كل سنة وانتي طيبة يا هاجر

[شاعر الحب الحزين]

هو أنا عشان ما جبتلكيش تورتة

قلت هتحسبيها عليا ألف غلطة

عشان انتي اختي الصغيرة

وشايفك زعلانة كده ومتحيرة

لا كلام لا سلام واكلة عشاكي القطة

يرضيكي اعملك كيكة وماكلش منها

يرضيكي كده كيكتي تبعديني عنها

طب ما انتي لو كلتيها لوحدك هيجيلك زغطة

انا قلت اكتبلك كل سنة وانتي طيبة

عيد ميلاد سعيد يا أم غرة متسبسبة

لايقلك الازرق ليه انتي بالإسود متحجبة

فين ضحكتك فين بسمتك زعلك لوحده مصيبه وورطة

إني أتنفس تحت الماء إني أغرق أغرق أغرق

من الآخر كده عايزك تلبسي الفستان الأزرق

عايزين نشوفوا ضحكتك بدل ما اخبط نفسي ستين بلطة

أجبلك احلى تورتة بس إديني الحساب

حسابها ضحكتك يا أرق أخت واعز الأصحاب

أعملك أحلى كيكة بالهنا والشفا تاكليها من غير عتاب

أصلي بعملها بكمون وبعصر عليها لمون وبرش عليها شطـــة



هههههههههههههههههههههههاي


كل سنة وانتي طيبة وبألف خير أختي الصغيرة هاجر

مش عارف بقى عندك كام سنة دلوقت بس يلا ربنا

يوفقك ويسعدك ويباركلك ف عمرك يا هاجر


الإمضاء لكل الاعضاء اللي بيعزوا هاجر

[راجعة لحبيبى]

كل سنه وانت طيبه اختى
وشكراخالد
وكلماتك الشعريه الجميله
وروحك الطيبه
لروحك السعاده

[الفيلسـوف]

كل سنه وانتى طيبه يا هاجر
وعقبال مليوون سنه
وربنا يديكى الخير كله يارب
وشكرا يا خالد للمبادره الجميله منك

[۩۩ elMagic ۩۩]

هههههههههه
جميل موضوعك ودمه خفيف
متميز كالعاده شاعر
كل سنه وهى طيبه بقى
وعقبال ميت سنه وتحقق كل ما تتمناه
دمتم بافضل حال

[Stop Ana Eltop]

يابختك يابت يا هاااجر
مكتوبلك قصيده بحالها
كل سنه وانتي طيبه بقن
وتسلم ياشاعر ع القصيده

بالتوفيق دايما

[Śลяą..ღ]

كل سنه وانت طيبه يا هاجر. .
عيد ميلاد سعيد عليك يارب
وعقبال مليون سنه ف سعادة

مبادرة طيبه خالد
دمتم بود

[حـيـــــآة ❤]

إيه ده هههههه
ده عشاني!
احلى مفاجأه والله أ. خآلد..
وأحلى تورته ال بالشطه والكمون
والله كده كتير
ميرسي بجد بئا..
ربنا يسعدك ي شاعرنا الجميل ويوفقك يارب
بس إنت كفيت ووفيت ف الغربله هههه
ع العموم قصيده جميله والاجمل ال شخصك أ. خالد
تسلم يارب من كل شر

[ana lola]

شوفتي اهاجر هيجيلك زغطه ههههه
كل سنة وانتي طيبة يا قلبي
عقبال 100 سنة
والفرحة الجايه ان شاء الله
لما تجيبي الدرجة الحلوه والكليه
ربنا يوفقك
شعر جميل أ. خالد
مبادره لطيفه منك
تسلم ايدك

[رآقيہ بأخلاقـى]

يا بختك يا هاجر اتكتب فيك قصيده
مش زينا منسيين
كل سنه وانتى طيبه حبيبتى
عقبال السنه ال 104
وتبقى كركوبه ونحتفل بيكى
تسلم ايدك خالد ع كلماتك
دمتم بخير

[Lamees]

كل سنة وانتِ طيبة هاجر
عقبال ميت سنة
لفتة حلوة والله منك خالد
تدوم المودة