بعد اجتماع السحرة وبدأ العرض . تم تحطيم الارقام القياسية بنجاح

[محمود الصاروخ]

السلام عليكم ورحمة الله وبركاته
اعضاء و مشرفين و ادارة المنتدى الغالى بنات مصر



الزمالك بعد ان حقق الارقام القياسيه فى بطولة الدورى المصرى لعام 2014/15
واحد هيسأل و يقولى ارقام ايه اللى حققها الزمالك ؟


- انت متعرفش ان الزمالك وصل لأعلى مجموع نقاط فى موسم واحد وهو 87 نقطه
بعد كسر الرقم السابق المسجل بإسم الاهلى " الوصيف " برصيد 74 نقطه موسم 2006

- متعرفش ان حازم امام لاعب الزمالك هو اصغر كابتن فى مصر يحصل على بطولة الدورى

- الزمالك لأول مرة يحقق الفوز فى 7 مبارايات متتاليه دون ان تهتز شباكه

- دورى موسم 2014/15 هو أطول دورى فى تاريخ الكرة على مستوى العالم و استمر 11 شهر والزمالك متصدر البطولة من اليوم الاول للاخير

- الزمالك أقوى هجوم فى الدورى برصيد 69 هدف ويعادل الرقم القياسى المسجل بإسم الاهلى الوصيف موسم 74/75

- الزمالك تولى قيادته 4 اجهزه فنية مختلفه وهو رقم قياسى لنادى بطل

- 19 لاعب هم عدد اللاعبين اللى سجلو اهداف الزمالك

واخيرا الزمالك يحطم الارقام القياسيه فى افريقيا
بعد ان سحق الزمالك فريق الصفاقسى التونسى فى الكونفدرالية الإفريقية


حيث سبق وإن حقق الفوز على كل من
رايون سبورت الأنجولى والفتح الرباطى المغربى
وأورلاندو بيراتس الجنوب إفريقى والصفاقسى التونسى

فى دورى المجموعات من مسابقة الكونفدرالية
ليصبح أكثر الفرق الإفريقية تحقيقا للفوز
خارج الأرض فى المباريات المتتالية فى البطولات الإفريقية

يذكر أن الرقم القياسى السابق كان للنادى الاهلى الوصيف بالفوز فى 3 مباريات
خارج الأرض عام 2005 بمسابقة دورى أبطال إفريقيا

مليون مبروك لكل عشاق زمالكنا فى كل مكان
مليون مبروك لكل جمهور الزمالك العظيم
مليون مبروك لـ اعظم جمهور فى الدنيا
الصعود لنصف نهائى الكونفدراليه عن جدارة

وجهة نظرى
الأن نمتلك سحرة الملاعب المصرية و الافريقية والقادم لنا بإذن الله

يكفى القول بوجود
حفنى - كهربا - فتحى - حمودى - وإبننا الغالى محمد ابراهيم
فترة اعداد وان شاء الله هيما يرجع بتاع زمان
يرجع هيما اللى كان بياخد لاعيبة الاهلى رايح جاى ف الملعب
وبيأكلهم النجيله والتاريخ يشهد على كلامى

شعوركم ايه يا جمهور الزمالك العظيم ؟ وانتم تمتلكون هؤلاء السحرة ؟
الجميع يعلم بان كل لاعب من هؤلاء قادر على تعويض نص فريق بمفرده

وجهة نظرى المتواضعه
أرى ان نلعب فى مبارايات الحسم فى بطولتى كاس مصر و الكونفدرالية كالتالى :-

باسم مرسى فى الهجوم
ومن خلفه ياتى الرباعى المرعب حمودى - حفنى - هيما - كهربا
يكفى وجود هذه الكوكبه من اللاعبين مع بدائل فتحى و مكى و سالم

وقتها نبقى نفكر نشفق على المنافسين لأنه مش هيكون محتاج غير انه يلعب
ب 15 لاعب مساك معنى كلامى بان كل ساحر زملكاوى هيكون عاوزيتمسك ب 3 لاعيبه


رسالة لـ حبايبنا اللى فرحو ب مباراة القمة الاخيرة
المباراة الاخيرة كانت نتيجة غرور وثقه ذائده لأن البطولة كانت محسومة للزمالك
اما اللى جاى هيكون صواعق و أفلام رعب

وأخيرا ،، شيكابالا فلدة الكبد للملكى
شيكا بـ لاعيبة مصر كلها من أولهم لـ اخرهم وبالفعل كان بياكل لاعيبة المنافس النجيله
مع محمد ابراهيم والتاريخ يشهد على كلامى و ان كنت ناسى أفكرك

