من حقه .. خربشة رأى (2)

[Hearts Whisper]

سالخير على قلوبكم بقا

حلقة النهاردة من الحلقاات
الي ممكن اتكلم فيها كتيير اوى
بس اكتفييت بالنماذج الى عندي
لانهم الخلااصة .. خلاصة مجتمع
تقريبا معتقدين انه ذكورى فقط .. !



من حق

حسام يضرب الجل ويسقط البنطلون
ويمشي يعااكس نرميين .. طب ولو ردت
تبقا ساافلة وقليلة الادب .. وهي السبب اصلا
دي لبسها وحش .. وشوفو بتعمل ايه .. !!
طب وهو ميغضش بصره ليه .. او حتى
هو ماال اهله ^^ .. لا دا ولد



من حق

وليد يرتبط بابتساام .. وعلي البيعة
بسنت وسميرة ولمياء وسحر وسلوى
ويرووح يقول لصاحبه حسين .. وحسين
يقول لعيلته وامه تقوول لامه .. والحجة
مبسووطة بالوااد كبر وبقا بيحب .. طب
هتجوزيه ميين يا حجة .. هجوزة نجلاء
بنت أختى .. طب والي مرتبط بيها يا حجة
دي قليلة الادب .. !! اجووز ابني لوحدة مشي
معاها .. طب مهو الى مشي معاها .. هو ولد
عندك حق يا حجة .. جوزيه بقا للي غيره
مشي معاها .. !!



من حق

سعيد بعد ما يطلق سامية .. يجري يتجووز
غيرها ويعييش حياته طبيعية .. انما سامية
تسمع كلاام من جارتها ام جمالات .. سابك
ليه يا بت .. اكييد انتي السبب .. بناات اخر
زمن .. وجارتها التانية ام السيد تقولها كنتي
تستحمليه ياختي ..اهو ظل رااجل ولا ظل
حيطة .. عاجبك الاعدة دي ..

طب ونيجي نشوف اشمعني هو مش بيقولو
الكلاام دا .. اصلهم بيقولو دا راجل



من حق

سلامة يضرب حمدية مراتته كل يووم ويشتمها
ويهزأها .. ويوم ما حمدية ترد عليه تبقا قليلة الادب
ويوم ما ترجع بيت اهلها .. يرجعوها تااانى
ويقولوها ارجعى لجووزك معندنااش بناات تسيب
بيت جوزها .. طب طلقنى منه يا بابا ..
انتى اتهبلتى معندنااش بناات تطلق .. !!
عيشي وربي عياالك .. طب والعياال اتربوو ..
ابقوا قابلوونى


شوفتوا بقا من حقه .. ودا مجتمعنا
سقفة كبيرة بقا له ومجتمعه

[حـيـــــآة ❤]

خلاصه
اصل البنت عيب وكخه
والواد اسم الله عليه

[حافظة القرآن]

كل حاجة اصلو ولد عادى
طب ويوم القيامة هيقول لربنا ايه ؟؟!!
اكيد مش هيقدر يقول اصل انا ولد
والبنت دى لبسها والبنت دى طريقتها
الغلط هيفضل غلط من ولد او من بنت
واللى فاكرين ان الولد دايما صح والبنت دايما غلط
هما اللى غلط

ربنا يهدى الجميع

تسلمى ع الموضوع

[ŌиĹч.Ḿё]

انا متفق معاكى ان حاجات من دى بتحصل وحاجات بتحصل برضا البنت
محدش ضربك على ايدك وقلك تلبسى ضيق عشان الشب يغض بصره
انتى فعلا لو عايزة تلبسى ضيق البسيه فى بيتك مش قدمناا دا لو عايزة تحسى انك انثى !

