مدافع الأهلي يهاجم مرتضى منصور بضراوة

[الفيلسـوف]

شن سعد الدين سمير مدافع الفريق الأول لكرة القدم بالنادي الأهلي هجوماً ضارياً على مرتضى منصور رئيس مجلس إدارة نادي الزمالك، في تغريدة عبر حسابه الرسمي على موقع التواصل الإجتماعي الشهير فيسبوك.

ولم يذكر سعد إسم مرتضى منصور صراحة في هذه التغريدة الطويلة، أو يوضح سببها، ولكن السبب واضح وهو أزمة أحمد الشيخ.

وكان النادي صعد أزمته مع الزمالك واتحاد الكرة في قضية أحمد الشيخ بعد أن قررت الجبلاية إيقاف اللاعب لمدة 4 شهور وتغريمه 133 ألف جنيه.

وقال سعد عبر الفيسبوك:" الي خايف يروح الدولة بتحارب الإرهاب والإرهابيين في سينا وفي كل مكان في جمهورية مصر العربية وده شئ هايل وجميل لكن الأهم من الإرهاب المسلح هو إرهاب الكلمة وتخويف الناس من خلال نفوذك وسلطتك ولماذا تصمت الدولة ومش سامعة ومش شايفة."

وأضاف:" هل انتا كمسؤول مجلكش بلاغات سب وقذف وتهزيق في الناس.. لازم تحارب ارهاب الصوت العالي والبلطجة والي خايف يروح."

واستطرد قائلاً:" ولو انتا كمسؤول علي رأسك بطحة او خايف اقعد في البيت وسبنا احنا بقي نتعامل مع بعض."

وعاد ليقول:" تاني حاجة علي رأي الزعيم في سلام ياصحبي هتضرب هنضرب هتحرق هنحرق ومش برجالتنا بإيدينا .. بالحب وبالعقل كدة النادي الأهلي خط أحمر الي يحاول يضره او يقلل من حجمه الي مزبلة التاريخ."

وقال سعد:" وبعدين الأهلي شاغل دماغك كدا ليه دا انت مركز معاه اكتر من أكلك وشربك سبحان الله يا اخي علشان كدة النادي ده طوول عمر ربنا بيكرمه .. النادي الوحيد الي بعد الثورة فضل محافظ علي نفسه وعلي سمعة الكورة في مصر وفاز ببطولتين دوري أبطال أفريقيا وحافظ علي نفسه وصنع تاريخ ومازال بيصنع التاريخ."

واختتم سعد حديثه قائلاً:" الأهلي هيفضل كبير غصب عن أي حد طوول ما ولاده موجودين .. وبرضه الأهلي هيفضل كاسر عينك وفوق الجميع."

[محمود الصاروخ]

بص ياعم سعد انا شايف انك تركز مع فريقك الفترة اللى جايه
وتنسى اللى حصلك اولا من انبى و الرجاء والاتحاد و المقاولون والحرس
وسموحه اللى ضعيت منك الامل فى اخر لحظات
وشايف كمان انك تنسى ماتش النجم الساحلى
وتركز ف دفاعك الشوربة اللى انت واقف فيه


افضل من انك تيجى على مرتضى لانك عارف كويس
اية اللى هيحصل هههههه
واكبر دليل هو موضوع الشيخ مؤخرا

الله يرحمك ياسعد

[الفيلسـوف]

اقتباس المشاركة الأصلية كتبت بواسطة مـح ـ الصاروخ ـمود بص ياعم سعد انا شايف انك تركز مع فريقك الفترة اللى جايه وتنسى اللى حصلك اولا من انبى و الرجاء والاتحاد و المقاولون والحرس وسموحه اللى ضعيت منك الامل فى اخر لحظات وشايف كمان انك تنسى ماتش النجم الساحلى وتركز ف دفاعك الشوربة اللى انت واقف فيه افضل من انك تيجى على مرتضى لانك عارف كويس اية اللى هيحصل هههههه واكبر دليل هو موضوع الشيخ مؤخرا الله يرحمك ياسعد

نورت يامحمود
مرسى لملورك الجميل

[سارة بنت مصر]

هههههههههههههههههههههه سعد سمير لعب فى عداد عمره هاجم مرتضى يبقى مرتضى مش هيسيبه فى حاله

ان شاء الله النجم يكسب