مبروك عودتك لأحضان وطنك الزملكاوى من جديد ياشيكا

على الجميع فقط مشاهدة زمالكنا 2016
مع امتناع اصحاب القلوب الضعيفه

- وزى ما قولت قبل كدة فى الموضوع اللى فات
على الوصيف وجمهورة الاجتهاد و اثبات النفس فقط
وسيبو الأيام تثبت من سيكون الافضل

خالص حبى
محمود الصاروخ

[Hearts Whisper]

زمالك بقا وكدا مع اني مفهمتش نص التوبيك ههههههه
تسلم لمجهودك محمووود .. منتظرين جديدك

[Stop Ana Eltop]

هو شيكا راجع ع الاسماعيلى مش الزمالك بس خيير
وانا بتبسط لما غرورهم بيتكسر عشان الغرور بيضيع مش بيكسب
نفسى بس مرتضى يمشى مبحبوش ومحبش انه يمسك النادى الى بشجعه
بالتوفيق للزمالك فى كل الى جاى وان شاء الله يحصد كل البطولات بقن
تسلم لمجهودك كابتن صارووخ

[محمود الصاروخ]

اقتباس المشاركة الأصلية كتبت بواسطة hearts whisper زمالك بقا وكدا مع اني مفهمتش نص التوبيك ههههههه تسلم لمجهودك محمووود .. منتظرين جديدك

الموضوع ان الزمالك كبيييييير وكبييييييير اوى كمان
الزمالك الان اقوى فريق فى مصر وفريق كامل من جميع الخطوط
بالمقارنه مع النادى الوصيف
نورتينى
^^

[محمود الصاروخ]

اقتباس المشاركة الأصلية كتبت بواسطة stop ana eltop هو شيكا راجع ع الاسماعيلى مش الزمالك بس خيير وانا بتبسط لما غرورهم بيتكسر عشان الغرور بيضيع مش بيكسب نفسى بس مرتضى يمشى مبحبوش ومحبش انه يمسك النادى الى بشجعه بالتوفيق للزمالك فى كل الى جاى وان شاء الله يحصد كل البطولات بقن تسلم لمجهودك كابتن صارووخ

شيكا راجع بيته الزمالك والزمالك هيوديه سنه اعارة للاسماعيلى
وكان نفسى يكون فى بند فى عقد الاعارة اننا ممكن نرجع شيكا ف يناير
لان انا واثق ومتاكد ان شيكا محتاج نص دور بس مع الاسماعيلى
وهيرجع شيكا بتاع زمان اللى زي شيكا بيرجع بسرعه

اما بخصوص مرتضى احنا كلنا بنكره مرتضى ك شخصيه
ولكن ك رئيس للزمالك انا راضى وقابل لانه جايب حقنا الفترة الاخيرة
10 سنين ظلم 10 سنين فساد 10 سنين كل شىء تتوقعيه
10 سنين الدنيا كلها بتيجى ع الزمالك
مفيهاش حاجه ان يجي واحد يدافع عن الزمالك بكل ما يملك
شوفى الفرق بين زمالكنا فى الفترة اللى فاتت كلها
وزمالكنا حاليا

بالتوفيق لزمالكنا العالمى
نورتينى بقى
زملكاوية اصيله
^^

[محمود الصاروخ]

اقتباس المشاركة الأصلية كتبت بواسطة ƧĀƉ_ĿŌ∀Ē ههههههههههههههههه اقوى ايه اقوى فريق ف مصر والله الدورى لحس عقولكم بجد احلى حاجه انك بتجيب احصائيه من دماغك وع دورى واحد امال الكلام ده ليه ماكنش السنه اللى فاتت ههههه ربنا يكرم كده ونتقبل ف الاتحاد الافريقى كده علشان تاخدوها تانى 2 نيس توبيك بقى

احصائية من دماغى ؟
قارن بين الاهلي والزمالك علي مدار الموسم وشوف النتيجة
الزمالك اقوي هجوم واقوي دفاع و الاكتر فوز والاقل هزيمة والاقل تعادلات بالمقارنة مع الاهلي

لكن فريقك معتبره اقوي من الزمالك بأمارة ايه ؟ بأمارة انه كسب الزمالك بس ؟ طب ما هو نفس الفريق خسر من الرجاء والمقاولون والحدود و انبي و اتفضح من الاتحاد واتعادل مع طوب الارض