الواد اللى مشى مع البنت وعليها زى ما بتقولى وامه فرحانه بيه
هيا البنت بردو مش عارفه الصح من الغلط مش عارفه ااذا كان الشب دا بيضحك
عليهاا ولا لا الشب لو لا بنت قدامه مرحب بالتعارف حقه يعمل اللى عايزة
لانها سمحت بكداا


موضوع الطلاق والكلام دا مش بيخلص من القيل والقال وربنا يستر على عباده بقااا

واخر حاجه بتاعت سيبى بيتك لو فى اب زى الراجل اللى بتقولى عليه دا مكنش نسبه الطلاق

بقت عالية اوى كدا


نايس توبك يا شيماااء

برافو

[Hearts Whisper]

اقتباس المشاركة الأصلية كتبت بواسطة ŌиĹч.Ḿё انا متفق معاكى ان حاجات من دى بتحصل وحاجات بتحصل برضا البنت محدش ضربك على ايدك وقلك تلبسى ضيق عشان الشب يغض بصره انتى فعلا لو عايزة تلبسى ضيق البسيه فى بيتك مش قدمناا دا لو عايزة تحسى انك انثى ! الواد اللى مشى مع البنت وعليها زى ما بتقولى وامه فرحانه بيه هيا البنت بردو مش عارفه الصح من الغلط مش عارفه ااذا كان الشب دا بيضحك عليهاا ولا لا الشب لو لا بنت قدامه مرحب بالتعارف حقه يعمل اللى عايزة لانها سمحت بكداا موضوع الطلاق والكلام دا مش بيخلص من القيل والقال وربنا يستر على عباده بقااا واخر حاجه بتاعت سيبى بيتك لو فى اب زى الراجل اللى بتقولى عليه دا مكنش نسبه الطلاق بقت عالية اوى كدا نايس توبك يا شيماااء برافو

اول نقطة .. اولا لبس البنت مش مبرر
لابسة ضيق واسع .. بحاجاااب او بدوون
دا بينها وبيين ربنا وهتقولى غض البصر برضو بينه وبين ربنا
هقولك تماام بس ميتتعدااش عليها بقا لا بكلاام
ولا بلمس .. هى زيها زيه .. مش هو الي هيحاسبها
وبعديين غييير كل دا المنقبة والي لابسة شواال بتتعاكس
وحصل قداامي ..




النقطة التانية ... اعتراضي مش على البنت رحبت ولا الولد رحب
اعترااضي فكرة المجتمع للبنت لما ترتبط غير فكرته للولد
البنت لو ارتبطت تبقا اجرمت .. الولد لو ارتبط يبقا كبر وبقا راجل
وبيعرف يحب .. وحتى لو حد شايف انه غلط لو ارتبط ببقا غلط
يغتفرله عاادي .. وعجبي بقا

انما هى وافقت موافقتش .. الاختلااف مش على دا
لان دي نقطة تانية خاالص


كل البناات الى عرفتهم في حيااتى اطلقو
اتهاانو وطلع عينهم ورجعوا لاهلهم ورجعوووهم اكتر من مرة
ممكن تكوون نسبة الطلااق عالية
بس برضو نسبة النااس الى عاوزة تطلق ومش سعيدة فى حياتها الزوجية
ومجبرة عشان ااولااد او اهلها رفضو دا كتيير اوى


تسلم يا رائد .. وارجو تقبل رأيى ^^

[Dr. AnOosHo]

مش متفقه معاكي خاااالص ههههههه

اولا المعامسه .. اه الولد يضرب جل في شعره ويلبس عادي لان ماعنوش لبس ربنا فرضه عليه بدام مغطي العورة
والبنت لو ملبستش محترم وتحترمت نفسها متطلبش من حد انه ميعاكسش وانه يحترمها وهي ماشيه في الشارع

محدش قال الولد صح لما يعاكس بس سيدنا يوسف طلب من ربنا يحميه من مراه فرعون
ممشيش في الشارع مش لابسه واقول الولد غمض عينك !!!

مالهاش علاقه بذكوري

بالنسبه للطلاق دي عاظات قديمه لو لسه حد بيطبقها اعتقد ناس قليله واغلب الابهات اتحضروا والدليل ع كده زيادة نسبه الطلاق في مصر
لان الراجل مبقاش زي زمان ولا البنت زي زمان




وربنا يهدينا ويصلح الحال

توبيك حلو شوشو

[محمود الصاروخ]

البنت لو غلطانه الولد غلطان هو كمان !
عمري ما برمي اللوم ع البنت لواحدها !

