انا عارف

[a7med -3del]

قلبي اللي مغلوب في الحياه
سلم لجرحه ..... وفرحه تاه
اول مالاقي الضحكة جاية
ابدأ اخاف
اصل اللي عاش غير اللي شاف
يقدر يحدد حزنه فين
ولفين واصل مداه

جوايا حزن...
يكفي كل الدنيا ديا والحياه
جوايا خوف .. حابس مشاعري
واصل في قلبي لمنتهاه

عايش بجرح سنين
دموع ومش باينين
مبقتش عارف ابكي حالي
ولا ابكي علي مين

ولا حسيت ... ان انا مرتاح
اهرب من حزن تاخدني جراح
ولا حسيت... لو يوم بامان
والله نسيت ان انا انسان

مبقولش اني ملاك.. لكن خلاص
بتمني اكون ذكري عديت
وفاتت من سنين
ربي اللي عالم باللي فيا
حاسه وبعيشه في كل يوم
لو كنت مرة جنيت عليا
ازاي بذنب واحد
اعيش سنين هموم

انا عارف...
انا ظالم ومش مظلوم
انا كاره...
فكرة وجودي في كل يوم
مفيش معني لحياتي بجد
وليه اصعب في علي حد
ومابين دموعي ويأسي
خسران وببكي في الحالتين
عايش بجرح سنين
دموع ومش باينين
مبقتش عارف ابكي حالي
ولا ابكي علي مين

Ahmed adel
سكت الكلام..

[BaAnOtA 7eKayaa]

جميله كلماتك حماده ....

منتظرين مواضيع تانيه ^ ^

[ايمان طلعت]

لا تبك
بل حاول الصعود فوق تلك الاحزان
وبقدمك اسحقها
فالامل باقي
كلمات جميله منك
تحياتي

[فداااااااااااء]

اليأس قاتل

والحزن سهم مسموم

لا تسمح لليأس بالمجيء إليك ولا تترك نفسك فى رماية الحزن

تفائل فالله موجود

والله كريم ورحيم

اسعدك الله ودام نبض قلمك الراقى والجميل
الذى اتمنى اراه فى الفرح لا الشجن

دمت بخير

[بت روشة]

جميله كلماتك حماده ....

منتظرين مواضيع تانيه ^ ^

[(طائر الشرق)]

مهما كان حجم الألم

ميعرفش الكلام معنى السكوت

طول ما فيه قلب قادر يقول

ده حال الدنيا يوم فرح ويوم ألم

لكن صعب ترحل عننا السعادة

لازم فى يوم هتعود

خالص دعواتى