إزاي أحافظ على ظهري من أوضاع الجلوس الغلط

[esra2 mohamed]

• إزاي أحافظ على ظهري من أوضاع الجلوس الغلط
  
  
  
  
  
  
  
  اللاب توب بقى تقريبا عليه كل حاجة ممكن نكون بنعملها!
  
  
  بنشتغل عليه وبنتبسط عليه لو هنشوف فيلم مثلا أو نقرأ كتاب، ونتواصل مع صحابنا منه… إلخ.
  ده خلانا نفضل في وضع الجلوس فترات طويلة جدا، والنتيجة آلام في الظهر والرقبة!
  
  
  
  ولازم ناخد بالنا لأن الأضرار خطيرة.
• 
  

• إلعب رياضة
  
  
  
  
  
  
  
  
  
  
  روح الgym أو مارس تمارين لوحدك في البيت، المهم تتحرك وتقلل فترات الجلوس الطويلة اللي بتضعف عضلاتك.
  
  
  
  الرياضة هتخلى عضلات جسمك تفضل شغالة.

• خلي الشاشة في مستوى نظرك
• 
  
  
  
  
  
  
  خلي شاشة الكمبيوتر أو اللاب توب دايما في مستوى نظرك علشان متضطرش تنحنيلها، لأن ده هيأثر على رقبتك وظهرك.
  
  
• إتحرك وأقف كتير
  
  
  
  
  
  
  
  
  
  
  
  إستغل أي فرصة للحركة وإتحرك، لو في حاجة ممكن تتعمل وإنت واقف إعملها ومتقعدش.
  
  
  
  
  
  وحاول كل 45 دقيقة تقوم تقف او تمشي في المكان أو تعمل أي حاجة فيها حركة.
  
• 
  
• إختار كرسي مريح
  
  
  
  
  
  
  
  
  
  
  
  في كراسي بتحافظ على الظهر يفضل مفرود، وبتكون مريحة ومناسبة لفترات الجلوس الطويلة، خلي الكرسي بتاعك من النوع ده.
  
• 
  
• إتجنب وضع الإستلقاء أو النوم
  
  
  
  
  
  
  
  
  
  
  
  كتير مننا بيعمل كل حاجة من السرير، بينام فيه وبيشتغل فيه!
  
  
  
  
  
  وده طبعا بيأثر على العمود الفقري وعلى الصحة عموما.

• إتنفس بعمق
  
  
  
  
  
  
  
  
  
  
  
  خد شهيق عميق وخرجه كله وإتنفس بعمق، مفروض أصلا تكون دي الطريقة الطبيعية اللي كلنا نتنفس بيها.
  
  
  
  
  
  ملحوظة: الشهيق بتخرج فيه البطن لبرة مش العكس، والزفير بتفضى فيه الرئة الهواء فبتدخل البطن لجوة، وللأسف معظمنا بنتنفس غلط خالص وبنعمل العكس.

• خد بالك
  
  
  
  
  
  
  
  
  
  
  
  في الأول كل شوية هتلاقي نفسك بترجع للأوضاع الغلط تاني، فخليك منتبه وكل ما تلاقي نفسك رجعت صحح وضعك فورا.

إسأل متخصص

لو إنت في مرحلة إنك بالفعل حسيت بأي ألم في رقبتك أو في الظهر، متكسلش وروح للدكتور فورا.

[جبل عالي]

تسلم ايدك للموضوع القيم وللمعلومات
بالتوفيق ان شاءالله

[.Lamar]

طرح قيم و معلومات مهمة

تسلم ايدك

و بالتوفيق

[سارة سرسور]

شكراً جزيلاً حبيبتي
موضوع هام ومفيد
تسلم الأيادي