موضوع جميل جدا
تسلم ايدك

[رضا التركى]

الحاجات دى بتحصل كتير فعلا

بالنسبة للمعاكسات فده عدم تربية مش نرمى كل الحمل عالبنت

مع انه فى نفس الوقت غلط من البنت لبسها الغير محتشم

اما بالنسبة لام وليد ههههههههههههههههههههه

اكيد هتدبسه مع بنت اختها

اما سعيد بقى محدش يقدر يقوله طلقتها ليه

ده بقى الفكر الخاطئ الناس بتلوم الزوجة بس

والزوج اللى بيضرب مراته أكيد بيكون فيه زجر ليه

من اهل مراته مش معقول هيرجعها من غير ما ياخدله كلمتين حلوين

هو مش كل زوج بيعمل كده إلا شريحة بسيطة

موضوع جميل للأسف بيحكى واقع محزن

دمتِ بكل الخير وراحة البال أختى الكريمة

[سيناا]

لا تعد ولا تحصى هل الأشياء

من الأخر العطل من القاع

لازم نصلح القاع ليصلح شوي هل المجتمع

وبعدين يا شيماء

ما تحملي السلم بالعرض

ولا تقارني الولد بالبنت

لسى ما صرنا آجانب يختي

انا معك البنت بينها وبين ربنا وهي الى عاوزة تسويه تسويه

بس ما كمان تروح تلبسلي تنورة شبر ونص وبتعرف برا المتحرشين كتار وتطلع بهل الهيئة

هيك بئى صارت هي الى عاوزة مين الى يتطلع عليها


بالنسبة لمشكلة الطلاق

من ايدكم

الرجال ما تغيروا بولا شيئ بعدنا ع الدقة القديمة بعدنا ع نفس تفكير جدي وجدك

بس البنات تطوروا وبطل يعجبهم العجب ولا الصيام برجب

ركبوا موجة الانفتاح

وجت ع دماغهم

[Hearts Whisper]

اقتباس المشاركة الأصلية كتبت بواسطة dr.nosha مش متفقه معاكي خاااالص ههههههه اولا المعامسه .. اه الولد يضرب جل في شعره ويلبس عادي لان ماعنوش لبس ربنا فرضه عليه بدام مغطي العورة والبنت لو ملبستش محترم وتحترمت نفسها متطلبش من حد انه ميعاكسش وانه يحترمها وهي ماشيه في الشارع محدش قال الولد صح لما يعاكس بس سيدنا يوسف طلب من ربنا يحميه من مراه فرعون ممشيش في الشارع مش لابسه واقول الولد غمض عينك !!! مالهاش علاقه بذكوري بالنسبه للطلاق دي عاظات قديمه لو لسه حد بيطبقها اعتقد ناس قليله واغلب الابهات اتحضروا والدليل ع كده زيادة نسبه الطلاق في مصر لان الراجل مبقاش زي زمان ولا البنت زي زمان وربنا يهدينا ويصلح الحال توبيك حلو شوشو

كلمة جل وبنطلوون دا من جو الهزاار
مش انى بعيب عليه لان لو اتكلمت برضو
فى الموضوع دا هيبقا خرجنا عن فكرتنا
الفكرة فكرة حق .. احتراام لحقوقها
هو لما بيعمل الى بيعمله البنت مبتروحش
تعاكسه او تضايقه .. والى هيقولى دا في بناات
بتعااكس .. هقول سمعت عن كاام وحدة ولا شوفت كاام وحدة
مقابل انك بتشوف ويعدى عليكي فى اليووم كااام ولد بيعاكس .. !!!
فى نااس اتربت على لبس معين ممكن فى بيئتها دا عاادي
ازعل وقوول ان لبسهم مثيير .. اتكلم وعلى صوووتك عندك الميديا
وابدأ بنفسك وغض بصرك .. انما مترميش كللام او ترووح تلمسها
حتى ممكن ينصحها .. مش يعاكسها ويتحرش بيها


ولو على موضوع الطلااق فى نااس كدا .. وثقافة الانفصاال
والطلااق دي مش عند اى حد وحتى لما بطلقو ببقا
عاائق وحمل كبيير للبنت

نورتينيى يا نوشتى بقا ^^