0% !!؟

[حـيـــــآة ❤]

السلام عليكم
~~~~~~~~

طبعا كلنا سمعنا بالبنوته ال اتخرجت من ثانويه عامه ب0% السنادي!!


واللي اتضح ان البنت دي طول عمرها من الاوائل ومبتسيبش الكتاب و..و..


واللي اتضح بعدين ان هناك شاب غني من عيله غنيه وواسطه


قام بشراء اورقة اجابات الفتاه !!


وباعوهاله عادي كده


يعني البلد هتروح لفين بعد كده؟؟

قلنا الامتحان بيتسرب والمجهود بيضيع ..

بس متوصلش لشراء تعب ومجهود 12شهر!!

ليه احنا بئيينا بتوع نفوذ وبتوع ماده وبس!!

يعني الواحد يبيع عرق واحده زيها عشان الماده!!

ماهي الماده عمرها ماهتفيدك ف اخرتك!!

بلد ماشيه عك وكوسةة!

يؤسفني حالها!

[BaAnOtA 7eKayaa]

بنت عجيبة !!!!

[ياسمينااا]

أنا أول مره أسمع عن الكلام دا
إنتي بتتكلمي بجد يعني ولا إيه
توصل درجة الإنحطاط إنهم يضيعو مستقبل بنت بالطريقه دي ليه
ومين اللي عمل كدا وعمل كدا ليه وإزاي أصلا يحصل كدا
هو إحنا بنطلع لقدام وبنتقدم ولا بنرجع عشرين خطوه لوراء
ربنا يستر بقي علي اللي جاي
تسلمي حياه

[واد حبيب]

اعتقد ان الويز فتح تحقيق في الموضوع ده
هيه فعلا غريبه اوي

[♥○ moOoOoOna ♥○]

ايوا صعبت عليا اوووووووى
ان شاء الله حقها هيرجع لها
مش بقولك كل حاجه توفيق من عند ربنا
انتى لو عملتى ايه و ربنا موفقكيش مش هتجيبى حاجه
ربنا يرجع لها حقها

[bobaOo]

نووو كومنت ياجوجاا..
مفيش في ايديها حاجه غير انها تقول حسبي الله ونعم الوكيل..
وربنا اكيد سباحنه وتعالى مش بيضيع حق حد..
لو كانو اقوياااء في الأقوى والأكبرمنهم سبحانه..
ربناا يهدي الجميع يارب....
محدش يتمنى الشرلحد..
بس النااس الي بتبيعع ضميرهاا..
تقدر تعمل اي حاجه..
تحياتي

[مصر فوق الجميع]

انا مسمعتش الموضوع دا بس غريب اوي

طيب هي ذنبها ايه انها تبقى بنت شاطره ويضيعوا تعبها عشان حد

اكيد حقها عند ربنا

شكرا يـ قمر عـ موضوعكـ

تحياتي ،،،

[شاعر الحب الحزين]

غريبة بجد

بس مين اللي باع اوراقها للشب ده؟

وازاي قدر يوصل لورقة اجابتها يعني مين

اللي تاجر بمجهودها وتعبها طول السنة ؟

عالعموم ربنا يرجع الحق لأصحابه يارب

ربنا ما بينساش حد وما بيسبش حق حد

تسلمي هاجر للطرح القيم للنقاش

يدوم تواجدك الجميل وانسانيتك هاجر

ربي يوفقك ويسعدك

[DESERT]

الثانوية العامة اغلبها غش ولو مش غشو بيغشو عافية لان مافيش رقابة قيسي دة علي التعليم والصحة والمرور هتلاقي نفوس مريضة فيها دة موضوع يطول شرحة العيب فينا اكتر مش في المسؤل بالرغم انة مشارك لكن العيب فينا
حتي لو غيرتي الف شخص

[Dr. AnOosHo]

ايوة فعلا سمعت عن الموضوع ده وبيقولوا فتحوا تحقيق فيها


ربنا يرجع الحق لصحابه

العادي بقى حال الدنيا كلها والله يهاجر مش مصر بس يلا ربنا يصلح الحال يارب