غصـــب وطيـــــب

[شاعر الحب الحزين]

بالإكـراه عايـزك بالحـب هاخــدك غصــب وطيـــب

مش بكيفك هجيبك هجيبك هستخدم كل الأساليب

لو مش عاجبك عادي الاعبك وأنا فـي الحــب لعيـب

عاجباني اعمل ايه شاغلاني يا بنت الإيه وفايتاني كئيب

وانا مالي انتي اللي حلوة ولا يكفيكي ألف غنوة من العندليب

حطيتك ف دماغي مبقتش بحب والاغي غيرك ف المكاتيب

متفكريش رح اسيبك لو اخر الدنيا هجيبك لو حتى تروحي تل أبيب

لاعبت كتير بشر بس انتي قمر عايزلي خطة جديدة وكذا تدريب

يعني تشغليني وتمشي طب مش همشي لحد ما يجمعنا النصيب

بالإكراه تحبيني ده انتي تخصيني حتى لو كنت بالنسبالك غريب

ليا حكايات مع عنيكي من نفسك بخاف عليكي من كل بشر وديب

كل الحب ف قلبي حايشلك من زمان وانا عايشـلك أوفـى حبيـب

شدتني ليكي حاجات غير كل البنات مبقتش قادر عنك أغيـــب

عشان مش عارفة مصلحتك اديني اهو نصحتك وافهم بالإشارة يا لبيب

انتي حب من الطفولة بنوتة جميلة وعسولة ما شفت منها شيء يعيب

وانا بقى اتمنيتك حسيتك حبيتك سلطت سهم حبي عليكي واكيد هيصيب




شــــــــــــــــــــــــــــــــــــــــــ . حـــــــــــــــــــــــــــــــــــــــــــ

[A-rab3awya]

الله ينووور

بقااالى فتره ماقرتش الجمااال ده

الكلمات جميللله جدااا ،، تسللم ع الابداع ده يا استاذ خالد

بالتوفييق يارب ^_^

[شاعر الحب الحزين]

اقتباس المشاركة الأصلية كتبت بواسطة a-rab3awya الله ينووور بقااالى فتره ماقرتش الجمااال ده الكلمات جميللله جدااا ،، تسللم ع الابداع ده يا استاذ خالد بالتوفييق يارب ^_^

يادي النور يادي النور الاء هنا

فينك من بدري حمدلله ع السلامة برجوعك الاء

الاجمل وجودك اكيد وطلتك المفاجئة الجميلة دي

نورتيني واسعدني حضورك الاء يدوم تواجدك ان شاء الله

ربنا يوفقك ويسعدك

[SaMa.]

الله حلو اوي الاصرار ده وكلامك عجبني

[شاعر الحب الحزين]

اقتباس المشاركة الأصلية كتبت بواسطة sama. الله حلو اوي الاصرار ده وكلامك عجبني

الله يحلي ايامك سما

تسلمي الاجمل تواجدك

وردك العنفواني الجميل

نورتيني واسعدني ردك سما

ربي يوفقك ويسعدك

[نسيم الورود]

بجد الكلمات جميلة جدا
تسلم ايدك على الابداع ده

[شاعر الحب الحزين]

اقتباس المشاركة الأصلية كتبت بواسطة نسيم الورود بجد الكلمات جميلة جدا تسلم ايدك على الابداع ده

الاجمل وجودك الأول بين سطوري الصغيرة

تسلمي نسيم الورود لتواجدك الرقيق

نورتيني واسعدني حضورك وردك

ربي يوفقك ويسعدك