اشياء تحتاج إلى مراجعه .. موضوع مهم للنقاش

[احساسى صحيح]

بسم الله الرحمن الرحيم

اهلا بيكم
من زمان مش كتبت حاجه وكنت حابب اناقش
بعض الاشياء بنتعامل معاها هنا فى المنتدى من غير ما ننتبه
هل هى صح ام خطأ علشان كده انا حابب اناقشها واوضحها
علشان نقدر نستفيد منها ونراجع نفسنا تانى
لعل اى شخص منا ممكن يكون كان غلطان وحابب يستفيد من غلطه.
...
* الاراء الشخصيه فى الكتابه هل هى حق مطلق للعضو ام لا ؟
* وهل من حق اى شخص انه يحدد لنا نوع الكتابه ام لا ؟
اى كاتب فى اى قسم من اقسام الادبى
* ما هى الحدود التى من حق العضو الرد عليها فى النص
هل الفكر المكتوب ام الكاتب نفسه ؟

* معادله تحتاج لأظهار عقلية الشخص وطريقة تفكيره
ما هو الشىء المحدد المطلوب منك ان تفعله
فى حالة لم يعجبك اى نص كان
هل تتفادى النقاش فيه طالما الفكره تستنكرها
ام ترد على النقاط بطريقه محترمه ام تتعرض للكاتب وتهاجمه
اختار ما يعجبك !! ؟
فى النصوص الادبيه هناك نوعين من القراء
قارىء يبحث فى النص على الجماليات فقط ليستمتع بها
لأنه متذوق لأى شىء ادبى
وهناك من يبحث عن الاخطاء اى كانت لغويه او إملائيه
ما الفارق بين الشخصين حدد ذلك ؟
ومن اى نوعيه انت ؟

انتظر ارائكم
تحياتى ..

[۩۩ elMagic ۩۩]

الاراء انت قولتها هي شخصيه وبالتالى هى حق مطلق لصاحبها
بس فيه فرق لما انت بتكتب الراي دا في كراستك الخاصه او في اى ركن خاص بيك
وفرق لما تكتبه في مكان به قواعد واساسيات وفيه غيرك هيقراه
ولو هنتكلم عن الحاله التانيه يبقى انت لازم تقدر كل اللى هيدخل يقراه
وتختار كويس جدا الكلام اللى هتعرضه عشان ميجرحش حد
وفيما يخص اللى بيردوا على الكتابات فا من واجبهم تقدير صاحب الكلمات
طالما لم يتجاوز الحدود وماشى بالقواعد والسياسات المتبعه .. تسلم لموضوعك

[رضا التركى]

كل إنسان ليه رايه أيا كان وحقه مطلق له ويتحمل مسؤليته

ومن حق اى شخص انه يحدد لنا نوع الكتابه لانه هو الكاتب

والرد على النص بيكون للفكر وليس الشخص لاننا بنخاطب عقول

مش اشخاص وفى حالة استنكار الفكرة يا إما نرد بعقلانية وخلق

يا إما نمر مرور الكرام أو نتفاداها بعدم الرد

أما النوعين من القراء فأفضلهم الأول وهذا رأيى

احنا بنتذوق جمال الكتابة محناش أهل للتصحيح والنقد

فيه ناس بتصصح أخطاء للآخرين وأنا تعرضت ليها

بس كانت على أعين الناس تقبلتها ساعتها بصدر رحب

إلا إنى أستحى أن أفعلها مع غيرى لأنها حتما ستترك أثر فى نفس الكاتب

ممكن تكون فى تقييم متوارية وأيضا بإسلوب سهل ولين

موضوع جميل أخى ياسر يستحق الوقوف عليه لأننا نعانى منه

دمت بكل خير وطمأنينة وراحة بال وسكينة

تحياتى أرسلها وتسبقها مودتى لشخصك النبيل

[العاشق الذى لم يتب]

يستحق المناقشة حقا الموضوع
وان كنت شايفه اكترمن موضوع
اناهقول كلمة وحدة
من حقى اناكاكاتب اكتب مايهمنى ومايخصنى ومايعننيى
ومااهتم به وماأراه
كل واحدله الحرية الفكرية
لكن لوتعلقت كتاباتى بموضوع عام او قضيةعامة
او تعرضت لمهاجو شخص هنايكون التوقف والمناقشة والتوابع
ولابدلى ان اتحمل النتيجة
اماالقسم الادبى
فهو مخصص للنثريات والخواطر والشعر
وكل شاعراو نالثرله ايضا ميول معينة يكتب فيها
وطالماكتاباته لم تضربالاخرين اذن هو حر
ومن حقى اناكامتلقى ارد او لاارد
ولكن مش من حقى احول الكتابات النثرية
لمحل خلاف وشتم وسب وتهم
فهناك قسم النقاش
يطرح فيه القضاياالساخنة
اكتفى
شكرا
ياسر

