ارضـــى وبــــلاش غـــــرور

[شاعر الحب الحزين]

لو جنبك حبايبك احضنهم ف قلبك تحس معنى اللمة

ارضى وبلاش غرور وإياك تلعب دور رافض الحب والنعمة

لو بيحبوك متقولش بيكرهوك وإوعاك تدمهم في كلمة

غيرك ملوش حد حزنه واخده لأبعد حد مش لاقي حضن وضمة

وانتا بتبكي من دلع وغيرك رغم الوجع متشوفش منه غير البسمة

أتفه سبب بيغضبك أقل وجع بيعذبك وهما مصدقينك بعبرة وحكمة

بيجاملوك ف دلعك وبتكدب عليهم ف وجعك غنوة مفهاش لحن ونغمة

انا ممكن اصدقك بشرط لما تتكسر سنان المشط وميمشيش ف شعر وعتمة

اللي قسيوا عليا سامحتهم عمري مرة ما جرحتهم ولا اتعاملت من غير رحمة

لو سابوني مش هعاتبهم بكرة الأيام هتجيبهم ومهما كان ليهم عندي لزمة

ارضى وبلاش غرور لا تدم ولا تمدح حد خلي يقينك ان كله مكتوب وقسمة

قدم الخير والأسباب قبل العتاب ارسم قلوب أحباب وهما هيلونوا الرسمة



شـــــــــــــــــــــــــــــــــــــــــ . حـــــــــــــــــــــــــــــــــــــــــــــــ

[.Lamar]

مفيش حدا بيتكبر على حب الناس او بيتجاهله

بالعكس الكل يتمنى يكون محبوب

و جميل نرسم الرسمة و نترك الاحباب تلونها

لانهم اكيد هيلونوها بس بالوان الفرح و السعادة


شكرا ليك اخى

تحياتى

[شاعر الحب الحزين]

اقتباس المشاركة الأصلية كتبت بواسطة لمار* مفيش حدا بيتكبر على حب الناس او بيتجاهله بالعكس الكل يتمنى يكون محبوب و جميل نرسم الرسمة و نترك الاحباب تلونها لانهم اكيد هيلونوها بس بالوان الفرح و السعادة شكرا ليك اخى تحياتى

احترم رأيك لمار ولكن لكل قاعدة شواذ

ومنهم من لأتفه الأسباب يصطنع الخصام والوجع


أشكرك أختي الفاضلة لمار اسعدني تواجدك

وتفاعلك الراقي وجهة نظر تحترم طبعا

ربي يوفقك ويسعدك

[ياسمينااا]

كلمات جميله
توصف حال الناس المدلعه اللي مش عندها أي مسئولية
قليل جدا لما تلاقي حد بيرفض حب اللي حواليه
أكيد بيبقي عنده مشكله نفسية
لإن الإنسان الطبيعي بيحب الناس ومش بيعمل مشكله
ويزعل ويخاصم بدون سبب او لسبب تافه
تسلم إيدك
بإنتظار جديدك
ربنا يسعدك ويوفقك

[شاعر الحب الحزين]

اقتباس المشاركة الأصلية كتبت بواسطة ياسمينااا كلمات جميله توصف حال الناس المدلعه اللي مش عندها أي مسئولية قليل جدا لما تلاقي حد بيرفض حب اللي حواليه أكيد بيبقي عنده مشكله نفسية لإن الإنسان الطبيعي بيحب الناس ومش بيعمل مشكله ويزعل ويخاصم بدون سبب او لسبب تافه تسلم إيدك بإنتظار جديدك ربنا يسعدك ويوفقك

اه انا بستغرب ساعات بشوف حد زعلان

وشايل هم الدنيا بفتكر مات حد بيخصه

وبيكون السبب تافه وميستحقش الزعل

نوعية من البشر بتمنى يعرفوا قيمة النعمة اللي عندهم


أشكرك ياسمينا جدا تواجدك بيضفي نكهة لموضوعي

وتفاعلك منطقي وقرائتك للكلمات قمة الفهم والعقلانية

منوراني بتواجدك الكبير واكيد سعيد بحضورك وردك الغالي

ربي يوفقك ويسعدك

[ياسمينااا]

اقتباس المشاركة الأصلية كتبت بواسطة شاعر الحب الحزين اه انا بستغرب ساعات بشوف حد زعلان وشايل هم الدنيا بفتكر مات حد بيخصه وبيكون السبب تافه وميستحقش الزعل نوعية من البشر بتمنى يعرفوا قيمة النعمة اللي عندهم أشكرك ياسمينا جدا تواجدك بيضفي نكهة لموضوعي وتفاعلك منطقي وقرائتك للكلمات قمة الفهم والعقلانية منوراني بتواجدك الكبير واكيد سعيد بحضورك وردك الغالي ربي يوفقك ويسعدك

لو كان عندهم مسئولية أو حاجه مهمه بيعملوها في حياتهم
عمرهم ما كانو هيشغلو نفسهم بتافاهات ذي دي
لكن ناس فاضيه بقي مش عندها حاجه تعملها
وفي مثل بيقولك الفاضي بيعمل قاضي ههههههه
تسلم شاعر ميرسي ليك
أنا اللي ببقي سعيده بوجودي في مواضيعك

[bobaOo]

الرضى وعدم الغرور والتكبر..
صفاات مهمه ف الانسان عشان يعرف..
يتأقلم ويعيش..
نو كومنت على سطورك..
احنا كده ميه ميه.تحياتي

[قلب وكلمات]

أخي الحبيب خالد

رائع ومتنوع وهنا تكتب الحكمة وتصيغ الدرّ

لا فوض فوك بجد احسنت سلم الله مدادك

استمتعت بهذا الرقي الناطق بحرف شجي

لك خالص ودي وجل تقديري وعظيم تحياتي

قلب الكلمات
القيصـر

[Safira]

الحب مفروض ميبقاش في غرور ..
بس للاسف في ناس دي بتكون فطرة فيهم
الغرور والكبرياء وفي نفس الوقت دول بيكونوا اكتر الناس ندم
لانهم بيفقدوا اعزاء عليهم كتير بسبب الغرور .

كلمات رائعه بجد ومعبرة ..
دام ابداعك وتألقك
تسلم ايدكـ .

[الأميرة رودي]

الحب سماحه وموده ووفا
مفيش مجال فيه للغرور او الانانيه
ولو حصل واتعامل طرف من الطرفين كده بيكون خاسر

طرح راائع خالد
جذبني العنوان
دمت سالم