كل يوم رباعيه "متجدد"

[قلب وكلمات]

اقتباس المشاركة الأصلية كتبت بواسطة الرحــاال المٌتَمرد نفس الغبا الموروث بحذافيره نفس الكابوس بغشامته ونفيره مايرعى سوس الزيف في روح الوطن الإ ان رعاه أميره و غفيره يتبع ~

لنا رب أسمه الكريم

والجراح بكرة تطيب

الحنضل يبئا سكر

صلوا بس ع الحبيب

[الرحــاال المٌتَمرد]

نطق العجوز دلدق كلام يفضحه
نطق الصبى أنا قلت ما أفصحه
فكرت مع نفسى كتير
أسمع نصيحه إبنى ولا أنصحه


يتبع ~
أستودعكم الله أهل مصر

[الرحــاال المٌتَمرد]

لحظه ثبات بين النجاه والغرق
يا تكون وتد ياتكون بطل من ورق
يا تعيش بحسره حلم ماسندتهوش
يا تموت عليه وماتسيبوش يتسرق


يتبع ~

[الرحــاال المٌتَمرد]

شجر السماح دبلان طول ما الوجع طارح
ومافيش دفنا بيسكن أحضان قلوب ساقعه
مايحك ضهرك سوى ضوفرك ولو جارح
ولا يمحى قهرتك غير قومتك من الواقعه


يتبع ~~

[الرحــاال المٌتَمرد]

طول عمرى أنا بطل الحكايه
كنت عايش من مفيش
وأما جت تنزل روايه
نسيوا إسمى ع الأفيش
نسيوا أنى كنت وردك
كنت أكتر حد صاينك
كنت عاوز وصله منك
نقل دم عشان أعيش


يتبع~~

[الرحــاال المٌتَمرد]

أنا و الحياه لا صيده ولا صايد
تغلبنى ماتش أغلبها في قصايد
هزيت شباكها وجبت فيها أجوال
لكن الحكم ،، حسبها أوفسايد

[الرحــاال المٌتَمرد]

كلامك عن فرص تانيه لأحلامنا مايتصدقش
وأنا أما أبتديت البعد لا كنت أنانى ولا بايع
مادام الحلم تاه بينا سنين و برضوا ما أتحققش
قوليلى أزاى ح يتحقق في أخر وقتنا الضايع ؟

[phalsteen]

هو ممكن ابقي وحدي ؟
حتي لو بين السجون
يعني ممكن ســــــــر دمعي
يبقي حصري للجـــفون ؟
واسمحولي مرة أشــــكي
ولو لسكان القبور

[جبل عالي]

غُربة وموت وكلام ع الورق
وماضي إتنسى وزمانه إتحرق
يتعاد السيناريو بأبطال جداد
وعيون الفرح منها ... إتسرق

[تجملت بالعفآف]

بعض اللحظات أحتااج لمحاكاتكـ
وبعض اللحظات أعاتبكـ و ألومكـ
و أوقات لا أريد رؤياكـ
وعندما أراكـ يحن قلبي إليكـ
فتاه مجنونه جدا ُ يا ساده
^^