[احساسى صحيح]

اقتباس المشاركة الأصلية كتبت بواسطة ۩۩ elmagic ۩۩ الاراء انت قولتها هي شخصيه وبالتالى هى حق مطلق لصاحبها بس فيه فرق لما انت بتكتب الراي دا في كراستك الخاصه او في اى ركن خاص بيك وفرق لما تكتبه في مكان به قواعد واساسيات وفيه غيرك هيقراه ولو هنتكلم عن الحاله التانيه يبقى انت لازم تقدر كل اللى هيدخل يقراه وتختار كويس جدا الكلام اللى هتعرضه عشان ميجرحش حد وفيما يخص اللى بيردوا على الكتابات فا من واجبهم تقدير صاحب الكلمات طالما لم يتجاوز الحدود وماشى بالقواعد والسياسات المتبعه .. تسلم لموضوعك

لا انا بتكلم عن الكتابه هنا فى المنتدى يا ابو حميد
اكييد اكييد فيه قواعد واساسيات
بس هل من حق مين انه ينتقد ويحدد ان المكتوب ملائم وليس به عيب
او مين من حقه يقول انه عيب
وايه حدود اى عضو فى الرد على المكتوب لو كان خارج عن الاطار القانونى
هل يبلغ ولا يقوم هو بالاساءه للكاتب
هو ده مربط الفرس
وفعلا ده مبلغ القصيد ان مش من حق حد يتعدى على حد
وليس لاى عضو انه يحتكر الفهم ويوجه المفروض والغير مفروض من قوانين
طالما فيه اداره شغاله
شكرا ابو حميد على تفاعلك

[احساسى صحيح]

اقتباس المشاركة الأصلية كتبت بواسطة رضا التركى كل إنسان ليه رايه أيا كان وحقه مطلق له ويتحمل مسؤليته ومن حق اى شخص انه يحدد لنا نوع الكتابه لانه هو الكاتب والرد على النص بيكون للفكر وليس الشخص لاننا بنخاطب عقول مش اشخاص وفى حالة استنكار الفكرة يا إما نرد بعقلانية وخلق يا إما نمر مرور الكرام أو نتفاداها بعدم الرد أما النوعين من القراء فأفضلهم الأول وهذا رأيى احنا بنتذوق جمال الكتابة محناش أهل للتصحيح والنقد فيه ناس بتصصح أخطاء للآخرين وأنا تعرضت ليها بس كانت على أعين الناس تقبلتها ساعتها بصدر رحب إلا إنى أستحى أن أفعلها مع غيرى لأنها حتما ستترك أثر فى نفس الكاتب ممكن تكون فى تقييم متوارية وأيضا بإسلوب سهل ولين موضوع جميل أخى ياسر يستحق الوقوف عليه لأننا نعانى منه دمت بكل خير وطمأنينة وراحة بال وسكينة تحياتى أرسلها وتسبقها مودتى لشخصك النبيل

ما شاء الله عليك رضا
اتيت على كل النقط بطلاقه تامه
وردك ولا اروع واثلج صدرى كثيرا
شكرا جزيلا اخى الراقى لاتفاقك معى فى معظم النقاط
طبت بالف خير
تحياتى وودى لك

[احساسى صحيح]

اقتباس المشاركة الأصلية كتبت بواسطة العاشق الذى لم يتب يستحق المناقشة حقا الموضوع وان كنت شايفه اكترمن موضوع اناهقول كلمة وحدة من حقى اناكاكاتب اكتب مايهمنى ومايخصنى ومايعننيى ومااهتم به وماأراه كل واحدله الحرية الفكرية لكن لوتعلقت كتاباتى بموضوع عام او قضيةعامة او تعرضت لمهاجو شخص هنايكون التوقف والمناقشة والتوابع ولابدلى ان اتحمل النتيجة اماالقسم الادبى فهو مخصص للنثريات والخواطر والشعر وكل شاعراو نالثرله ايضا ميول معينة يكتب فيها وطالماكتاباته لم تضربالاخرين اذن هو حر ومن حقى اناكامتلقى ارد او لاارد ولكن مش من حقى احول الكتابات النثرية لمحل خلاف وشتم وسب وتهم فهناك قسم النقاش يطرح فيه القضاياالساخنة اكتفى شكرا ياسر

