استطلاع : نقمه ام نعمه

[big bốss]

هناك عدة اعتبارات تحكمنا فى انتماءنا الى مكان ما

قد تكون ذكرى لن تمنح من ذاكرتنا متى بقينا ، او غلطه نندم عليها طيلت حياتنا

قد نرتبط ارتباط وثيق بمكان ما حين تنبض قلوبنا اول نبضاتها فى هذا المكان

و يكون الشاهد على ملامحها ، و هنا مجال حديثى عن منتدى بنات مصر

الذى قضيت فيه سنوات 2009 - 2015

كل منا له سبب لانتمائه لهذا المكان و يفقده بفقدانه

و كل منا كان هذا المنتدى له تاثير فى حياته سواء كان مباشر او غير مباشر

و لكن المؤكد ان المنتدى له بصمه فى حياتنا سواء كانت ايجابيه او سلبيه

فهو لم يكن مسرح لتفريغ الطاقه فقط او سبيل لقضاء وقت الفراغ فقط

بل اكثر من ذالك فهناك قصص حب ولدت فى جدران هذا المكان منها

من توج بالزواج و منها ما توج بالفشل ، و هنا ايضاً تكونت الصداقات

و العلاقات و ايضا كان ذكريات و مواقف منها ما

رسم الابتسامه

و منها من رسم الضجر


عن شخصى اتحدث كان فرصه بالنسبالى انتمائى لهذا المكان

لو لم تحدث لكنت خسرت الكثير و كسبت الكثير و العكس صحيح

و لكن تعلمت و اكتسبت

و يبقى السؤال

هل انتمائك لمنتدى بنات مصر نعمه ام نقمه فى حياتك ؟ و ماذا استفدت منه

و ماذا خسرت بسببه ؟ و ماذا يعنى او يمثل لك المنتدى ؟


ودى و حبي لرقى عقولكم

،،،،،

[Sea Pearl]

مقدرش احكم ع المكان واجاوب اجابة وفيضة
ذى ما انت قولت المكان له ايجابياته وسلبياته
واهو الواحد بيعدى بمواقف وبيفهم حاجات اكتر

[big bốss]

اقتباس المشاركة الأصلية كتبت بواسطة sea pearl مقدرش احكم ع المكان واجاوب اجابة وفيضة ذى ما انت قولت المكان له ايجابياته وسلبياته واهو الواحد بيعدى بمواقف وبيفهم حاجات اكتر

أشعر أن بجعبتك الكثير و لكن تخفينه

و لكن يبقى وجودك هنا من ضمن مميزات هذا المكان

[أميرة محمود]

لا مش نقمة
الانتماء للمكان حاجة حلوة
الا لو وصل للادمان
لكن مش للدرجة
انا شخصيا متواجدة شوية وغايبة شوية
بس مكان لذيذ
الخسارة والربح أمور معنوية في سياق المنتدى
الربح هيكون المعلومات
الخسارة هتكون الوقت
موضوع مهم يا بوص سلمت

[^^khL oUD]

احم احم

اولا هو طبعا كل مكان ف نعمه ونقمه
والمنتدي هنا برده ف نعمه ونقمه يعن مثلا
المنتدي ف ناس كتير اوي كويسه وفرحانه ان ف بعض الناس
اتعودت عليهم وع وجودهم وتوبيكاتهم وكلامهم وهزارهم وكدا
ف دا نعمه وجاتلي وكدا وف نفس الوقت برده
جت فتره ع المنتدي كدا وكان ف كووسه وحاجات غريبه مستفزه كدا
ولحد الوقت برده بس خفيف شوويا
بس مش خفيف اوي يعن



ثاانكس ع التوبيك ي #بووص

[Dr. AnOosHo]

المنتدى بالنسبه لي نعمه كبيييييرة جدا

دخلته في وقت كل حاجه كنت شايفاها في حياتي ومتلخبطه ووحشه

ووسطكم كان اكتر وقت ممتع واكتر وقت خلى كل طاقه سلبيه جوايا تتحول ل ضحك ومتعه واستفادة ومعرفه بناس جميله جدا

لازم ادخل كل يوم حتى لو مشغوله ومافيش وقت .. في العربيه على السرير وانا كابس النوم عليا .. في الجمعيه في اي مكان اقدر افتح فيه الموبايل .. بفتح اطمن على اخبار المنتدى واقرا رسايلي

لا بجد المنتدى نعمه عليا قوي ... اتمنى انه ديما يكون موجود في حياتي

[نسيم الورود]

بجد سعيدة بالانضمام للمنتدى و فرحانه بجد
بتعرف على أشخاص فى قمه الاحترم زيكو
و بما انى لسه جديده
مش حقدر احدد نعمه و لا نقمه
بس بجد دلوقتى أنا فرحانه و سعيده انى بدخله

[سارة سرسور]

ممتااااااااااااز

انتمائي للمنتدى نعمة
أكثر استفادة هي التعرف على أعضاء محترمين استحقوا ثقتي فيهم

لم أخسر شيء

المنتدى يمثل ليا ايه ؟ أصبح جزء من يومي أساسي دخولي كل يوم

موضوع جميل

[Stop Ana Eltop]

لاء نعمه طبعا دا انا مجدده الباقه دلوقتى يجى 4 مرات من ورا المنتدى دا
انا كسبت هنا اصدقاء بحبهم جدا
كسبت اسلوب حوار وشوية لباقه كدهون

بس خسرت وقتى
ضيعت وقت كتيييير اوى
كان ممكن اقضيه فى حاجه افيد

[رآقيہ بأخلاقـى]

اكيد نعمه لما بنتعرف على ناس بنحبهم وبندخل علشان نطمن عليهم
بالنسبه ليا كسبت منه بنوتات شرباتات بحبهم جداً وبحترمهم
وبعتبرهم زى اخواتى بخاف عليهم وبزعل ع زعلهم وبفرح لفرحهم
والمنتدى بقى شئ اساسى فى يومى لازم ادخله واطمن ع الجديد فيه
....
ونقمه لانى بتعب جداً لما بزعل من حد فيه بحبه وبعزه
وكمان بياخد منى وقت كبير انا واهلى اولى بيه
شكراً ياحج ع موضوعك .