صافيـــــة وافيــــــة ( حكاية تحت الكوبري )

[شاعر الحب الحزين]

شكـرا كــده اهــي صافيــة وافيـــة

يـا حبيبتي الله يعطيكـي العافيــة

كتر خيري لسه متحملك

جزمة ميــري انــا جبتلـك

ولسـه بتقابليني وانتـي حافيــة

طب مش هدبحلك ف العيد خروف

وما تحلميش تاخدي مني مصروف

وابعدي عني يختي اعملي معروف

انا غلبان انا عيان ومفيش ولا كلمة شافية

وانتي امجنونة لابسالي جاكيته والدنيا دافية

أبوكي مجرم حرب أمك بتضرب العيال

أخوكي مسجل خطـر الراجـل شغــال

الكوبري ده بتاعي أنا خدته منكم كده بالعافية

عاجبك تفضلي خليكي مش عاجبك بلاش

انا عايز اتجوزك ومهرك 200 جنيه ادفعهم كاش

250 جنيه ليه هو انا هتجوز نانسـي ولا هيفــا

ده انا شقيت ع بال ما جبتهم

مديـت ايديـا لخلـق الله كلهم

سبوبة هي ما هي جوازة لمؤاخذة ودخلة بلا قافيــة


هتدخل عليها فين يا عم كده والناس كلها شايفة



شــــــــــــــــــــــــــــــــــــــ . حـــــــــــــــــــــــــــــــــــــ

[Śลяą..ღ]

ههههه حلوة
الافكار دى بيتجيلك منين.؟!
كلمات بسيطة وحلوة
دايما بتفاجئنا بجديدك. .
تسلم خالد
فِ انتظارك ديما

[شاعر الحب الحزين]

اقتباس المشاركة الأصلية كتبت بواسطة Śลяą..ღ ههههه حلوة الافكار دى بيتجيلك منين.؟! كلمات بسيطة وحلوة دايما بتفاجئنا بجديدك. . تسلم خالد فِ انتظارك ديما

هههههاي اصلي متعود اسمع اخبار الناس

ال فوق الكوبري قلت ابص تحت المرة دي

عارف انهار افكار مش بزيادة بس دماغي كانت طالبة كده بقى هههاي

تسلمي ام سرور لوجودك وضحكتك

يدوم تواجدك وتدوم ضحكتك سارة

نورتيني واسعدني ردك وتواجدك

ربي يوفقك ويسعدك

[bobaOo]

ههههههههههههععع....
200 بس....
وياترى المؤخر ربع جنيه...
ههههههه لا ومستكترهم..
ههههههههههههه ...
اعملك خيمه تحت الكوبري بئاا..
حلوة اوي يا أ/خالد بجد..
عجبتني..
تسسلم ايدك..

[شاعر الحب الحزين]

اقتباس المشاركة الأصلية كتبت بواسطة boba0o ههههههههههههععع.... 200 بس.... وياترى المؤخر ربع جنيه... ههههههه لا ومستكترهم.. ههههههههههههه ... اعملك خيمه تحت الكوبري بئاا.. حلوة اوي يا أ/خالد بجد.. عجبتني.. تسسلم ايدك..

عاجبك الفضايح دي يا خالد هههههاي

وجودك الاحلى يا هبة بوبا دايما نوريني

بضحكتك كده وتدوم ضحكتك وتواجدك اهبة

تسلمي نورتيني واسعدني ردك وحضورك الجميل

ربنا يوفقك ويسعدك

[ايمان طلعت]

ايه دة يا عنيه
هو انت فاكرني هافيه
200 ايه يا شملول
وانت شكلك كدة زي الغول
روح شوفلك رصيف يلمك
بدل ما انادي لابويا يلبك
هههههههههه
ايه اللي انا بكتبه دة
عجبك كدة حروفك العجيبه دي عملت ايه
ههههه
تسلم لقلمك المتنوع
تحياتي

[اميره الشعر الشجين]

ههههههههههه
200 جنيه ياخالد
لا بجد غالى اوى -_-
كلمات جميله ياجميل
تدوم افتكساتك

[ياسمينااا]

ههههههههههههه شاعر يتحدث من تحت الكوبري
اي كوبري بالظبط مش تدينا العنوان مظبوط هههههههههههه
وجاي علي نفسك كدا ليه مش شايف إنهم كتير
لما المهر 200 جنيه المؤخر هيبقي كام بقي هههههههه
وجايب لها جزمه ميري حد يجيب لحبيبه جزمه ميري ههههههههه
وكمان أخدت الكوبري يعني هتتجوزها عليه ربنا يسترها عليها
جوازه إيه دي ي عيني ههههههههههههههه
تسلم شاعر