إيــــه اللـي رماكــــي

[شاعر الحب الحزين]

إنتي إيه اللي رماكي عليا

وإيه اللي ف سكتي وقعك

كنتي فاكراني هحبك شوية

ولا متصورة إني بسهولة اخدعك

لا مش بالساهل ابقى انا الضحية

آسف مش هقبل إني لغيري ارجعك

اطمني هشيلك فـي قلبي وعنيــا

فين تلاقي حد يحبك قدي ويدلعك

لو سبتك تمشي عارفك هترجعي ليا

انا مش بجبرك وعلى عيني أودعك

بس اسيبك لمين في وسط الغابة ديـا

ومين هيحس بيكي ف همك ويسمعك


لو خايفة مني ما تبعديش قربي واسأليني

لو شايلة مني تعالي هنا لومي عليا وعاتبيني

مش حل إنك تمشي لأن قلبك مش هيمشي

هتصاحبه صورتي عطفي وغيرتي شوقي وحنيني

لو رايداني ومفيش حب تاني خليكي عشاني

لو جربتي حبي يوم هخليكي طول العمر تحبينــــي



شــــــــــــــــــــــــــــــــــــ . حــــــــــــــــــــــــــــــــــــــــ

[رآقيہ بأخلاقـى]

الله عليك يا خالد .
حب بالاكراه هههههههههه
كلمات جميله بجد
عشت فيها وحستها وحسيت بالوفاء لحبك
دمت مبدع وشاعر متألق ..
سملت اناملك

[Lamees]

مفيش حاجة بترمي حد غير الهوى
وهو ده اللي رماها اكيد
ابدعت خالد في توصيل المضمون
شكراً

[ana lola]

مش بحب حد لما يلاقي عنده مشكلة
اول حاجه يعملها الهروب
بدل المواجهه
عجبتني الثقة في الكلمات
تسلم ايدك

[Śลяą..ღ]

حب وعتاب^^
متمسك بيها و ف نفس الوقت بعاتبها. .
كلمات جميله ممزوجة بالحنين
احسنت خالد فِ اختيارك للكلمات
تحياتى

[اذار .]

كلماتك حلوه بجد ،
حب رقيق ، اهتمام بحنيه ، تعلق بشده ،
هنا يمكن جمال الحب ،

كالعاده كلماتك بتحرك احاسيس دفينه ،
يدوم جبروت قلمك ،

مودتي ،

[آآهآت]

احترقت كل اوراقي
امام كلماتك وتكسرت كل اقلامي
امام قلمك وجفت محبرة اقلامي
اقولها لك بكل اللغات ما اروعك وانت
تصور لنا كل يوم شيء جميل شيء
يعاتبنا لما لانكون مثله مبدعين ولكن
مااكثر من يكتبون وعند الابداع تكون
انت من ضمن المبدعين عزيزي
تحاورك الكلمات قبل ان تحاورها لانها
تعلم الى اي مرفا هي واصلة طالما انك
انت من قاد دفتها ابدعت
دائما متالق بكتاباتك الرائعة
احسست بروحي تطير وانا اقرا هذه السطور
حلقت بعيدا
حلقت مع قلمك الرائع
الله لا يحرمنا من مشاركاتك المميزة والراقية

[ياسمينااا]

كلمات جميله جداً شاعر
العتاب واللوم مهم جداً في الحب
مش عشان زعلان تبعد وتهجر وخلاص
لازم تعرف السبب ويكون عندك وفاء وإخلاص
دمت ودام لنا إبداعك
تحياتي

[شاعر الحب الحزين]

اقتباس المشاركة الأصلية كتبت بواسطة رآقيہ بأخلاقـى الله عليك يا خالد . حب بالاكراه هههههههههه كلمات جميله بجد عشت فيها وحستها وحسيت بالوفاء لحبك دمت مبدع وشاعر متألق .. سلمت اناملك

كل حاجة بالإكراه إلا الحب بالإكراه برده ههههاي

تسلمي نور اكيد الاجمل تواجدك هنا

يدوم تواجدك وتدوم ضحكتك الجميلة اكيد

نورتيني واسعدني ردك وتفاعلك الجميل نور

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة اطياف الماضي مفيش حاجة بترمي حد غير الهوى وهو ده اللي رماها اكيد ابدعت خالد في توصيل المضمون شكراً

ما انا قلت كده برده

تسلمي راقية الإحساس روني

لتواجدك وردك الرقيق كشخصك

نورتيني واسعدني ردك وتواجدك روني

ربي يوفقك ويسعدك