تقديم مباراة || الزمالك Vs اورلاندو بايرتس || دور الـ 8 من الكونفدراليه

[محمود الصاروخ]

السلام عليكم ورحمة الله وبركاته
اعضاء ومشرفين و ادارة وزوار منتديات بنات مصر



أهلا بكم فى موضوع تحليل و تقديم المباريات
مباراة تجمع بين بطل الدورى المصرى نادى الزمالك
و قراصنة جنوب افريقيا نادى أورلاندو بايرتس
مباراة تحدد من سيصعد اول للمجموعه للدور قبل النهائى
لبطولة الكونفدراليه الافريقيه 2015





( مناسبه اللقاء )
الجوله الاخيره من دور ال 8 للكونفدراليه الافريقيه

( تاريخ وموعد اللقاء )
الأحد 13 سبتمبر المقبل

( توقيت المباراة )
الثامنه و النصف مساءا بتوقيت القاهرة

( القنوات الناقله للمباراه )
قنوات بى ان سبورت الرياضيه






نادى الزمالك للألعاب الرياضيه
تأسس عام 1911

حيث يمتلك نادى الزمالك كوكبه من أبرز اللاعبين المصريين ويعتبر جمهور الزمالك تشكيلة الفريق بانها التشكيله النادره و الاقوى فى مصر فى الوقت الحالى
وأبرز نجوم الزمالك هم

حارس المرمى
احمد الشناوى
والمدافعين الرائعين
محمد كوفى و على جبر
أيضا نجوم خط الوسط فى مصر وافريقيا
ايمن حفنى و مصطفى فتحى و احمد توفيق و احمد حمودى
ومحمد ابراهيم و محمود كهربا ومعروف يوسف
ويمتلك الزمالك خط هجوم على اعلى مستوى
باسم مرسى و احمد حسن مكى و محمد سالم

( مدرب نادى الزمالك )
المدرب البرتغالى جوسفالدو فيريرا








نادى أورلاندو بايرتس الجنوب افريقى
تأسس عام 1937

يمتلك نادى أورلاندو ايضا مجموعه من اللاعبين المميزين فى البطولات الافريقيه
وهو من أقوى اندية جنوب افريقيا ويطلق عليهم اسم القراصنه
وأبرز نجوم أورلاندو هم

المهاجمين المميزين فى البطولات الافريقيه
كيرميت إيراسموس و أوبا مانيزيا و ثامسانكا غابوزا و ماجورو

( مدرب نادى اورلاندو )
الجنوب افريقى إريك تينكلر





تمكن نادى الزمالك من حصد 12 نقطه من المجموعه ليحتل بها صدارة المجموعه ويسعى لتحقيق الفوز او التعادل ليصعد اللى الدور قبل النهائى كأول مجموعه

وتمكن ايضا نادى أورلاندو من حصد 12 نقطه من المجموعه ولكنه يحتل المركز الثانى بفارق الاهداف ويسعى لتحقيق الفوز على الزمالك ليصعد كأول مجموعه



تقام المباراه على أرضية ستاد بترو سبورت بالقاهره الجديده



هو ستاد متعدد الاستخدامات يقع في مدينة القاهرة الجديدة من شارع التسعين بالتجمع الخامس في مصر. وهو يستخدم في مباريات كرة القدم حيث يستضيف مباريات العودة لنادي إنبي وأندية البترول الأخرى في مصر وهو ملعب حديث
حيث تم الأنتهاء من بنائه عام 2006

ويتسع الأستاد لأكثر من 25,000 متفرج واستضاف الدورات الودية للمنتخب مصر للشباب وهو الملعب الذي يلعب عليه منتخب مصر للشباب منتخب تحت 20 سنه

وقد استضاف الاستاد المباريات الرسمية لفريق ليبيا في تصفيات امم أفريقيا لعام 2012 وقد صعد الفريق الليبي الي الملحق كاحسن ثاني في مجموعته

