متى تجف الدموع ..!

[رآقيہ بأخلاقـى]

السلام عليكم ورحمة الله وبركاته

**
بسأل نفسى امتى هتجف دموعى .!

للاسف انا من الناس اللى دموعها قريبه جداً

رغم الضحك والهزار اللى دايماً فيه مع اصحابى او اخواتى

بس على طول حاسه ان فى حاجات مسكورة جوايا مش حاجة واحدة
...
من اقل موقف او كلمة من حد عزيز عليا الاقى دموعى نزلت لوحدها

من غير ما اتحكم فيها

وقتها ببقى مش عايزة اتكلم مع حد ولا احب حد يسألنى مالك

لان بمجرد ما تتقالى الكلمه دى ممكن انهار من العياط

علشان كدة بفضل العزله لما اكون مخنوقه او فى حاجة مزعلانى
...

واخيراً عرفت امتى هتجف دموعى
!!!
........
مجرد فضفضه ليس إلآ

[الفيلسـوف]

اهلا اهلا الحجه نور
بصى يانور كتير لما بنتعامل مع ناس بنفكر انهم قمه ف الهزار
ومش شايفين اى حاجه غير ضحك مع انى من جواهم ارق مما يكون
ف ناس حساسه جدا وده بياثر عليه لانى ده بيخليه متقلبه
ممكن من اقل موقف تكتم تكتم وده غلط ممكن تكونى بتحبى العزله ف همك
وده حقك لكن كتم الشعور ده غلط ممكن تطلعيه ع ورق ع هيهات كلام
ع مجرد فضفضه زى ما عملتى دلوقتى ربنا يكتبلك السعاده يارب يانور
ويريح قلبك

[۩۩ elMagic ۩۩]

سبحان الله
انا النقيض تماماً مفيش دموع خاالص
عموماً كل ما بتبقى بتتاثر ومرهف الحس بشكل كبير كل ما بتلاقي الدموع بتنزل في اغلب الاحيان
واوقات بتبقى هي الحل والعلاج في امور كتيره .. تسلمى نور لفضفضتك

[Dr. AnOosHo]

نور ... بعد الشر عليكي من ان يكون في حاجه كسراكي

يمكن حساسيه زياده مش اكتر
واختلاف شخصيات في ناس بتجب تقعد لوحدها لما تضايق
وبعجها تروق بدل محد يقولها مالك وتنهار عياط وتتعب اكتر

ربنا ميجيب عياط ولا زعل ولا ضيق حبيبتي ويسعد قلبك

[Stop Ana Eltop]

دموعك هتجف مع الوقت
هتحتارى تعيطى على ايه ولا ايه فتسكتى
بسيطه يانوور الايام بتعدى وتنسى

[العقل الباطن]

الدموع . /
لماذا تريدى ان تجف دموعك !
فدموعك من الاشياء التى يمنّ الله بها على عباده
خصوصاً إن كانت من خشية الله
ولكن الحزن من الدنيا و ما نقابله فيها !
نجد ان اروقة الارض قد اغلقت و نجد اعزّ الناس الى قلوبنا
- لن اقول -يجرحونا ! بل لا يشعرون ما بداخلنا
وهذا فى حد ذاته جرح ولكن - غير متعمد -
فهذا ألم كبير قد يتحسّن الالم بالدموع.
اما بخصوص انك بتهزرى كتير فا دا مش يدلّ ابداً انك مش بتدمعى
بل بالعكس اللى بيضحك بسرعه ويهزر كتير بيبئى دمعتهم قريبه جداً
لان الضحك فى معظم الاوقات بيبئى حل للخروج م الحزن
انا مش بنصحك او برد عليكِ انا بس بفضفض معاكِ

[Solenzara]

حبيبتي دة أنتِ توأمي
دة انا دمعت من كلامك .. وحاسة بكل اللي بتقوليه ،،
انا لو شوفت راجل عجوز في الشارع ممكن أعيط
وغير كدة كتير ......

بصي إحنا مش نكديين .. ولا بنحب النكد والكآبة ..
بس ممكن فوتنا حاجات كتير ضايقتنا ..وقعدنا ندفن فيها ..
وقلنا معلش والتمسنا أعذار .. مش بنزعل من حد وبنسامح دايمًا بس بيجي عليكي وقت خلاص بقت مشاعرك منهارة ومستنزفة .. مش بتتحمل زي الأول ومن أقل حاجة تدمعي لانك بقيتي بتعذري البشرية كلها وبالتالي بيصعبوا عليكي وبتصعب عليكي نفسك من أقل موقف ..

عشان كدة بنهزر ونضحك كتير .. بس محدش يعرف في اخر اليوم وإحنا لوحدنا بنبقى عاملين إزاي ....

ويمكن الحل في إننا ..
نحاول نتماسك ونقوي قلبنا شوية .. لان في ناس بتستغل دة
ونبطل العزلة بقى اومال انا جيت ليه ؟؟

تحسي إني عالمة الفلك والأبراج عبير اللباد
معرفهاش طبعًا

ربنا يفرح قلبك ويريح بالك

[♥○ moOoOoOna ♥○]

يا واد يا حساس انت هههههههههههههههه

انتى طيبه اوووووووووووى

[ياسمينااا]

مش إنتي اللي لوحدك كدا في ناس كتير
من أقل حاجه يبكو دموعهم قريبه جداً
صدقيني أحسن بكتير من اللي مش بيعرفو يبكو
علي الأقل لما بتبكي بتحسي إنك روقتي شويه وبقيتي أحسن
ومتقلقيش مع الأيام والمواقف الصعبه دموعك هتجف لوحدها
أنا عكسك تماماً مش بعرف أبكي وبكتم زعلي
ودا بيتعب أكتر بكتير لإنك مش بتفضفضي عن اللي جواكي
ربنا يبعد عنك أي حزن يارب
ربنا يسعدك ويوفقك حبيبتي

[رآقيہ بأخلاقـى]

sad love
محمود \ انا فعلاً زى ما انت قولت يا دكتورى النفسى
انا مش الناس الكتومه ومش بحب اشارك حد حزنى او همى
بفضل اشيله لوحدى وعارفه ان ده غلط عليا
بس انا مخلوقه كدة ومش عارفه اغير من نفسى
...
ومش دايماً هتلاقينى هنا بفضفض باللى مضايقنى او مزعلنى
يعنى متاخدش ع كدة انا كتير جداً بكون مهمومه وتعبانه
بس مش بتكلم بحاول ادارى اللى جوايا
..
نورتنى بقى يا دكتور محمود