كام كلمة. ووعد

[a7med -3del]

بعد فترة من غيابك..
اكتشفت حبيبتي اني
رفضت اصدق اي حاجة..
علشان تفضل حاضني
تفاصيل كتير شايفاها عيني
وازاي كانت غايبة عني

ان اللي بنا مكنش حب
كان كلام... ونصه كدب
اتنين عارفين اخرتنا وداع
وسنين عايشين نضحك علي بعض
بكام كلمة ووعد

مفيش حد يشبه للتاني..
ولا في حاجة واحدة
مختلفين جدا انا وانتي
وحتي طباعنا مش واحدة

وكل واحد فينا. ليه طريقة تفكير
ايوة عكس التاني خالص
ودي فارقة معانا كتير

بقي بيعدي علينا اليوم بالعافية
وارجع الاقي اليوم اللي بعده
اكتر منه صعب
واحنا اتنين اخرتنا وادع
ليه عايزين نضحك علي بعض

Ahmed adel
28/8/2105
بمناسبة عيد ميلادي
يااااااااه. دانا كنت نسيت اني بكتب
الحمد لله لسه فيه نبض
تحياتي

[شاعر الحب الحزين]

انتا قلت المفيد والمختصر لحكايات كتير

كلامك بيلمس القلب لواقعيته الشديدة

كل سنة وانتا طيب يا ابو حميد ربنا يوفقك ف حياتك

ويسعدك ويباركلك ف عمرك يارب

ربنا يوفقك ويسعدك

[ساحر الأحزان]

كلمات جميلة

بعودة جميلة يا احمد

استمر بقى

بجميل الكلام

[ParoOo]

كلمات جميله

كل سنه وانت طيب ^ ^ يا ابو اسيل

فى انتظار جديدك ...

[Dr. AnOosHo]

عودا حميدا مرة تانيه للمنتدى ... كل سنه وانت بالف خير يارب وعقبال مليون سنه

كلمات جميله ومختصرة .. تسلم ايدك واستمر بقى

[نسيم الورود]

كلمات جميلة و معبرة تسلم ايدك
و كل سنة و أنت طيب و يارب
السنة الجديدة تكون سنه سعيدة عليك
دومت فى حفظ الله

[a7med -3del]

وانتو طيبين جميعا
تحياتي

[فداااااااااااء]

كل لحظة تمر من عمرك الله اسأل أن تمر عليك بسعادة وهناء

كلمات رقراقة واحساس جميل داخلها

تسلم ايدك ويدوم بوح قلمك الساطع

[ياسمينااا]

بداية كل سنه وإنت طيب
ويارب السنه دي تكون سعيده عليك
يااااه إيه اليأس والإحباط دا كله
اللي مكنش حب وكان وهم يبقي مش تندم عليه
وللي باعك بيعه واللي جاي أحلي فكر فيه
سيبك من الماضي وخليك في الحاضر
بص لقدام وانسي اللي فات وبلاش تفكر فيه
وربنا يسعدك ويبعد عنك أي حزن يارب
كلمات جميله وإحساسك عالي
تسلم إيدك أخي