ارضنا

[طارق الجميل]

النهارده انا روحت ارضنا من زمن والله ماروحتش عارف غلطه دى ف حقنا.

لكن والله كأنها ابتسمت وقالتلى والله كمان انك وحشتنا

فينك ياطيب فينك ياغالى بقالك زمن من زمن ماجتش ولا زرتنا

انت نسيت عشرتنا انت بقيت زى الناس كرهتنا

انت ياما جيت هنا وياما شقيت وعرقك اندمج مع طمينا

انت كنت اسمر بلونا واخضر بلونا قوللى ليه بقى بعدت عننا

ــــــــــــــــــــــــــــــــــــــــــــــــــ ــــــــــــــــــــ

انا فضلت واقف صامت وهى تتكلم اول ماشوفتها

اسمع منها ليا لومها واقول عندها حق وكل عتابها عليا من حقها.

لكن ماستحملتش عتابها ونزلت على الترابه وبوستها

وقولتلها حقك عليا انا عارف وفاكر انى اشتريت منك كل حاجه كنت بحبها

وانتى الاصل انتى اللى مهما بعدنا بنرجع من تانى لترابك يضمنا

لا عمرك زعلتينا ولا عمرك رديتى اللى محتاج خيرك مننا

ماستحملتش اكمل ضمتنى وحضنتنى الغاليه عندنا

ــــــــــــــــــــــــــــــــــــــــــــــــــ ــــــــــــــــــــــ

هى دى الارض.. اصلنا الطيب والحقيقه اللى لازم نتكلم عنها كلنا

اننا من يوم ما اهملناها وعيشنا المدنيه بقينا ف كابوس طابق على قلبنا

احنا اللى بين الشعوب معروفيين مش بس بكلامنا كمان بشكلنا

احنا المصرين المعروفين بلونا القمحى لون الخير اللى طالع من ارضنا

طارق الجميل

14/5/2009

الخميس

[big bốss]

الأرض لو عطشانة... نرويها بدمانا، عهد وعلينا أمانة

جميل هو الانتماء للارض فهى جزء منا و هى الاساس الذى نتوارثه جيل بعد جيل

جميل ما كتبه قلمك هنا

[فداااااااااااء]

صحيح مهما شوفنا بلاد جميلة هتفضل بلدنا هى الاجمل فى عيونا

حبنا ليها هو اللى بيجملها

كلمات جميلة واحساس عالى

دمت متألق

[طارق الجميل]

اقتباس المشاركة الأصلية كتبت بواسطة big bốss الأرض لو عطشانة... نرويها بدمانا، عهد وعلينا أمانة جميل هو الانتماء للارض فهى جزء منا و هى الاساس الذى نتوارثه جيل بعد جيل جميل ما كتبه قلمك هنا

ان الانتماء كما نتوارثه ونتعلمه هو مايجب ايضا ان نورثه
اسعدنى مرورك وتعبيرك الراقى اخى

[طارق الجميل]

اقتباس المشاركة الأصلية كتبت بواسطة فداااااااااااء صحيح مهما شوفنا بلاد جميلة هتفضل بلدنا هى الاجمل فى عيونا حبنا ليها هو اللى بيجملها كلمات جميلة واحساس عالى دمت متألق

ادام الله على وصلك الدائم
وصح كلامك ان ماينتمى لارضه ووطنه تظل فى عينه
شامخه ساطعه لايشوبها شئ مهما حدث من البعض
اصحاب النفوس الضعيفه مره تانيه اسعدنى مرورك

[جبل عالي]

الله الله الله الله رووعة وقمة في الإحساس والجمال ياطارق هزتني الحكاية والحوار وكأن فعلا بأسمعكم وأشوفكم وهنا موطن الإبداع والجمال في الكتابة والله كلنا فعلا غلطانين ف حقها ومن قلوبنا بنحبها تحيتي وكل تقديري وتقييمي

[طارق الجميل]

اقتباس المشاركة الأصلية كتبت بواسطة جبل عالي الله الله الله الله رووعة وقمة في الإحساس والجمال ياطارق هزتني الحكاية والحوار وكأن فعلا بأسمعكم وأشوفكم وهنا موطن الإبداع والجمال في الكتابة والله كلنا فعلا غلطانين ف حقها ومن قلوبنا بنحبها تحيتي وكل تقديري وتقييمي

دا علشان روحك الجميله كان شرف لينا انك تشوفينا وتسمعينا
وتقيمينا كمان مش انا الارض الوطن يستاهل حياتنا عمرنا
ان من لايملك وطن لايملك هويه شكرا لتواجدك الجميل

[الفيل الأزرق]

كلمات اجبرتني علي مشاركتكـ لاحساسي بصدقها

وايمانا مني بقلم يختار اجود المفردات

ماذا أقول لكـ يا سيد الحرف ومنبع المعاني

وبستان الكلام ..المعطره

لك كل مني خالص التحيه

[طارق الجميل]

اقتباس المشاركة الأصلية كتبت بواسطة الفيل الأزرق كلمات اجبرتني علي مشاركتكـ لاحساسي بصدقها وايمانا مني بقلم يختار اجود المفردات ماذا أقول لكـ يا سيد الحرف ومنبع المعاني وبستان الكلام ..المعطره لك كل مني خالص التحيه

حضرتك اللى تقول والله انا اللى مش عارف ارد عليك واقول ايه
غير ان شرفتنى بزوقك وكلامك وتواجدك انار قلمك متصفحتى
وادام الله عليا وصلك الطيب اخى الغالى