اخيرا فهمت...

[SaMa.]

من سنين وانا قدرت اكون واضحة معايا اوى
متفاهمين وموش بحاول اضغط ع نفسي
ان اعمل حاجة موش حباها او اقول كلمة موش حسيتها

عرفت ناس كتير
وسمحت لعدد كبير يدخل حياتى
تحت اسم الصداقة....
لحد م لاقتنى وسط خلية نحل
كل حد فيها بيسبق التاني عشان تقرصنى
آه ما هى قرصة النحلة بتفيد بيقولوا كده صح...
وع قد ماتعبت وانعزلت ايوة استفدت
وكمان اتعالجت من مرض السذاجة...
وعرفت قد ايه كونت خايبة ومسميانى طيبة
وعملت فلتر لعلاقاتى وفخورة بنفسي الجديدة
الل موش اقدر اقول انها موش هاتتصدم ف حد تانى
لكن هاتبقا واعية اكتر م الاول وفهمت
لانو موش شطارة انك تتباهى بطيبة تجيبلك الاذية
وموش ميزة تعيش ضحية وحيد تنعى حظك..
فضفضة واعية..

[Eng Esraa]

كلامك كله صح
بس المهم نتعلم و نعرف مين من حقه
يدخل حياتنا و مين لا اي ان كان
تحت مسمي ايه. ربنا يوفقك يا قمر

[حـيـــــآة ❤]

الطيبه رائعه بس احيانا بتتحول الي مصيبه
وم الاجمل انك تفهمي هذا الشئ
سلمتي حبيبةة قلبي

[أميرة محمود]

الرضا عن الذات والسلام الداخلى جميل
والتعامل مع الناس بحكمة ووعي جميل كمان
ربي يكرمك في حياتك دايما سما

[.Lamar]

فضفضة جميلة سمسمة

الطيبة الزايدة غلط و ملهاش تقدير

ومن التجارب بنتعلم طول ما احنا عايشين

تحياتى يا قمرى

[Hearts Whisper]

فضفضة حلوة اوي .. وفعلا بتدل
علي ايمانك بالكلاام الي جواكي ..
خليكي علي كدا هترتاااحي ..
بس اوعي تتراجعي .. خليكي
ثابتة علي كدا .. ربنا يحميكي

[ياسمينااا]

ناس كتير بتفتكر الطيبه دي ضعف
فعشان كدا بيجو عليكو ويظلمو ما إنتي مش هتعملي حاجه بقي
جميل إنك إستفدتي من أخطائك والمهم إنك مش تقعي فيها تاني
تسلمي حبيبتي