وقد أسس هذا الاستاد شركة بتروسبورت وهي الشركة الأولي من نوعها في مصر والشرق الأوسط في مجال الاستثمار الرياضي



سيكون ملعب بترو سبورت بالقاهره
مسرحا لـ لقاء صدارة المجموعه الثانيه
من بطولة كاس الاتحاد الافريقى او الكونفدراليه الافريقيه 2015
بين متصدرى المجموعه الثانيه نادى الزمالك المصرى المضيف
و نادى أورلاندو الجنوب افريقى القادم من بلاد القراصنه جنوب افريقيا

الفريقان الذان حققاا مشوار أكثر من رائع فى مشوار المجموعات لهذه البطوله
سيسعيان لكسب نقاط المباراه المهمه لان هذه النقاط ستحدد من يصعد منهم
اللى الدور قبل النهائى كأول مجموعه

فلمن ستكون الغلبه !



1- كيف ترى اللقاء من الناحية الفنية ؟

---

2- مباراة صعبة يشهدها ملعب بترو سبورت بالقاهره
كيف ترى مستوى الزمالك فى اللقاء وما هي حظوظه بكسب الثلاث نقاط ؟

---

3- أورلاندو القادم من بلاد القراصنه جنوب افريقيا اللى بلاد الفراعنه هل تراه قادر على كسب الثلاث نقاط من بطل الدورى المصرى ؟

---

4 - توقعك لسيناريو المباراة ولنتيجة اللقاء ؟

---

5- كلمــه حـــره



بالتوفيق للنادى الملكى
بالتوفيق للزمالك

خالص حبى
محمود الصاروخ

[ELgeneral gEmY]

مجهوود رائع ياحودا

[Magic Dreams]

تسلم علي مجهودك يا حمودا

[العاشق الذى لم يتب]

جميل الشغل ياحوده
تسلم
مجهود كبير
ومعلومات وشرح
الله عليك

[محمود الصاروخ]

تسلمو ع المرور جميعا
جيمى - ماجيك - رفعت
منورين

[توحد ارواح]

المباراه من وجهة نظري ليست بالسهله

كلا الفريقين سيبذل قصاري جهده لاحتلال المركز الأول


لكي يضمن لعب المباراه النهائية علي ارضه

فريق اورلاند بيلعب كوره سريعة للغاية


ويتميز بخط وسط وهجوم قوي
ولكن نقطة ضعفه هو دفاعه وحارس المرمى

وده كان واضح في هدف مصطفي فتحي في مباراة الذهاب


اتوقع نتيجة المباراه ١ /٠ للزمالك بمشيئة الله

تسلم ع المجهود

[الفيلسـوف]

مش حقول اكتر من اللى قلته ندى
مجهود جميل تسلم ياحوده وبالتوفيق لنادى الزمالك تم التثبيت

[احمد برهان]

مجهود خرافي حودة
و تنسيق ما شاء الله
انا صراحة ماليش في الكورة
بس موضوعك و اهتمامك بيه
عجبوني اوي
الله يوفقك و يكرمك

[აα∂ Ԑγεა]

1- كيف ترى اللقاء من الناحية الفنية ؟
لقاء كبير بلا شك لانه المنافسين من افضل الاندية في القارة حاليا
اورلاندو من الاندية الكبيرة جدا حاليا وفنيا علي اعلي مستوي سواء عناصر او اداء
كذلك الزمالك نفس الامر فالمباراة كبيرة طبعا بالاخص انها علي صدارة المجموعه
والاهم علي مين هيلعب عودة النهائي علي ارضه وبين جمهوره


2- مباراة صعبة يشهدها ملعب بترو سبورت بالقاهره
كيف ترى مستوى الزمالك فى اللقاء وما هي حظوظه بكسب الثلاث نقاط ؟