فى جدول ترتيب واحصائية هاتها انت بطريقتك وهتعرف
اه وعاوز اقولك ان بالفعل مفيش نادى مصرى فاز قبل كدة
ب 4 مبارايات خارج ارضه زى ما نا قولت ف الموضوع

نورت ياحودة

[محمود الصاروخ]

اقتباس المشاركة الأصلية كتبت بواسطة ƧĀƉ_ĿŌ∀Ē ههههههههههههههههههه برده افخر انى اهلاوى اذا كان انتوا جمهور قعدتوا عشر سنين مااخدتوا دورى وصبرتوا حاجى انا من سنه واتكلم ع فريقى وبرده اهلى اهلى بيب اهلى اهلى بيب بيب

ماهو بالفعل بيب بيب اهلى

الان الزمالك بطل مصر 2015
وقت ما يتقال ف اى مكان مين بطل مصر 2015
هنقول الزمالك

متهربش من كلامى و تتكلم ف الماضى
كلمنى عن الحاضر و المستقبل
والحاضر باين قدامك
والمستقبل لا يعلمه الا الله

وبيب بيب اهلى

[Stop Ana Eltop]

انا بكره مرتضى كشخصيه اما كرئيس لنادى الزمالك فهو ما اثبتش حاجه غير انه الصوت العالى وقلة الادب بتجيب نتيجه وبالتالى انه الفساد زاد وحسرنى على بلدى اكتر
مش متقبلاه كشخصيه ولا كرئيس للنادى

بس دا مالوش علاقه بانه الزمالك الاصل والباقى تلاميذ فى الفصل

كابتن ساد ناقش من غير ههههه الضحك دليل ع الضعف
^^

[محمود الصاروخ]

اقتباس المشاركة الأصلية كتبت بواسطة ƧĀƉ_ĿŌ∀Ē بصى ياهبه اولا انا مش ضعيف يعنى مثلا انا كاهلاوى عمر ما جيت ف يوم وشتمت ع نادى الزمالك ف التوبيك ولا اسلوبى الحمد لله بكون محايد بين الاتنين ولا جيت ونزلت ف توبيك ولمحت قولت سحره وده طبعا نقصد بيه مبروك بس صدقنى خير دليل الصمت ومبروك عليكم الدورى وثقوا تمام انى اخر موضوع حدخله للزمالك ف حياتى ووعد حسيب الدايره تتكلم ع نفسه والحمد لله انا عارف بشجع مين ولما باخد دورى مش بقعد اشتم ف اى فريق وانزل موضوع فيه تحياتى لشخصكم الكريم استاذه هبه ..... محمود الصاروح

ههههههههه سحره مقصود بيها مبروك ؟
بعد اجتماع السحرة وبدأ العرض تم تحطيم الارقام القياسيه
ازاى السحرة هيبقى فتحى مبروك و الزمالك هو اللى محطم الارقام القياسيه ؟


وانا مشتمتش الاهلى على فكرة ولا قولت حاجه ف الموضوع
كل اللى قولته ع الاهلى " الاهلى الوصيف "
طب اقول اية غير كدة ؟ اقول النادى اللى مش بطل الدورى ؟
ماهو مش بطل الدورى الموسم ده يبقى وصيف صح ولا اية ؟

الموضوع مش غرضه الاهلى
الموضوع غرضه ان الزمالك حطم الارقام القياسيه
فى الدورى اولا ثم افريقيا
وكل اللى قولته انه عدى ارقام الاهلى مش اكتر


بلاش تفهم الموضوع على مزاجك ياحودة
وانت منور اكيد
مش محتاجه كلام

[Stop Ana Eltop]

انت ليه قفشت ؟؟
قبل كدا برضوا انت بتهزر مع محمود قالك دا اخر موضوع ليك ادخله
اهلى زمالك كل واحد له قدره ولو من غير منافسه لا دا هيبقى له لازمه ولا دا هيبقى له لزمه
لو هو يقصد بالسحره مبروك فعندك المقصود بالبوابين الزمالك واللماليم الاهلى
سلسلة الشتايم دا شئ من زمان مش مقصود بيه شخص ولكن هو شئ متعاهد عليه

انت دخلت واتكلمت واحنا اتكلمنا والليله عادى
كونك تزعل بقى انت حر دا شئ يرجعلك

لا محمود هيبطل ينزل مواضيع عن الزمالك بسبب قلة دخولك
ولا انت هتبطل تتابع قسمك وتنزل مواضيع بسبب قلة دخوله

ياتتحلوا بروح رياضيه يابلاها كورة ^^