بـكره تحـلى :)

[رآقيہ بأخلاقـى]

السلام عليكم ورحمة الله وبركاته
***

صباحكم \ مسائكم خير

اولاً انا عارفة ان فى ناس لما تشوف عنوان التوبيك ده

وقبله عنوان توبيك متى تجف الدموع

الناس ممكن تقول عليا متناقضه .. بس ده للى هيشوف عنواين بس

يعنى للى مدخلش وشاف المحتوى بتاع كل موضوع

المهم ..

وانا فاتحه الفيس بتاعى ومخنوقه للاسباب اللى فى موضوع متى تجف الدموع

لاقيت منشور من صفحة مخابرات مصر 2

فيه اغنية مقدمة من وزارة الدفاع المصريه

اسمها بكره تحلى .. معموله علشان قناة السويس الجديده

وعلشان فرحة مصر اللى هتم يوم 6 اغسطس بإذن الله

عن مصر اللى هتعلى وهتفرح مهما حاولوا يحزنوها

ومهما حاولوا يخربوها

هتفرح وهتعدى كل المحن وكل الازمات برئيسها وجيشها وشعبها اللى بيحبها

اللى مش عايز يشوفها زى سوريا ولا زى ليبيا ولا زى العراق .. إلخ

هتفرح وهتفرح وهتعلى بإذن الله رغم أنف كل حاقد

.....

عارفه ومتأكدة ان موضوعى مش هيعجب ناس كتير

رغم انه موضوع عادى لا فيه تريقه ع معارض ولا الفاظ خارجه

بس لمجرد ذكر الرئيس والجيش فـ ده موضوع غير مرغوب فيه للبعض

لكن انا كتبت الموضوع بحب جوايا لبلدى اللى بتمنى اشوفها احسن بلد فى الدنيا

وميهمنيش مين يرد ومين ميردش

او الموضوع يكون فيه كام مشاركه

كل اللى يهمنى انى عبرت عن حبى لبلدى

تحيا مصر

....

ودى الاغنيه للى حابب يسمعها ^_^

[Stop Ana Eltop]

هى مصر بتفرح ليه يانور
هى مفرحتش فى الجوازه الاولى هتفرح فى التانيه
الفرحه هتبقى لما نقضى ع الفساد والجهل والسرقه

ع العموم يارب نظرتى تبقى غلط
وفعلا بكره تحلى
بس بوجودى وسطكم وانا فى صحة وعافية

[Dr. AnOosHo]

يارب مصر تفرح حبيبتي
هو حد يكره ان مصر تفرح ومشروع السويس يكمل ويتطور اكتر وتكتر واي مشروع في البلد يتطور

احنا مش زي غيرنا من البلاد العربيه اللي اتقسمت بسبب شعبها
ولا جنبقى غصب عن اي حد عايزنا نبقى كده

مصر حتفضل مصر
واي خلاف هو قشرة سطحيه والبلد ماشيه ماشيه ان شاء الله

اللي بيحرق واللي بيفجر واللي بيدمر هو مش مصري اصلا ...

اللي بيايد الاخوان مصري واالي بيايد الجيش والسيسي مصري طالما بيحافظ على البلد وعايز يطور منها مش بس يعترض وماعندوش غير كلام وفتن ... كلنا مصريين وبنحب مصر

واكيد كلنا عايزين مصر تفرح

[Solenzara]

إن شاء الله مصر تفرح وكلنا نفرح ،،
ونتغير ونغير حاجات سلبية كتير فينا ..

للأسف بطلت أتابع أخبار سواء إيجابية أو سلبيه
لإن نظرية المؤامرة مستمرة ..
بس اللي بتمناه إن البلد تستقر وتبقى أحسن من الأول
واللي أتمناه أكتر إننا نعيش آمنين .. ومتفاهمين .. ومتحدين ..
و نتقبل آراء بعض طالما بنطالب دايمًا بالديمقراطية ..
لسة ماشوفتش موضوع _ متى تجف الدموع _


تحياتي العطرة لكِ ..

[العقل الباطن]

موضوع جميل و الاغنيه جميله
وان شاء الله ما يكونش فى اى تعليقات ملهاش لازمه
سواء من اى طرف ويكون الموضوع دا اسمه فى حب مصر

[Lamees]

نتمنى ان يكون بكرة احلى
وكله في حب مصر

[رآقيہ بأخلاقـى]

اقتباس Stop Ana Eltop هى مصر بتفرح ليه يانور هى مفرحتش فى الجوازه الاولى هتفرح فى التانيه الفرحه هتبقى لما نقضى ع الفساد والجهل والسرقه ع العموم يارب نظرتى تبقى غلط وفعلا بكره تحلى بس بوجودى وسطكم وانا فى صحة وعافية

بت يا هوبا بطلى لماضه يابت
بدل ما اقولك يا بومه
كفايه ع الفيس مش هيبقى هنا وهناك >_<

ايوة يا اختى فعلاً هيبقى أحلى بوجودك وسطنا
منوره يا بومه

[رآقيہ بأخلاقـى]

اقتباس دكتور نوشه يارب مصر تفرح حبيبتي هو حد يكره ان مصر تفرح ومشروع السويس يكمل ويتطور اكتر وتكتر واي مشروع في البلد يتطور احنا مش زي غيرنا من البلاد العربيه اللي اتقسمت بسبب شعبها ولا جنبقى غصب عن اي حد عايزنا نبقى كده مصر حتفضل مصر واي خلاف هو قشرة سطحيه والبلد ماشيه ماشيه ان شاء الله اللي بيحرق واللي بيفجر واللي بيدمر هو مش مصري اصلا ... اللي بيايد الاخوان مصري واالي بيايد الجيش والسيسي مصري طالما بيحافظ على البلد وعايز يطور منها مش بس يعترض وماعندوش غير كلام وفتن ... كلنا مصريين وبنحب مصر واكيد كلنا عايزين مصر تفرح

والله يا هنونتى من جهة فى حد يكره انها تفرح فى كتير اوى
اللى نفسهم يشوفها خرابه زى غيرها من الدول اللى اتقسمت
وللاسف ده من جواها قبل براها
بس رغم انف كل حاقد هنفرح وهنعلى برضاهم او غصب عنهم
نورتينى يا قلبى

[رآقيہ بأخلاقـى]

اقتباس solenzara إن شاء الله مصر تفرح وكلنا نفرح ،، ونتغير ونغير حاجات سلبية كتير فينا .. للأسف بطلت أتابع أخبار سواء إيجابية أو سلبيه لإن نظرية المؤامرة مستمرة .. بس اللي بتمناه إن البلد تستقر وتبقى أحسن من الأول واللي أتمناه أكتر إننا نعيش آمنين .. ومتفاهمين .. ومتحدين .. و نتقبل آراء بعض طالما بنطالب دايمًا بالديمقراطية .. لسة ماشوفتش موضوع _ متى تجف الدموع _ تحياتي العطرة لكِ ..

إن شاء الله حبيبتى هنفرح ومصر كلها هتفرح
واللى يطق يموت
تسلميلى سولى ع مرورك يا قلبى
نورتينى

[رآقيہ بأخلاقـى]

اقتباس العقل الباطن موضوع جميل و الاغنيه جميله وان شاء الله ما يكونش فى اى تعليقات ملهاش لازمه سواء من اى طرف ويكون الموضوع دا اسمه فى حب مصر

تسلم لمرورك وكلامك وفكرك الراقى
نورت التوبيك وميرسى ع ذوقك
تحياتى