كم يساوى جسدك فى السوق السوداء

[ساحر الأحزان]

بسم الله الرحمن الرحيم

كنت بتصفح فى النت وبشوف أخبار السوق السوداء ألى ربنا بلانا بيها ورفعت سعر الدولار حتى وصل ثمانية جنيهات وقفر سعر بزياة خمس وثلاثون قرش أو يزيد..وما

أدراك ما رفع سعر الدولاروما يقابلة من ذيادة فى أسعار السلع والخدمات والحجة رفع سعر الدولار المتضرر منها هو المواطن محدود الدخل وذيادة الأعباء على خزينة الدولة

لأن معظم السلع المهمة مثل مشتقات البترول من غاز وبنزين وقمح وأدوية تقوم الدولة بتدعيمها وهو ما يضيف أعباء جديدة على الخزانة العامة ؟

مما يعمل على أرتفاع الدين الداخلى والخارجى !!!!!

يمكن دة مش موضوعى ألى حتكلم فية لأن موضوعى هوخبر طريف لفت أنتباهى بمناسبة التحدث عن السوق السوداء وهو

(كم يساوى جسمك فى السوق السوداء )




يعنى لو أنت عاوز تتجوز ومش معاك فلوس العملية بسيطة جدا روح بيع ليك كلية أوفص كبد @@@@@

حتلاقى نفسك معاك مبلغ حلو قوى يجوزك ويخليك تقضى شهر العسل كمان ؛؛؛؛لو أنت خريج ومش لاقى شغل وعاوز تعمل مشروع روح بيع فروة راسك أحتة من شريانك التاجى !!!!!

حتعمل مشروع مربح وبعد كدة يبقى أشتريهم لما تكسب ولو خسرت يبقى ربنا يعوض عليك ؟

لو أنت راجل ومتزوج وبناتك أتخطبوا ومحتاج تجهزهم بسيطة روح بيع قلبك بمبلغ كبير وأمشى بقلب صناعى ,,,,,,,,,,,,,

لو ست متزوجة وزوجها توفى بلاش تتعب نفسها وتروح تكتب شيكات على نفسها على شان تجهز بناتها ولاتتعب رجليها من المشى على مكتب التأمينات على شان تصرف معاش مش حيكمل معاها لربع الشهر وحينشفوا ريقها على الأخر

روحى على أقرب سوق سودة وبيعى حتى من جسمك حتتحل كل مشاكلك وحتلاقى الحياة بقى لونها زهرى !!!!

فعلا شر البلية ما يضحك لأن جسمك بقى لة تمن وكل ما تتزنق تبيع حتى منة تفضل تبيع منة تبيع لحد لما تلاقى نفسك خلاص شطبت وهو خسارة بدل ما التراب ياكلة

ولكن هل من حقك أنك تبيع قطعة من جسمك ؟ولا جسمك أمانة عندك




ولكن ؟علينا قبل الخوض فى مسألة البيع هو معرفة رأى الدين فى ذلك لأن تلك مسألة فقهية صعبة فهناك عدد من العلماء حللة ولكن ؟بشروط خاصة وهناك من حرمة لأن جسد الأنسان أمانة عندة !!!

أعطاها لة ربة فلا يكون سبب فى هلاكها والتفريط فيها وكأنها ملكية خاصة لة يتصرف بها كيفما شاء ؛؛

أترك لكم التعقيب بعد سماع ذلك المقطع




تحياتى

[فداااااااااااء]

حال المواطن تعثر بشكل سيئ جداا
حتى وصل به الحال الى هذا الامر
صحيح ما يقوم به بعض الناس من بيع بعض اعضائهم هو سيئ وجريمة
ولكن هناك منهم من يقول متسأل ماذا يفعل المواطن فى تصريف امور حياته بعد ان تقفل فى وجهه الابواب ؟
إن كان هناك خطأ على الفرد الذى يقوم بذلك فالخطأ الاكبر يكون على الدولة التى بإهملها جعلت بعض الناس يلتجأون الى هذا الطريق الخاطئ

طرح قيم ساحر الاحزان يدوم تميزك

[طارق الجميل]

موضوع حقيقى موجه ودعوى جاده للنقاش بس انت زى ماسبق وزكرت
ان كل اعباء فى النهايه لايتحمل تبعيتها سوى المواطن معدوم وليس
محدود الدخل علشان كدا بنلاقى حاجات لايعقلها المنطق ولايصدقها
بالتالى العقل ولكنها تحدث فتغمدنا الله بواسع رحمته .............
ولا اذيد لنا الله

[Abdallah]

يا عم انا موافق بس هات اللى يشترى
انا مش طماع انا عايز عربيه اشتغل عليها
مش لازم مكروباص ممكن زوكزوكى
الحياه صعبه قوى و القوى فيها بياكل الضعيف
حتى فى اتفهه الاشياء اللى المفروض نكون متساوين فيها
سيبك من جثتى تعمل كام هوه انا اصلا عايش
عشان تتعلم و يكون لك مكان فى المجتمع عايز الافات
و تصحى بدرى و تجرى ع المواصلات
و اكيد هترمى كرامتك من اول واحد هيضايقك
الحياه سيب الناس تبيع و تعيش هوه ده الصح

[.Lamar]

طرحت مشكل وواقع مرير اخى

جه علينا اليوم اللى نفكر نبيع فيه جزء من جسمنا

عشان نعرف نعيش و نعيش ولادنا

يا ترى الغلط غلط مين ؟

مش برضو كلكم راع وكلكم مسئول عن رعيته

هنقول حال البلد

هقول على راسى بس ليه الحرامية عايشين و مرتاحين

هى ازمة ضمير مش فقر بس

ربى يتولانا برحمته و يخرجنا منها على خير ما يحب ويرضى

تحياتى

[العندليب الاسـمر]

الحقيقة ان الانسان في الزمن دة ميساويش حاجة

وايام تقديس الجسيد راحت الي غير رجعة

بس المشكلة ان الواحد صعبان علية نفسة

لانك لما تيجي تسال احنا لية بقينا كدة

مش بتلاقي اجابة واضحة ومحددة علشان تحلها

طرح جيد اخي الساحر

[نسيم الورود]

الموضوع فعلا مهم
و احنا للاسف و اصلنا لدرجة دى اننا نبيع
اجزاء من جسمنا مقابل مال سوف يظل فترة قصيرة و ينتهى
و نبدا فى البحث من جديد عنه مرة اخرى
و فى النهاية الخاسر هو الانسان
بجد موضوع روعة و مهم جدا و المفروض الاهتمام بيه اكتر
تسلم ايدك

[Words Whisper]

تجارة الأعضاء
المستفيد الأكبر منها هو اللي بيسرقها أكتر من صاحبها
وللأسف حتى في مستشفيات بتعمل كدا
عامة الإنسان أكثر قدسية من ان يقيم بمال
فمستحيل يكون بيع الأعضاء مباح
وفرق كبير جداااا بين بيع الأعضاء و بين التبرع بيها ..


شكراً أ.أمجد ..

[ساحر الأحزان]

بشكر كل من اهتم بالحضور

لو حسبت الحسبة حتلاقى ان جسدك غالى جدا

والاجمل هو المحافظة على تلك النعمة التى اعطانا الله اياها

نزع عضو من الجسد يؤثر على الجسد لانة متماسك ككتلة واحدة

ان خدشت منها جزء تاثرت باقى الاعضاء

ولكن العوزة والفقر والضيق تضع المحتاج تحت بند فك ضيقة تكون ببيع عضو

لسد الحاجة