مسـابقة تحدى مجـلة الديـكور ..

[رآقيہ بأخلاقـى]

احباتى رواد قسم الديكور .. اهلاً بيكم (( منورين )) معانا فكرة جديده لقسم الديكور وبالتحديد قسم المجله . كل اللى عايزاه دلوقتى منكم انكم تركزوا فى الفكره والمطلوب يعنى بليز اقرأو الموضوع للأخر .. حاضر هبطل رغى واقول اللى عايزه اقوله بعد اشتراك عدد محترم من الاعضاء . هيبقى مطلوب انهم يقسموا بعضهم على فريقين . وكل فريق يختار قائد لفريقه .. حاجة كدة زى مسابقة الموسوعه الفقهيه وبعد ما المشتركين ينقسموا لفريقين .. ويبقى فيهم قائد لكل فريق ممكن كل فريق يطلق اسم يحبه ع فريقه والقائد هيفتح موضوع فى قسم المجله هنا وموضوع كل فريق هيتم تثبيته لحين الانتهاء من المسابقة ويكتب فريق كذا بعد اختيار اسم الفريق يعنى .. تابع تحدى المجله وبعدين القائد يقسم المهام المطلوبه عليه هو وباقى فريقه كل عضو فى الفريق هيبقى عليه حاجة معينه هيكتب عنها بمشاركه فى نفسى الموضوع اللى فتحه القائد بتاع الفريق يعنى مثلاً ايه حكاية مطلوب منها صور ديكورات بألوان مختلفه هتجيب صور المطلوبه منها وتنزلها فى نفس موضوع فريقها وهكذا .. طبعاً طالما المطلوب هينزل فى نفس موضوع كل فريق مش هيكون مطلوب منهم تنسيق غير لاول الموضوع وبس بعد كدة المشاركات بالطلبات هنكتفى انها تبقى بخط واضح ومنسق حتى لا يمل احد من القراءه ندخل على المطلوب بقى .. المطلوب هو . صور ديكورات مختلفه \ اختيار لون معين والتحدث عنه \ ارشادات ونصائح تخص الديكور اظن لحد هنا تمام صح ؟ اللى بعده بقى .. 1ـ اختيار أسم لكل فريق . 2ـ كتابة تابع المجله بجوار العنوان . 3ـ الصور تكون خاليه من اسماء مواقع تانيه . 4ـ تنسيق الموضوع ثم تنسيق كل مشاركه بخط مناسب . ياريت تركزوا معايا كويس فى حكاية الجوايز دى الجوايز هتكون لمين يستحقها فقط .. بمعنى ان مثلاً كل فريق بقى مكون من اربع مشتركين . نفرض بقى اتنين او تلاته بس اللى اجتهدوا فى المسابقة وعملوا كل المطلوب منهم والباقى لا يبقى ايه العمل ..؟ طبعاً وقتها اللى هيكون من حقة الجوايز هو من اجتهد وكمل للاخر بس علشان محدش ينزل مشاركة واحدة ويطلب الجايزة زيه زى اللى تعب الجوايز بقى هتكون لكل فريق .. مركز اول وسام + 250 مشاركة + 5 نجوم مركز تانى وسام + 200 مشاركة + 4 نجوم مركز تالت وسام + 150 مشاركة + 3 نجوم ولو فى فريق اتميز عن الفريق التانى هيكون ليه جايزة زيادة وقت اعلان النتيجه هنعلنها .. بس محدش يفكر انها ممكن تكون كارت شحن تؤتؤ احنا غلابه خالص اظن كدة المسابقة واضحه بكل حاجة فيها !! ولو فى اى استفسار انا وآيه موجودين وهنرد عليه منتظرين تفاعلكم واشتراكم

[ساحر الأحزان]

حلوة المسابقة نور

بالتوفيق ليكى

وللمشتركين

[BaAnOtA 7eKayaa]

معاكى يا حبى ^ ^

[bobaOo]

ايوة بئاا..

ايه الجمال ده..
فكره حلوة ومجهود رائع منكم..
هشترك بس حطووني في فريق ..
يكون فيه حد ينسقلي..
ههههههه..

بالتوفيق للمشتركين بئا

[رآقيہ بأخلاقـى]

اقتباس المشاركة الأصلية كتبت بواسطة ساحر الأحزان حلوة المسابقة نور بالتوفيق ليكى وللمشتركين

شكراً استاذ أمجد
منور التوبيك
تحياتى .

[رآقيہ بأخلاقـى]

اقتباس المشاركة الأصلية كتبت بواسطة Queen Madeleine معاكى يا حبى ^ ^

تنورى يا قمرى .
أول مشتركه .

[BaAnOtA 7eKayaa]

وبصى بئا سجلى اسم البت هايدى كمان هيا جنبى اهيه وعاوزه تشترك ^ ^

بجبلك مشتركين معايا اهوون

[رآقيہ بأخلاقـى]

اقتباس المشاركة الأصلية كتبت بواسطة boba0o ايوة بئاا.. ايه الجمال ده.. فكره حلوة ومجهود رائع منكم.. هشترك بس حطووني في فريق .. يكون فيه حد ينسقلي.. ههههههه.. بالتوفيق للمشتركين بئا

انتى أحلى حبيبتى ..
منورانى طبعاً وهتنورى المسابقة
ههههههههههههه ماشى يا قلبى ولا يهمك

تانى مشتركه

[رآقيہ بأخلاقـى]

اقتباس المشاركة الأصلية كتبت بواسطة Queen Madeleine وبصى بئا سجلى اسم البت هايدى كمان هيا جنبى اهيه وعاوزه تشترك ^ ^ بجبلك مشتركين معايا اهوون

تنورى انتى وهايدى
ماشى تم تسجيل اسم هايدى
بالتوفيق ليكم انتوا الاتنين

[BaAnOtA 7eKayaa]

بنورك يا عمرى ^ ^