عصافيرى !

[العقل الباطن]

تبع المسابقه :P

اول حاجه جت فى تفكيرى انى اكتبها فى اليوميات هو اكيد الحر
الحر اليومين دول حاجه فظيعه !
بس مش دا المشكله المشكله بئى ان عصافيرى بتضايق م الحر
وممكن تموت - بعد الشر -
المهم قلت اطرى على قلبهم وقمت جايبلهم بطيخه وحططهالهم
مش بطيخه كامله يعنى - سـ الفل - انا لازم اكل انا كمان
ما انا حران انا كمان
بعد شوية قلت اطلع اطمن عليهم - ملقتهمش -
لقيتهم اتحولو او بمعنى اصح اتنّكروا بئو متوسخين و معفنين اوى
صعبوا عليا قمت محميهم - دا بجد - طبعاً
بس مش بنشفلهم - عشان عيب - في بنات وكدا
وفى مشهد تانى مع عصافير بردو .
ان فى عصفوره بتطلع م القفص و مش عارف بتطلع ازاى رغم انه مقفول
المهم كل ما بلاقيها بلاقيها برا وواقفه ع القفص ولما باجى امسكها
بتبئى بتحاول تتحرك بس مش عاوزه لان متمسكه بالقفص - مش عاوزه تسيبه -
بجد الموضوع دا حيرنى لان ناس كتيره مننا بتلاقى بنى ادم ما يستاهلش ولا يقدر وفى نفس الوقت مش بنقدر نستغنى عنه . فمنزعلش لما نلاقى دا طبعنا
لان دا تقريباً طبع الطيور و - الحيوانات -

الخلاصه :
متزعلش لما تاكل بطيخ وبعد ما تخلص تلاقى نفسك متلحوس
لان البطيخ بيعمل الجلاشه مع الكل

والفقره التانيه فكرتنى بالمثل اللى بيقول
القط بيحب مفتاح الفرج

[Hearts Whisper]

انا توهت هههههه بس الموضوع ظرييف
ومعلش اتااخرت في الموافقة
بس تمام هيتحسب في مواضيع اول يووم ^_^
بالتوفيييق

[رآقيہ بأخلاقـى]

انا عاملة كدة دلوقتى
انت توهتنى خالص
بقى المثل بيقول القط بيحب مفتاح الفرج
روح يا شيخ .. وتعال بسرعه
...
ع فكرة احنا كمان كان عندنا عصافير
بس مش بيحبوا يطولوا عندنا
يا بيموتوا يا بيقع القفص بيهم ويطيروا
.
ربنا يخليلك عصافيرك ومتنساش تأكلهم المرة الجايه فراولة
بتعمل شغل حلو اووى هى كمان ويا سلام لو مرة مانجه

[العقل الباطن]

اقتباس المشاركة الأصلية كتبت بواسطة رآقيہ بأخلاقـى انا عاملة كدة دلوقتى انت توهتنى خالص بقى المثل بيقول القط بيحب مفتاح الفرج روح يا شيخ .. وتعال بسرعه ... ع فكرة احنا كمان كان عندنا عصافير بس مش بيحبوا يطولوا عندنا يا بيموتوا يا بيقع القفص بيهم ويطيروا . ربنا يخليلك عصافيرك ومتنساش تأكلهم المرة الجايه فراولة بتعمل شغل حلو اووى هى كمان ويا سلام لو مرة مانجه

ايه رآيك فى المثل .. مواهب يبنتى مش اى كلام
اما بخصوص انك طلع عندك عصافير فا انتى كدا مسكتينى من ايدى اللى بتوجعنى
هتلاقينى راشئلك لما اعرف كل حاجه عنهم
مليش فيه

منوره الموضوع بس بجد ماعرفش ازاى بيطلع م القفص وهو بجد مقفول
بس طالما مش بتطير بعيد و تجرينى وراها لانه فى اوضه مقفوله
فخلاص

[ايمان طلعت]

هههههههه هي العصافير بتاكل بطيخ
اكيد عامله ممر سري محدش يعرفه غيرها
او شكلها صغنونة بتخرج بين سيوج القفص
اهم من دة كله المثل الحلزوني دة
ربنا يخليهملك وتأكلهم مانجا كمان

[العقل الباطن]

اقتباس المشاركة الأصلية كتبت بواسطة hearts whisper انا توهت هههههه بس الموضوع ظرييف ومعلش اتااخرت في الموافقة بس تمام هيتحسب في مواضيع اول يووم ^_^ بالتوفيييق

اشطا سـ الفل
وسلامتك م التوهان
وان شاء الله المره اللى جاى اجى دوغرى من غير لف ولا دوران
وبعدين انتى رديتى ازاى فى الاول وانا ماشوفتش ردك !
منوره طبعاً

[العقل الباطن]

اقتباس المشاركة الأصلية كتبت بواسطة ايمان طلعت هههههههه هي العصافير بتاكل بطيخ اكيد عامله ممر سري محدش يعرفه غيرها او شكلها صغنونة بتخرج بين سيوج القفص اهم من دة كله المثل الحلزوني دة ربنا يخليهملك وتأكلهم مانجا كمان

فى حاجه اسمها البياضه دى اللى العش بتاعهم بيبئى ملحق مع القفص
فانا بنسى اقفله لانه بيتقفل بمسمار فمش باخد بالى فهى بتزقّه من جو فلما بتطلع مش بتعرف تخش تانى << فضلت واقف من برا - براقبهم - لغاية ما عرفت

وفعلاً العصافير زى البنى آدمين ما بيحبوش نوع واحد م الاكل
ممكن ياكو جرجير و خيار و تفاح و فراولة
لكن مانجه دا مستحيل انا لغاية دلوقتى مش عارف انضفهم م البطيخ هعرف انضفهم م المانجه !
دا انا نفسى مش بعرف انضف نفسى لما باكل مانجه
شكراً انك نورتى الموضوع بتاعى وعصافيرى بتسلم عليكِ

[ايمان طلعت]

شكلك بتاكل المانجا بافتري
اكيد بقي لونهم احمر دلوقتي
شوفت بقي العيب منك انت وهي طلعت ذكيه
الله يسلمهم وربنا يخليهوملك
ابقي صورهم بقي
وياسلام وهما بياكلوا البطيخ

[اميره الشعر الشجين]

طب بغض النظر عن البطيخ
أخبار البذر ايه ^_^

[العقل الباطن]

اقتباس المشاركة الأصلية كتبت بواسطة ايمان طلعت شكلك بتاكل المانجا بافتري اكيد بقي لونهم احمر دلوقتي شوفت بقي العيب منك انت وهي طلعت ذكيه الله يسلمهم وربنا يخليهوملك ابقي صورهم بقي وياسلام وهما بياكلوا البطيخ

انا الصراحه بكسل اكل فاكهه لسه هقشر و بتاع
عشان كدا بيعملولى عصير
بس لما بتزنق وباكل اى فاكهه طبعا ببئى - محدث نعمه -
فتلاقينى مبهدل الدنيا
وان شاء الله هصورهم فى اقرب فرصه
نورتى