فضفضةة حآئره،،~

[حـيـــــآة ❤]

نبدء بالحمد والشكر لله وحده

~~~~~~~~~~~~~~~~~
انا كشخصيه شخصيه ضحوكه ومنفتحه وبحب الناس ويمكن الكل عارف كده..

من كم يوم اتغير الحال ..

بقيت بنجذب للعزله اكتر وبخااف جدا .. مبقتش زي الاول لما احزن اعيط !

بيحصل اني مبقتش بعرف انام ابدا ..

قلبي بيدق بسرعه وبسخن حاسه بتوتر على طول وخوف ملازمني..

انا لو كنت بعيده عن ربنا قلنا ماشي..

لكن انا والله اعلم قريبه كل القرب الحمدلله..

ملتزمه بصلاتي وبنصح الكل يلتزم بيها كمان..

وحاجه كمان امتنعت عن الاكل ماليش نفس ابداا

ممكن اطبق يوم ماكلش عادي

معنديش نفس لاي حاجه ف الدنيا ..

احساس ان قلبك بيدق بسرعه كآني حاسه بمصيبه!

احساس خوف مندمج مع توتر وعصبيه وزعل وقديم على جديد..


إنتهى ""`


ده جواب .. مالك؟

فضفضةة آنثى غير مفهومةة،،~

[Dr. AnOosHo]

ادعي دعاء الكرب

وان شاء الله ربنا حيفرجها عليكي وحيبعد عنك اي ضيق او حزن او خوف

لو قعدتي لوحدك شويه وفكرتي في اللي انتي فيه حتلاقي اكيد سبب لكل ده في موقف معين مخوفك او حاجه مزعلاكي جابت القديم والجديد

عموما يحبيبتي كلنا بنمر بالوقت ده وان شاء الله تطلعي منها احسن من الاول

هو اللون الاسود عاكس قوي المود كمان

[الفيلسـوف]

هاجر برده اللى ع طول بتضحك وتنور الدنيا ومضحكنا
بصى ياهاجر ضيقتك او مشكلتك او انعزلك محصور بين حاجات معينه
ساعات الروتين بيعمل الحاجه ديه وهى الملل وانى حاسس حاجه مضيقنى
او انتظار شى معينه انا مرتب عليه حياتى حته لو حصلى مشكله معينه
بتكون محصره ف انسان ضيقنى قبل كده وبالتالى بجمع الاسباب كله
ف شى واحد وهو الماضى فالحاضر بيختلط بالماضى من غير اراده وشعور
وبالتالى الحل سعات اننا نفكر نشغل بالنا بحاجه جديده علشان نوصل لشى
بقوم بالبديل يعنى مثلا زى ماتكون بتحبى سما وهى صحبتك سما بعيد ايه البديل
اللى يخلنى اخرج بره حالتى اللى تقدر تعوضنى ع الجانب اللى مسبب ليه الحزن
حولى تخرجى بره الدايره وقتها حتعرفى الشى المطلوب واللى لازم تعمليه
نصيحتى الاخيره ليكى التجديد ف حياتك لانى لسه ف حياتك حاجه مهمه تعمليه علشان حد مهم وهو انتى

ثانيا تدورى ع البدائل وتششغلى نفسك بحجات جديده تكون مناسبه لشخصيتك حته لو ماعايزه تعمليه

ثالثا تربطى الجديد والمهم اللى حتعمليه بحياتك الجايه وده اللى حيبعدك عن الماضى موقت لحين احام العقل بالحياه الجديده
ربنا يسعد قلبك يارب

[رآقيہ بأخلاقـى]

انا فعلاً ملاحظه انك متغيره
وانك مش زى الاول
بس كل اللى انتى فيه ده
كلنا مرينا بيه
بس انتى ادعى ربك وهو اللى عالم بحالك
وقادر يبدله من الحزن للفرح
...
ربنا يسعدك حبيبتى ويفرح قلبك ويبعد عنك الاحزان

[حـيـــــآة ❤]

بشكركم ع المرور
ربنا يسعدكم

[ŌиĹч.Ḿё]

ربنآ يفرح قلبك ديمآ ..يآ هآجر

[♥○ moOoOoOna ♥○]

شوفتى بقى ؟

انا قلت هجوره فيها حاجه

ليه يابنتى كدا الثانويه العامه هتعدى على خير ان شاء الله ههههههههههه

اتوكلى انتى بس على الله

ماتضايقش نفسك يا جمييييل

مافيش حاجه مستاهله خاااالص

[جبل عالي]

بصراحة كلهم ماشاءالله عليهم قالوا كل اللي كنت هقوله بجد


في بس نقطة صغنونة كده
وهي ان الدراسات أثبتت ان حالة الجو الطبيعية حوالينا
لها تأثير على بعض النفوس الحساسة شوية

وكلام محمود كلام مظبوط مية المية
مخلاش حاجة اقدر اقولهالك


ربنا يوفقك ياقمر يارب وبجد مفيش حاجة مستاهلة قلقك
خليها ع الله يابنتي واعقليها وتوكلي
وخلي ايمانك بربنا انه هينصفك ويوفقك
وبلاش تتكلمي كتير عن الثانوية وعن بلاويها

فكك ياهجوووووووور الله يسعدك

[رضا التركى]

بصى يا أختى هاجر كل اللى قولتيه حصلى من فترة كبيرة

وزيادة عليه كمان خوف شديد عند النوم

كان لما يمتلكنى الخوف اسيب النوم وامشى وبس

ودى كانت اعراض القولون العصبى ونوع من الإكتئاب

بس بالعزيمة والإيمان اختفت تدريجيا

كل اللى عاوز اقولهولك متخفيش ومتسبيش نفسك للخوف

بالتوكل على الله وبايمانك تقدرى تعدى المرحلة وبسهولة جدا

كمان ولازم تشغلى نفسك وتحاولى متفكريش فى اللى بيتعبك

وأهم من ده كله الرضا خلى ثقتك فى الله كبيرة

وربنا يعفو عنك وترجعلك ابسامتك وضحتك إن شاء الله

دمتِ بكل خير وطمأنينة وراحة بال وسكينة

تحياتى لشخصك الكريم

[bobaOo]

مكبرره الموضوع على فكرره..
وبإيدك تطلعي نفسك بنفسك من الي انتي فيه..
الجماعه ربنا يجزيهم قالو كل خير وكلام جميل .
ربنا يهديكي