تمام يا رفعت وده المقصود فعلا
كل شخص يكتب ما يحلو له طالما احترم الاعضاء والزملاء بدون تجريح
والكتابه سواء فى الادبى او غيره هى نتاج فكرنا احنا ولسنا ملزمين ان يعجب اى احد مختلف عنا
لانها فكرنا الخاص ورؤيتنا الخاصه لاى قضيه كانت عامه او خاصه
شكرا رفعت على تفاعلك الطيب تحياتى لك

[أميرة محمود]

كل عضو من حقه يقول رأيه بس بطريقة شيك وجينتل من غير تجريح
وفي القسم الأدبي اعتقد الصح أننا نقول رأينا في الجماليات وفي الاخطاء
لان صاحب المقطوعة عايز رأي الناس عشان يستفيد منه ويطور من نفسه

[ياسمينااا]

بداية كدا مش بشوفك من ساعة ما رجعت ليه ي ياسر
أتمني تكون موجود ذي زمان

* الاراء الشخصيه فى الكتابه هل هى حق مطلق للعضو ام لا ؟
أكيد حق مطلق ليه هو اللي كاتب وكلامه بيعبر عنه وهو اللي بيتحمل مسئوليته طبعا
* وهل من حق اى شخص انه يحدد لنا نوع الكتابه ام لا ؟
أكيد طبعا مش هو اللي كاتب
اى كاتب فى اى قسم من اقسام الادبى
* ما هى الحدود التى من حق العضو الرد عليها فى النص
هل الفكر المكتوب ام الكاتب نفسه ؟
الفكر طبعا أنا هخاطب الكاتب ليه مليش دعوه بشخصيته ليا علاقه بفكره وعقله وبس
* معادله تحتاج لأظهار عقلية الشخص وطريقة تفكيره
ما هو الشىء المحدد المطلوب منك ان تفعله
فى حالة لم يعجبك اى نص كان
هل تتفادى النقاش فيه طالما الفكره تستنكرها
ام ترد على النقاط بطريقه محترمه ام تتعرض للكاتب وتهاجمه
اختار ما يعجبك !! ؟
هرد علي النقاط اللي بختلف مع الكاتب فيها بطريقه محترمه لإن كل واحد له تفكيره ووجهة نظره اللي بتختلف عن التاني أنا مليش علاقه بشخصية الكاتب عشان أهاجمه النقاش والحوار بيكون باسلوب كويس عشان أقدر أفهم اللي قدامي وجهة نظري بطريقه صح
فى النصوص الادبيه هناك نوعين من القراء
قارىء يبحث فى النص على الجماليات فقط ليستمتع بها
لأنه متذوق لأى شىء ادبى
وهناك من يبحث عن الاخطاء اى كانت لغويه او إملائيه
ما الفارق بين الشخصين حدد ذلك ؟
ومن اى نوعيه انت ؟
أنا داخله عشان أستمتع مش عشان أتصيد الأخطاء لأي شخص أكيد في ناس بتعمل كدا وأعتقد إن بيكون ليها تأثير سلبي علي الكاتب دا حتي لو تقبلها من غير ما يهاجمه أو يقوله حاجه

موضوع يستحق النقاش فعلا ياسر
تسلم إيدك

[احساسى صحيح]

اقتباس المشاركة الأصلية كتبت بواسطة أميرة محمود كل عضو من حقه يقول رأيه بس بطريقة شيك وجينتل من غير تجريح وفي القسم الأدبي اعتقد الصح أننا نقول رأينا في الجماليات وفي الاخطاء لان صاحب المقطوعة عايز رأي الناس عشان يستفيد منه ويطور من نفسه

تمام اميره اكيد اى رأى بيتقال لازم يكون مقترن بالاحترام
وده القصد من النقاش
النقطه التانيه ممكن الجماليات نقولها فى العام
من اجل تحفيز العضو اما الاخطاء
لو كان يقصد النصح فتكون فى الخاص
وهذا هو وجه الاختلاف اللى بيبين شخصية كل عضو
اشكر ردك القيم
دمتى بخير