لاء إتكلم

[طارق الجميل]

لاء اتكلم

ليه مابنعش الدنيا وليه ما بنشوفش الجمال

ليه لما الحاجه الحلوه تيجى لعندنا نقول عليها محال

لااا إتكلم عبر دا التعبير شىء من الكمال

اللى يحس لازم يتكلم ولازم يقول اللى يتقال

بحب وباعلى صوته ومش عيب حتى انه يفتح المجال

ان هو اللى يعبر ان هو يقول ماتخافش من بعد المسافات مافيش مٌحال

مش احسن ما نتئلم ونقول من الخوف

ونموت الاحساس جوانا ونقول دى الظروف

والقلب هايم وللحب كان عطشان وملهوف

إروى العطش ولا تخافش ابدا من لمس الكفوف

عبر ولو بالعيون يمكن اللى مش شايف يشوف

ولا لاء اتكلم الكلام احسن مره والوف

أخاف عليك من سكاتك تخسر واخاف عليك كمان من الخوف

انك ماتتكلمش وتحكم بالغلط على الظروف

وانت اللى كنت السبب وسكت ارجوك اعمل معروف

إتكلم عبر وقول

طارق الجميل

[.Lamar]

اوقات فعلا السكوت بيضيع منا كتير اشياء

و اوقات نأخد القرار متاخر و يكون الوقت فات


جميل ما نثرته هنا اخى

تحياتى واحترامى

[رآقيہ بأخلاقـى]

مش اى حد بيعرف يعبر عن اللى عايز يقوله
وفى كتير مفيش عندهم حتة الجراءه للكلام
انما ممكن يعبر بطرق تانى غير الكلام
اشكرك ع ما خط به قلمك
تحياتى وورودى

[اميره الشعر الشجين]

مش شرط ان الكلام يعبر عن الاجوانا
دا ساعات السكوت هو اكبر تعبير من الكلام
فيه وسايل كتير ممكن نتكلم بيها مش شرط اننا ننطق
دأنتا ممكن بحركه ملامح تقول كلام كتير اووى وانت مش حاسس
كلام جميل منك اخى
يدوم التميز ياجميل

[طارق الجميل]

اقتباس المشاركة الأصلية كتبت بواسطة لمار* اوقات فعلا السكوت بيضيع منا كتير اشياء و اوقات نأخد القرار متاخر و يكون الوقت فات جميل ما نثرته هنا اخى تحياتى واحترامى

علشان كدا لازم نتكلم خوفنا وترددنا وخجلنا ساعات بيضعوا
احلى مافى حياتنا ...... تحياتلا لمرورك الجميل سيدتى

[شاعر الحب الحزين]

عندك حق يا أستاذ طارق يا جميل

لغة النظر والتلميح وغيرها مبقتش

مقياس قدام الكلام والكلمة الحلوة

اثرها جميل ف النفس وبتترك صداها ف القلب

ياما السكوت ضيع ناس وخد من عمر ناس ف امنيات

واحلام عايزينها ومش قادرين يتكلموا


انتا كفيت ووفيت يا جميل والمعنى واصل

وكإنك بترد عليا ف ( نفسي اكلمك ) من قبل ما اكتبها

بحس شعور جميل جدا لما بقرأ كلامك بجد كلامك جميل

يدوم تواجدك الفعال اخي الغالي الجميل طارق الجميل

ربي يوفقك ويسعدك

[العقل الباطن]

اكيد الكلام فى اوقات بيبئى صعب
لكن بعدها وبتهدى بتقول كان المفروض اقول كذا وكذا
بس انا بقول الكلام وانت متضايق دايماً بيبئى غلط
لانه نابع عن عصبيه مش نابع عن تفكير
ولازم الواحد يوزن الكلام قبل ما يطلع لو طلع مش موزون اكيد هنخسر كتير
ومستحيل تسحب الكلمه ماهى خلاص طلعت !
كلامك جميل جداً تسلم حروفك
واحساسك صادق
وصل قلبى
شكراً وبإنتظار المزيد