يـــــــارب

[شاعر الحب الحزين]

يـــارب انعـم بأمنــك وطيـب جـراح بـــلادي

اخوان وجيش وشعب واحد ورد كيد الأعادي

وحد صفهم حنن قلبهم جمعهم ف طاعتك كلهم

خلي النيل سلسبيل لكل عطشان بينادي

فك قيد كل أسير اغني بفضلك كل فقير

صالحني على اخواتي ولم شمل أهلي وأولادي

اهدي برحمتك كل عاصي حنن جوانا القلب القاسي

يارب حكمتك يارب رحمتك انتا الرحيم وانتا الهادي

اللي بيتمنالي خير إعطيه وارزقه

واللي بيتمنالي شر اهديه ووفقه

واللي مجافيني مش هخاصمه هروح واصالحه انا وعادي

ف دنيا زايلة حياتنا للذكرى باقية هحسبها صح المرة دي

كل شيء متقدر واحنا ع المكتوب ما نقدر

مهما نتكبر بنصغر مهما نندم عايشين وبنكبر

أيام العمر بتعدي ولا شيء هيفضل أبدي مهما عملت ع الفاضي

وانتا لسه بتندم ع اللي فات عايش أسير الذكريات اللي بقت ماضي

ويفيد بإيه غير الندم لو حياتك لحن مفهوش نغم

تزرع بإيدك دربك ألم سايب مين يكتبك في قلم

اكتب امنياتك حقق احلامك لسه الحياة قدامك والدنيا قصادك وقصادي

متقدرش انك مش تكمل لازم تعيشها وتتحمل

بحلاوتها هتفرح بشقاوتها هتحزن ف كل الحالات لازم تكون بقدرك راضي



شــــــــــــــــــــــــــــــــــ . حــــــــــــــــــــــــــــــــــــــ

[العاشق الذى لم يتب]

يارب آمين
مناجاة فى حب مصر
وان شاءالله كل الامة العربية
ربنايكرمها
شكراشاعرنا الرالقى
مودتى

[.Lamar]

دعوة راقية اخى شاعر

كل الشكر لامنية احسست صدقها

حرصا على وطن غالى على الكل

تحياتى و تقديرى

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب يارب آمين مناجاة فى حب مصر وان شاءالله كل الامة العربية ربنايكرمها شكراشاعرنا الرالقى مودتى

ان شاء الله الجاي احسن

ربنا يبسط الامن والامان لكل بلادنا العربية والاسلامية


أشكرك رفعت الجميل لتواجدك الغالي

نورتني واسعدني ردك وتفاعلك

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة لمار* دعوة راقية اخى شاعر كل الشكر لامنية احسست صدقها حرصا على وطن غالى على الكل تحياتى و تقديرى

الله يحفظ مصر وكل بلادنا العربية والاسلامية

من الفتن ما ظهر منها وما بطن اللهم آمين


اشكرك لتواجدك الخلوق اختي الفاضلة لمار

اسعدني الحضور والتفاعل الراقي منكي

ربي يوفقك ويسعدك