنيا

دنيتهم سوء نيتهم ودنيتي قلبك وعنيكي

بيلوموني عشان الحب عندهم رغبة

والكلمة الحلوة ف نظرهم مجرد كدبة

بيغيروا لما بكلمك ويفرحوا لما يلاقوني بعاتب فيكي

بالعند فيهم بقيت بحبك واشتاقلك اكتر

يلوموا يغيروا كلامهم لا هيقدم ولا يأخـر

مع كل عتاب بتزيد غلاوتك وحبك بيكبـر

هيعملوا ايه لو عرفوا إني بحبك بعشقك وهموت عليكي

اطمني وما يهمكيش كلام أهل الملامة

حبي ليكي قدام كلامهم بيرسم ابتسامة

انتي لوحدك تفضلي جنبي والباقي مع السلامة

حبيبتي انا روحي انا انا بنسى الدنيا وأنا بيـــن إيديكـــــــي

مهما لاموني مش هيغيروني هفضل عاشق مخلص ليكـي

الحب عندهم رغبة مشاعر الناس ف نظرهم لعبة

وانا مش منهم انا مش زيهم انا دنيتي قلبك روحك وعنيكـــي




شــــــــــــــــــــــــــــــــــــــــ . حــــــــــــــــــــــــــــــــــــــــــــ

[رآقيہ بأخلاقـى]

كلماتك فكرتنى بأغنيه عمرو دياب ويلومونى
ويلومونى ما يلومونى قلبى راح للى هواه
..
راقت لى كلماتك خالد
دمت بكل هذا الحب

[Śลяą..ღ]

أنــا بقا بتفكرنى بحكايه كدا. .
لا حلوة اوى كمان. .
خاطرتكـ جميله اوى يا خالد
دايمـا جديدكـ مميز
منتظرة الجاى منكـ بقا. .
ودى~

[bobaOo]

وانا مش منهم انا مش زيهم انا دنيتي قلبك روحك وعنيكـــي


جميله اوي الكلمات والسطور دي..
انا بنتظر جديدك على طول أ/خالد..
احساس رائع ..
دمت سالماا..
تحياتي.بوباآ

[شاعر الحب الحزين]

اقتباس المشاركة الأصلية كتبت بواسطة رآقيہ بأخلاقـى كلماتك فكرتنى بأغنيه عمرو دياب ويلومونى ويلومونى ما يلومونى قلبى راح للى هواه .. راقت لى كلماتك خالد دمت بكل هذا الحب

ما يلوموني قلبي راح للي هواه

ذوقك جميل يا نور دايما

تسلمي نورتيني بتواجدك وكلامك

اسعدتيني ونورتيني بردك وتواجدك الجميل

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة Śลяą..ღ أنــا بقا بتفكرنى بحكايه كدا. . لا حلوة اوى كمان. . خاطرتكـ جميله اوى يا خالد دايمـا جديدكـ مميز منتظرة الجاى منكـ بقا. . ودى~

جميل انها بتفكرك بحاجة جميلة

تسلمي سارة الاجمل تواجدك اكيد

بشكرك لمتابعتك اللي بعتز بيها

نورتيني واسعدني ردك وتفاعلك الجميل

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة boba0o وانا مش منهم انا مش زيهم انا دنيتي قلبك روحك وعنيكـــي جميله اوي الكلمات والسطور دي.. انا بنتظر جديدك على طول أ/خالد.. احساس رائع .. دمت سالماا.. تحياتي.بوباآ

بيشرفني متابعتك الجميلة لكلماتي الصغيرة

انتي بتنوريني بوبا بكل تواجد ليكي اكيد

تسلمي حضورك الأروع بوبا

اسعدتيني بتواجدك ونورتيني

ربي يوفقك ويسعدك