درس اضافة جليتر شفاف متحرك

[.Lamar]

هو الوقت متاخر بس طلبت منى نور طريقة الجليتر و كان صعب اتاخر عنها بس يا رب شرحى تفهمى منه حاجة دى صورة الجليتر تبع نور اول حاجة هنفتح الصورة عادى على برنامج الفوتوشوب هنلاقى الجليتر دة مكون من طبقتين هنوقف على اول طبقة ونضغط edit ونختار define pattren هنلاقى اتفتح لنا بوكس كدة بيسالنا عن اسم الباترن اللى هنحفظه هنضغط ok هنروح على الطبقة التانية و نعمل عليها نفس الخطوات هنفتح الشكل اللى هنضيف عليه الجليتر زى الاطار دة و هنا حددت جزء بس و عملت منه كوبى تانى من crtl+j فاصبح عندى 2 لير على قد عدد ليرات الجليتر و من بوكس الانيميشن برضو هكرر اللير تانى و نوقف على اول لير و نخفى العين عن اللير التانى و نضغط على blending option ونختار pattren overlay ومن قائمة الباترن بختار اول طبقة بعدها نوقف على اللير التانى و نخفى العين عن اللير الاول و نعمل نفس الخطوات و من الباترن نختار اللير الطبقة التانية للجليتر و نضبط الزمن على 0.2 و نحفظ العمل بصيغة gif و دى النتيجة النهائية

[رآقيہ بأخلاقـى]

تسلميلى يا لمورتى حبيبتى
متحرمش منك يا قلبى
والشرح تمام التمام واضح ومفهوم
بس بردو هى دى نفس الخطوات اللى بعملها
وبيطلع غلط فيه زى ما قولتلك
عموماً هجرب تانى وامشى واحدة واحدة بالخطوات بتاعتك
وهشوف الغلط فين بقى بالظبط
تسلمى ع تعبك ليا حبيبتى
نجومى وتقييمى بقى :*

[.Lamar]

حاولى واحدة واحدة كدة

وان شاء الله تضبط المرة دى

هنتظر تطبيقك يا حبى

[رآقيہ بأخلاقـى]

تمام
هطبق وانزل اللى عملته

[♥○ moOoOoOna ♥○]

انا محتاجه حد يشرحلى الفوتوشوب اصلا من اول وجديد ههههههههههههههه

[احمد برهان]

طبعاً أنا مش بافهم فوتو شوب خالص
بس حبيت اقول لك
مجهود طيب و جميل
و مضوع متعوب عليه
ربنا يوفقك للخير و نشوف منك كل جميل

[اذار .]

درس مفيد جدا ، و تطبيقه سهل و بسيط خالص .
و خصوصا للناس الي عايزه تتعلم الاوسمه زيي :d
هيفيدني في تركيب الجليتر
اما يرجع اللاب بالسلامه بقى ):

شكرا لمجهودك الرائع ، لمار
و مستنين تطبيق نور ، و البقيه يعملوا كمان .

اقتباس المشاركة الأصلية كتبت بواسطة ♥○ moooooona ♥○ انا محتاجه حد يشرحلى الفوتوشوب اصلا من اول وجديد ههههههههههههههه

لو عندك رغبه كبيره تتعلميه ، هتتعلميه في وقت قليل جدا ،
هكذب عليك لو قلت لك اني اخذت وقت اكتر من اسبوعين ،
هو الموضوع كله عند الرغبه في التعلم ،

ولو عايزه تتعلمي ، ابداي في شرح للمبتدئين من اليوتيوب ،
هتتعلمي و تفهمي منها بسرعه ، اكتر من ان الكلام يكون مكتوب ،

علشان لما تبقي فاهمه كل حاجه ، هيكون سهل عليك
الدروس الكتابيه و المصوره زي الي عملته لمار كدا ،

ف شدي حيلك بقى و عايزين نشوفك مصممه مبدعه عنها

[♥○ moOoOoOna ♥○]

ان شاء الله اتعلم علشان اوريكوا الابداع بقى هههههههههه

شجعتينى يا حبيبتى ^ـ^

ان شاء الله اتعلم فى اقرب وقت

[Dr. AnOosHo]

معلش لمار ... هو الشرح تمام اكيد تسلم ايدك
بس ممكن معلش تبقي تعمليلنا فيديو

لحسن في ناس زيي فهمتها تقيل جداااا

وانا مش عارفه اعمل اي حاجه اصلاااااا من اللي اتشرح

[۩۩ elMagic ۩۩]

جميل الدرس لمار
وادى التطبيق بقآ