مسابقة الأقسام الإسلامية الكبرى

[العاشق الذى لم يتب]

بسم الله الرحمن الرحيم
والحمدلله رب العالمين
وصلاة وسلاما على سيد الأنبياء والمرسلين
مابعد
أحبتى رواد منتدى بنات مصر الكرام
السلام عليكم ورحمة الله وبركاته
الأقسام الإسلامية دائما مانراها مهجورة من معظم الأعضاء
وطبعا ده عيب فى حقنا وحق القسم المفروض
ندخله علشان نتعلم ونتفقه أمورديننا الحنيف
وكمان علشان ناخد حسنات بمجرد قراءتنا لآية أو حديث
وعلشان نشجع القسم ونقوله إحنامش ناسينك
بس الحر هو اللى خلانانكسل نزورك
وعلشان ناخد حسنات
وناخد جوايز والأوسمة
يعنى الكل هيستفيد من كل الجوانب
حبيت أشجعكم وأشجع نفسى
ومع بعض نعيش أسبوع ضيوف للأقسام الاسلامية
كاملة
هتكون مسابقة لمدة أسبوع يعنى 7 ايام كاملة
هتبدأ إن شاءالله من يوم السبت القادم
وتنتهى يوم الخميس التالى
شروط المسابقة
على كل مشترك تنزيل موضعين فقط فى كل الأقسام يوميا
ولمدة الأسبوع كامل
مع الردود على المواضيع المطروحة
ولايقل عدد الردود عن خمسة
توضع روابط المواضيع والردود
فى توبيك مستقل سيخصص لذلك الغرض
وهيكون مثبت بالقسم العام الإسلامى
حتى يسهل الأمرعلى المشتركين
نروح للجوايز
هتكون مغرية ومرضية للجميع
مع مراعاة أن المشترك هيكون أخد حسنات وأستفاد
وده الغرض الاساسى قبل الجوايز العينينة
المركز الأول هيكون250 مشاركة + وسام
المركز الثانى 200 مشاركة + وسام
المركز الثالث 150 مشاركة + وسام
ولجميع المشتركين الغير فائزين جايزة وهدية
عبارة عن 75 مشاركة
كما أذكر فى حال كثرة عدد المشتركين
سيكون المراكز مكررة
بمعنى كل مركز هيكون فيه أتنين بنفس الجايزة
أطن كده أنا ماقصرتش
وكله علشان نشجع بعض وناخد حسنات قبل الجوايز
يلا عاوز الكل يساهم ويشترك
كل المراقبين والمشرفين والأعضاء
اللى عاوز يشترك يخش هناويسجل اسمه
ومن يشترك لاينسى يكتب بجوار عنوان الموضوع
مسابقة الأقسام الإسلامية الكبرى
مع مراعاة عدم تنزيل مواضيع سبق لها النزول بالقسم
وان شاءالله تبدأ المسابقة يوم السبت القادم
دعواتى

[bobaOo]

حلوة الفكره وهتنشط القسم اكيد..
بالتوفيق بئاا..
متابعه معاك..
تحياتي

[ساحر الأحزان]

مسابقة جميلة يا حج

يدوم جميل مجهودك

بالتوفيق

[حـيـــــآة ❤]

المسابقه جميله وفكرتها جميله
بالتوفيق للمشتركين

[سارة بنت مصر]

حلوه الفكره

بالتوفيق للجميع

[ياسمينااا]

مسابقة جميله جداً
هتعمل نشاط جامد في القسم
ممكن أشترك لو كدا هاجي أكد إشتراكي
بس أنا هعرف منين إن المواضيع جديده
وانا نادرا ما بدخل القسم لسه هاقعد أبحث عنها
تسلم رفعت علي المجهود

[توحد ارواح]

وعليكم السلام ورحمة الله

سبحان الله انا دخلت القسم النهارده وعملت موضوعين
وكنت بفكر في حملة تنشيط برده

اوك اكيد مشتركه باذن الله

جزاك الله خيرا ا/ رفعت

[جبل عالي]

الله ينور يارفعت تمااام والله سبقتني
كنت بالفعل بفتكر ايام التسابق هنا
وجمالها الروحاني

ان شاءالله اكون معاكم


مع العلم اني في حملة توحد ومش عارفة التوقيت
مع بعض ولا ورا بعض ؟؟


معلش بقاا دوشة جبل دي

[۩۩ elMagic ۩۩]

ان شاء الله يكون فيه متابعه
ومجهود طيب من الجميع
تسلم رفعت
جزاك الله كل خير

[العقل الباطن]

ماشاء الله فكره جميله
وجزاك الله خير الجزاء
وإن شاء الله اشترك