مش خايف اجرح حضرتك

[a7med -3del]

اعمي وبشوف جواكي حتة خير
وعشان كده اتحملت ياما كتير
ورغم صبري ده كله.. لاقيتني بخسر
وفي الاخر..... مفيش،تقدير
لا انتي حاسه هوايا.. ولا عايزة تبقي معايا
ولا عايشة لغير نفسك.. عشان نفسك
تكوني اتنين..
انسانة بشكل واحد
جواها قلبين
لا عترفة عايزة ايه
ولا حتي تحب مين
وانتي مش عايزة هوايا... كل الحكاية
ان انتي مش قادرة تغيبي وتبعدي
لا بتقبلي... ولا حتي عارفة ترفضي
كل اللي هامك منظرك..
وازاي في حد يغيرك
وانا اكتر واحد في الكون ده كله بيفهمك
من صوتك.. او من نظرتك
من كلمة خايفة لو تقوليها.. تموتك
مكسوفة ليه... دانا الكسبان
عشان فارقت دنيتك
مانتي عايزة كل حاجة
مش عايزة حاجة معينة
ايوة مفيش في حياتك غالي
غير كلمة انا
وانا بصراحة بقولها عادي
ومش خايف اجرح حضرتك
احساسك انك بقيتي ماضي
هاسيبه بعدي يموتك

يلا في داهية
Ahmed adel
29-8-2015

[ساحر الأحزان]

جميلة الكلمات احمد

بسى مش شايف انها تحمل القسوة فى التعبير

بعض الشىء

[a7med -3del]

انت لشه تعرفني النهاردة امجد
انا بعشق الاسلوب ده من الكلمات
وبفضل الله عليا بعملها كويس ولو نسبيا
نورت موضوعي

[Eng Esraa]

بصراحة انا شفت حاجتين ان الكلام فيه قسوة شوية.. او كتير :-d
و شوية جرآه...
الحاجة التانية ان حسيت انگ عاوز توجه كلامك لحد معين.. ممكن اكون غلط او صح.. بس ده مش يمنع ان الكلام جميل جدا... تسلم ايدك

[جبل عالي]

ساعات المواقف بتكون محفزة للقسوة فعلاً
رغم قوة المشاعر الحلوة إلا إن ساعات زي مابيقولوا
القسوة بتكون بقوة الحب اللي كان


كلماتك متناسقة ومتسلسلة حسب الفكرة الأساسية
بداية من سرد الصفات والحيرة والمشاعر المتناقضة
نزولاً ونهاية بإتخاذ القرار المناسب لكل ماسبق
والذي لايختلف عليه إثنان إن الأنانية وحب الذات
لايندم أحد على الإبتعاد عنهم



إعتراضي فقط على الكلمة الأخيرة أحمد ممممممم
وتقبل هذا الرأي ولك جزيل الشكر والتقدير

[العاشق الذى لم يتب]

تسلم احمد
ورائع مااتيت به
ومااردت توصيله
دمت بخير
مودتى

[fanaa]

احساس الانسان انو يكون ضمن الماضى
على اد مهو مزعج على اد مهو بيكون جميل فى بعض الاحيان
كلمات جميله