قلبــــي أبيــــض

[شاعر الحب الحزين]

قلبـــي أبيــــض ولا شايــف غيـــر الســــواد

نيتــي صافيــة وبينـي وبيـن راحتي بــــــلاد

حتى الدمعة اللي هي نصيبي

بداريها قدام عدوي وقدام حبيبي

جوايا بحر دموع حواليا الناس ومش حاسس غير بالبعاد

لا برتاح ف فرحي ولا قادر افضفض بدموعي

مش قادر أعيش من طيبة اللي بين ضلوعي

وانا ولا غلبان ولا شيطان أنا بس رحال تايه لا طريق ولا زاد

مسجون لا موت طايله ولا طايل حياة

مجروح والسكوت خدني للوحدة ويـاه

مفيش طريق مشيته إلا وف الاخر لقيته وهم وحزن وسهاد

البسمة مخاصماني والدمعة خايفة تسيل

الدنيا ناسياني سايباني فيها عابر سبيـل

لا شفت أحبة ولا شفت أطبة وحبة حبة بيموت جوايا الوداد

نفسي أبكي جوايا من الدموع شلال

ولمين احكي عن حزني اللي فوق الإحتمال

معرفش اشكي ساكت ولا بحكي من كتر ما رضيت بالهم الهم زاد

اتولدت فيكي باكي وصاحبني البكا بعدها

حتى الدمعة اتحرمت توصل رسالة عين لخدها

قلبي أبيض ولا شايف غير سواد والشيب بين سواد شعري بيحكي العناد

عايش ومش عايش مفيــش دليـل على وجـودي إلا شهــادة ميــــــــلاد



شــــــــــــــــــــــــــــــــــــــــــــ . حـــــــــــــــــــــــــــــــــــــــ

[ساحر الأحزان]

قلبك ابيض شاعرنا

وكلماتك جميلة

تحياتى لجميل الاحساس النابع منك

[العاشق الذى لم يتب]

تفاءل خيراياخالد
لسة الدنيابخير
سلمت ودمت بخير

[.Lamar]

ولمين احكي عن حزني اللي فوق الإحتمال


اشكو لصاحب الامر اخى

من بيده تغيير الاقدار حين يريد

فالشكوى لغير الله مذلة

و بالدنيا هنشوف كتير طول ما احنا عايشين

ربى يفك كربنا جميعا

تحياتى و تقديرى

[اذار .]

كلماتك رائعه جدا ،
و فعلا قلبك ابيض ،
و الحزن لابد له نصيب في حياتنا ،
لان ما فيه حياه كلها سعاده و فرح
و لا حياه كلها حزن و دموع .
و ربنا يفرح قلبك .

كلمات جميله ك عادتها .
دمت بخير اخي العزيز .

[بت روشة]

كلماتك رائعه جدا ،
و فعلا قلبك ابيض ،
و الحزن لابد له نصيب في حياتنا ،
لان ما فيه حياه كلها سعاده و فرح
و لا حياه كلها حزن و دموع .
و ربنا يفرح قلبك .

كلمات جميله ك عادتها .
دمت بخير اخي العزيز .

[فداااااااااااء]

يا الله ..... كل دا فى قلبك الصغير اخى شاعر

اخى والله الدنيا ما تستهال منك انك تتعب قلبك بالحزن فيها

يكفى قلبك الابيض دا كفيل بإنه يعطيك السعادة

القلوب البيضاء يحبها الله

اسعد الله قلبك بمحبته ونزع منه الشجن اخى

كلمات تقطر ألما ووجعا اصابت قلمى بالحزن والشجن

رائع انت اخى حتى فى سردك لآهاتك

دمت بخير وسعادة دائما /خالص الاحترام والتقدير لك اخى الوقور

[شاعر الحب الحزين]

اقتباس المشاركة الأصلية كتبت بواسطة ساحر الأحزان قلبك ابيض شاعرنا وكلماتك جميلة تحياتى لجميل الاحساس النابع منك

تسلم يا أمجد اكيد الاجمل تواجدك

اشكرك لكلامك وردك الجميل

نورتني واسعدني حضورك

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب تفاءل خيراياخالد لسة الدنيابخير سلمت ودمت بخير

اشكرك رفعت لتواجدك وكلامك

تسلم نورتني واسعدني ردك

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة لمار* ولمين احكي عن حزني اللي فوق الإحتمال اشكو لصاحب الامر اخى من بيده تغيير الاقدار حين يريد فالشكوى لغير الله مذلة و بالدنيا هنشوف كتير طول ما احنا عايشين ربى يفك كربنا جميعا تحياتى و تقديرى

والنعم بالله سبحانه وتعالى اكيد موكل أمري لرب العالمين

اشكرك لمار للتواجد الطيب والحضور الراقي

اسعدني تواجدك بين سطوري القليلة

ربي يوفقك ويسعدك