يوميات مخطوبه مخضوضه :)

[Dr. AnOosHo]

قبل يوم الخطوبه .. تالت يوم العيد ... كنت حماده ومن يومها انا حماده تاني خالص قبل يوم الخطوبه كنت عايشه براااااحتي .. خروج شغال .. نوم شغال.. تليفزيون ونت وسهر شغال ... بعد يوم الخطوبه زن شغال .. قعاد في البيت شغال.. صحيان من عز نومي شغال.. رغي طول الليل شغال... لو قعدت اقارن بين قبل وبعد اكيد الكفه بتاعت قبل هي اللي حتكسب من غير كلام في التوبيك العظيم ده وعلى غير العاده والمعتاد اني اكتب اصلا قررت اكتب وافضفض عن قلبي شويه كل ما بعد الخطوبه وشويه ترفيه عن النفس حبه نونو صغيرين في النص عن ماقبل الخطوبه وياترى مع الايام هو ممكن اكون عروسه بقى وفستان ابيض وعريس وكوشه وبيت واسره ووو التوبيك ده واليوميات دي هي الوحيده الكفيله انها ترد على السؤال ده بارائكم واقتراحتكم ونصايحكم على يوميات مخطوبه مخضوضه.. لان وجودكم دعم ليا ولكل مخطوبه او على وش تدبيسه مع كل موقف جديد حكتب هنا مش حفصل التوبيك .. مع تعديل عنوان التوبيك بعد الرجوع للادارة

[۩۩ elMagic ۩۩]

يومياتك مع حماده الجديد
دا انسب عنوان للحاله اللى قدامنا دلوقت
متابعين ان شاء الله بقآ
وربنا يكرمك ان شاء الله ويوفقك

[الأميرة رودي]

هو انتى بتحسبي ايام الخطوبه دي زن وقلق وصحيان فى عز النوم
طب اصبري على رزقك ياشابه
دول حتى دايما بيوصفو فتره الخطوبه هى فتره الرومانسيه والكلام الحلــو
والخروج والفسح والهدايا
بعد كده هيعمل من بنها
فأنتى عيشيلك يومين قبل ماتسكني فى بنها ذات نفسها هههههههه
ربنا يسعــدك ياهنوشتي

[ParoOo]

هههههههههههههههههههههههههههههه مااشى يا بتاعت حمااده

امووت واعرف ايه بيحصل للبنات بعد الخطووبه >_<

[حـيـــــآة ❤]

هههه يابنتي انتهزي الفرصه قبل متقعي ف القفص
اقصد تتجوزي يعني ي خايبه عيشيلك يومين حلوين
مش هتشوفيهم بعد الكوشه والفستان
ربنا يسعدكم بئا

[αЛαstoOorα]

آنتي لسة شوفتي حاجة

دا كله كوم وجوازك دا هيبقة كوم تاني

هتتشهيصي هههههه

[Dr. AnOosHo]

اقتباس المشاركة الأصلية كتبت بواسطة ۩۩ elmagic ۩۩ يومياتك مع حماده الجديد دا انسب عنوان للحاله اللى قدامنا دلوقت متابعين ان شاء الله بقآ وربنا يكرمك ان شاء الله ويوفقك

ههههههههههههههههههه اه والله هو اسمه احمد يبقى حماده اصلي

منور

[Dr. AnOosHo]

اقتباس المشاركة الأصلية كتبت بواسطة الأميرة رودي هو انتى بتحسبي ايام الخطوبه دي زن وقلق وصحيان فى عز النوم طب اصبري على رزقك ياشابه دول حتى دايما بيوصفو فتره الخطوبه هى فتره الرومانسيه والكلام الحلــو والخروج والفسح والهدايا بعد كده هيعمل من بنها فأنتى عيشيلك يومين قبل ماتسكني فى بنها ذات نفسها هههههههه ربنا يسعــدك ياهنوشتي

هههههههههههههههههههههه شكلي دخلت بنها من دلوقت يقلب هنوشتك

[Dr. AnOosHo]

اقتباس المشاركة الأصلية كتبت بواسطة بنوته مصريه ميه ميه هههههههههههههههههههههههههههههه مااشى يا بتاعت حمااده امووت واعرف ايه بيحصل للبنات بعد الخطووبه >_<

ههههههههههههههههههههههه حتعرفي يختي حتعرفي مستعجله على ايه مسير حماده بتاعك عن قريب يشهيصك

[Dr. AnOosHo]

اقتباس المشاركة الأصلية كتبت بواسطة ♥حيآة آلروح♥ هههه يابنتي انتهزي الفرصه قبل متقعي ف القفص اقصد تتجوزي يعني ي خايبه عيشيلك يومين حلوين مش هتشوفيهم بعد الكوشه والفستان ربنا يسعدكم بئا

ربنا يخليكي حبيبتي يارب