مستوي الزمالك حاليا مخفيش عليك مش عاجبني الفريق كشكل جماعي
كفرديات مفيش فريق في افريقيا كلها يتفوق علي الزمالك حاليا
لكن الشغل الجماعي للفريق والادارة الفنية للمدرب وخطة واسلوب اللعب عندي شكوكي
لكن ميمنعش انه الزمالك مرشح للفوز وفرص خروجه باللي عاوزه من المباراه
سواء فوز او تعادل هيا 80% مثلا

3- أورلاندو القادم من بلاد القراصنه جنوب افريقيا اللى بلاد الفراعنه هل تراه قادر على كسب الثلاث نقاط من بطل الدورى المصرى ؟

لو اني شايف انه فرصته 20% لكن دي نسبة مش قليلة لو هنبص لظروف المباراة
الزمالك حاليا من اقوي ان لم يكن الاقوي في البطولة
والمباراة تقام علي ارضه وعنده فرصتين لتحقيق المراد وهما التعادل او الفوز
وبيمتلك فرديات رهيبة جدا ولاعيبة علي اعلي مستوي في اغلب المراكز
طبيعي انه الزمالك يكون مرشح ابرز للفوز
بالاخص انه في مباراة الذهاب علي ارض اورلاندو كان الزمالك الرابح
لكن زي ما ذكرت اورلاندو من الفرق المميزة جدا في القارة
ومن المرشحين للفوز بالبطولة وعنده لاعيبة ممتازة جدا ومش بعيد فوزه
لو الزمالك مكانش في يومه ومكنش علي قدر المباراة .

4 - توقعك لسيناريو المباراة ولنتيجة اللقاء ؟
مع فيريرا انا ممكن اتوقع التشكيل نفسه قبل الماتش بسنة
اما عن سير المباراة فهو علي حسب اسلوب لعب اورلاندو في المباراة
وحسب طموحاته في المباراة
اورلاندو ممكن يتحفظ في البداية ويحاول يلعب علي المرتدة
وممكن يفاجئ الزمالك بالضغط لكن الاولي اقرب

اما الزمالك فهينتهج التحفظ علي الاغلب وامتلاك الكورة زي مباراة الصفاقسي بالظبط
واللي اتمناه انه يمارس ضغط علي الخصم في كل انحاء الملعب
هيسهل العملية كتير علينا ويخلي امتلاكنا للكورة وقته اطول
ويخلي استعادتها بسهولة وقت فقدانها وعدم اتاحة الوقت للخصم انه يحضر ويبني هجمه
عكس ما كنا بنعمله في اغلب مبارياتنا واللي كنا رد فعل فيها مش فعل

لكن فيريرا لا يعترف باي حاجة الا تفكيره اللي منتهجه من يوم ما جه الزمالك
ويمكن النقطة دي اللي مخوفاني منه جدا في قادم المباريات


5- كلمــه حـــره

البطل لا يخشي احد علي الاطلاق , البطل عنده استعداد يلاعب الكل !
اي تفكير في ترك الصدارة للبعد عن اي منافس مهما كان فهو تفكير خاطئ
الزمالك بيلعب علي الصدارة ولا يهم بعد كدة هيلاعب مين
لانه الصدارة تعني انه هيلعب عودة قبل النهائي والنهائي علي ارضه وسط جمهوره
ودي افضلية كبيرة لا يمكن تركها مهما كان المنافس في الدور القادم
باذن الله الزمالك هيحقق صدارة المجموعة .


تسلم يا محمود للطرح والمجهود والتقرير المميز دا وبالتوفيق دايما للابيض ♥

[Stop Ana Eltop]

الموضوع جميل ومقدم بشكل حلو

توقعى الوحيد هو ان الزمالك فريق قوى مفيش شك
وحاليا بيلعب ع الفوز عشان يعوض الى فاته
بس احساسى بيقولى انه مش هتظبط معاه

دايما تيجى معاه ع النهايات وتبوظ كدهون
لكل التوفيق للزمالك بقن

والنتيجه تعادل
او فوز الزمالك اتنين واحد
او خسارته واحد صفر

تسلم لمجهودك بقن