سناب شات بنات مصر ، Snapchat .

[اذار .]

صباحكم او مسائكم جميل ، كيفكم ان شاء الله تكونو بخير . طبعا انا جايبه فكرة برنامج السناب شات ، و عايزه اعملها في المنتدى . و الفكره هي عباره عن ، صور او مقطع فيديو مدته 10 ثواني من يوميات اي شخص ، طبعا تكون لايف ، مش صوره قديمه و لا صوره مش من تصوير الشخص نفسه . احنا هنستغني عن المقطع الفيديو . و هنكتفي بالصور في البرنامج هذا . ملاحظات في البرنامج : - الصور مش شرط تكون ب جوده عالي او تصوير احترافي ، لان البرنامج مش برنامج هوايه و انما يوميات . - الصور تكون لايف ، بمعنى انها تصورت حالا ، و بما اننا في منتدى و صعب حد ينزل صوره لايف ، في هيكون الوقت مفتوح لمدة يومين للصوره ، - يسمح بالكتابه على الصوره ، ب اي برنامج ، و الافضل عدم الكتابه ، علشان بقى نشوف الصوره يعني لو اتكتبت حكاية الصوره تحتها ، ف هيكون حاجه منظمه . - الصوره الغير لائقه بالمنتدى او خادشه للحياء او تسبب فتن ، سيتم حذفها تلقائيا ، من مشرفة القسم . ب اتمنى تكون فيه مصداقيه في الصور ، ب انها مش تكون قديمه و انها تكون من تصوير العضو نفسه . و ب اتمنى انكم تتبسطوا في البرنامج دا و تفرجونا عاملين ايه بحياتكم دمتم بحفظ الرحمن .

 

 

[نسيم الورود]

الفكرة جميلة
انا هشوف كده رغم انى مش فاهمه كويس
دومتى فى حفظ الله

[Dr. AnOosHo]

انا مش فاهمه حاجه يا اذار عيدي تاني كده براحه

[Śลяą..ღ]

نصور ايه بالظبط!!
بس فكرة جديدة
تسلمى

[Dr. AnOosHo]

الكل مش فاهم اذار انزلي يبنتي بالشرح هههههههه

[Aya 7ekaya]

هى واضح انها فكرة حلوة بس حاولى توضحى اكتر

[اذار .]

هشرح الفكره من جديد ،
السناب يعني يوميات ، بس هتكون يوميات بالصور
مش بالكلام
انتو هتصورو اي صوره ، ممكن يكون منظر عاجبكم ممكن يكون
حاجه غريبه ، او اي صوره بقى ان شاء الله اولادكم الصغار
و ممكن تكتبو تعليق على الصوره برضوه ،
و بس كدا ، و الصور مش مطلوب فيها احتراف التصوير
يعني مش لازم تكون صوره تصويرها كويس
و برضوه مش صوره تكون معدومة الملامح مش باين فيها حاجه .

و كمان

و مش مطلوب يتنزل كل يوم صوره ، يعني هو بمزاجكم بقى
امتى ما صورتوا هاتو نشوفها
و مسموح للعضو ينزل العدد الي هو عايزه من الصور .
لكن تكون متصوره خلال يومين مش اكتر ،

و بس دي كل الحكايه

[اذار .]

اقتباس المشاركة الأصلية كتبت بواسطة نسيم الورود الفكرة جميلة انا هشوف كده رغم انى مش فاهمه كويس دومتى فى حفظ الله

كررت تاني شرحها ، ان شاء الله هتبقي فاهمها عزيزتي .
و تنزلي صور بقى

نورتي عزيزتي .

[اذار .]

اقتباس المشاركة الأصلية كتبت بواسطة دكتور نوشه انا مش فاهمه حاجه يا اذار عيدي تاني كده براحه

اهو كتبتها تاني ، ولو مش فهمتي ،
اسالي على الي مش فاهماه بالفكره ، علشان اوضحلك

نورتي يا قمر .

[اذار .]

اقتباس المشاركة الأصلية كتبت بواسطة Śลяą..ღ نصور ايه بالظبط!! بس فكرة جديدة تسلمى

اي حاجه انتي عايزاها صوريها
نورتي يا بطه ، و ان شاء الله بقى تصوري يومياتك
و تنورينا دايما هنا .

نورتي