ازاي بتاخد القرار

[SaMa.]

عاوزة اعرف ازاي نقدر ناخد قرار صح ف حاجه مهمه
هل ناخد راي الل حوالينا ولا تستفتي قلبك زي مبيقولوا
والمشكله الاكبر لو قرار يخص صحتنا ولازم نقرر بسرعه
لكن خايفين
ازاي نتغلب ع المخاوف دي...؟.
جربت انا كتير اجمع اراء صحابي لما اكون محتارة
واوقات كونت اخد براي الاغلبيه منهم مع اني مكونش مقتنعه
بس ده ف حاجات زي اللبس والسفر
لكن انا بجد محتارة خالص الايام دي لان فيه قرار مهم
وقدامي وقت قليل عشان اقرر والكل شايف انو ف مصلحتي.
مع اني موش حاسه بهدف او دافع كبير اني اقدم عليه
جايز متفهموش قصدي
لكن انا عاوزة اعرف الاساس الل كل واحد فيكو بيحدد قرارتو عليها
وهل الخوف واليأس ممكن يأثروا علينا وناخد قرار غلط
ولا سعات ده تنبيه من جوانا ع اننا نتراجع.؟
لان كتير بيفسروا عدم الارتياح والخوف ان نتراجع عن الفكرة

[العاشق الذى لم يتب]

حميل البوح
وراقية الفضفضة
سلمت يمناك
سما

[الفيلسـوف]

اهلا وسهلا بيك يا سما

بدايه ازاى تاخدى قرار بناء ع حاجه كتير
حلو انك تاخدى المشاوره بس مش كل الاحيان المشاوره بتبقى مطلوبه
لازم القرار يكون طالع من جواكى ممكن لما يكون الامر شخصى
لازم تجمعى وتفضلى الاول القرار ده المكاسب بتاعته ايه
والخسائر ايه
طرق تنفيذه حتكون اسهل
العواقب المترتبه ع القرار
القرار ده حيفيدك اد ايه لو عملتيه
وقبل ده كله طبعا تستخيرى الله عز وجل
ولازم تتحلى وقتها بالشجاعه انك تبقى قويه ف تنفيذ قرارك حتى لو كانت ف النهايه غلط اسمك عملتى حاجه واتعملتيه منها لكن ايه الفايده لو اخدتى
قرار واخذتى المشاوره علشان الاغلبيه ونفذتى وانتى مش مقتنعه
لكن لو ف حاله ارتباط او دراسه
يبقى بنستخير الله نسال
ونعمل اللى فوق اللى قولت عليهم
واتمنى ليكى التوفيق ف حياتك بالسعاده وحب الله والراحه
امين
دمتى بود سما

[Eng Esraa]

حبيبتي بصي... حاولي بقدر الامكان
تاخدي قرارك من عقلك.. و انك تكوني
مرتاحة ليه مش تبقي مترددة .. و ف اي حال من
الاحووال استخيري ربنا
ربنا يقدملك اللي فيه خير ليكي يا رب

[نسيم الورود]

بصى سما هو فعلا حكاية انك تخدى قرار فى شئ مهم فى حياتك صعب
وخصوصا لو ده هيكون شئ هيقلب حياتك
أنتى قاعدى مانفسك و فكرى و خدى قرارات الحوليك و الافضل مش اى حد تاخدى رايه
يفضل يكون قريب منك من اهلهك زى امك و اختك
و بعد كده تشوفى احساسك و رحتك فين و قرارى
ربنا يوفقك و يسعدك دايما اللهم امين و الجميع
دومتى فى حفظ الله

[أميرة محمود]

فكري لو موصلتيش لقرار
اعملى مخاطرة
وخوضي التجربة الأصعب
نجحتى كان بها
منجحتيش هتبقي اتعلمتى حاجة قوية
ربنا يوفقك سما

[ياسمينااا]

مهم إن القرار يكون نابع منك إنتي مش من اللي حواليكي
لإن إنتي أكتر واحده المفروض تكوني عارفه إنتي عاوزه إيه
وعارفه إذا كان القرار دا فعلاً في مصلحتك ولا لآ
هيدفعك للأمام ولا هيأثر عليكي بالسلب
حاجات كتير لازم تفكري فيها قبل ما تاخدي القرار
وممكن تاخدي رأي اللي حواليكي مش عشان تنفذيه علي طول
لا عشان بردو تفكري في وجهة نظرهم ممكن يكون
في حد فيهم يظهر ليكي حاجه إنتي مش شايفاها
وكمان لازم تعملي إستخاره وتدعي ربنا عشان يلهمك للصواب
إن شاء الله خير سما وتوصلي للقرار السليم
تسلمي حبيبتي
ربنا يوفقك ويسعدك إن شاء الله

[SaMa.]

ثانكس ع النصايح وهعمل بيها
وف الاخر قل لنا يصيبنا الا ما كتب الله لنا

[خارج عن القانون]

القرارات تاخذ عن طريق العقل وليس القلب

والعقل لكى ياخذ قرار يجب ان تعطيه المعلومات الكافيه

فيدرسها العقل بتأنى ثم يخرج بالقرار الذى يرى ان فيه الصالح

لذا يجب ان تعطيه معلومات وافية شاملة كاملة متكاملة للموضوع بكل ابعاده

وياحبذا بعض امثلة لمواضيع مشابهة سواء اذا كانت نتيجتها الفشل او النجاح

[طارق الجميل]

القرار عموما لما بيكون خاص بالواحد دايما بيكون مش مركذ بيحتاج وقت بيحتاج انه يبعد عن اى ضغوط خصوصا اللى حواليه علشان يفكر بعقله كويس جدا ويوزن الامور اللى فى صالحه بناخد راى اللى حوالينه لما بنكون فى حاجه مش شايفينها او عايزين نعرفها وبرده مش اى حد شخص يكون مالوش مصلحه فى قبولى من عدمه واكون كمان بثق فيه وف كلامه من امور سابقه مشهوده عليه
ولما يوضحولى الامور اللى انا مش شايفها انا اوزنها كلها وانا اللى اقرر بنفسى واكون مسؤل عن قرارى ارجو انى اكون وضحتلك الصوره تحياتى