تصريحات فيريرا تثير غضب هيكتور كوبر!

[الفيلسـوف]

أبدى الأرجنتيني هيكتور كوبر مدرب المنتخب الوطني، غضبه من تصريحات البرتغالي جيسفالدو فيريرا ضد الجهاز الفني للفراعنة.

وقال مصدر مقرب من كوبر في تصريحات خاصة إن فيريرا دائمًا ما يتحدث عن الإرهاق ويحمل المنتخب المسئولية، رغم انضمام اللاعبين للفراعنة مهمة وطنية.

وأضاف أن فيريرا مدرب كبير وصاحب تاريخ تدريبي عريض، وبالتأكيد لديه الخبرة التي تمكنه من التعامل مع مثل تلك الظروف الصعبة.

وواصل بأن المنتخب لا ذنب له في ضغط مباريات الدوري أو تلاحم المواسم، لكن هناك مباريات في التصفيات أو لقاءات ودية في الأجندة الدولية تساهم في تقدم المنتخب بتصنيف الاتحاد الدولي لكرة القدم "الفيفا"، ومن ثم فلابد من تواجد جميع اللاعبين.

[Stop Ana Eltop]

بس فيريرا معاه حق
بدليل انه صلاح عشان بيلعب بره مصر ومش تحت رحمة الاتحاد
جه قبل المباره ب 3 ايام بس مش معكسر قبلها باسبوع

كوبر مدرب كبير بس مبالغ فيه
وبيستغل حتة الوطنيه فى مصر

[محمود الصاروخ]

بس فيريرا انتقد المعسكرات اللي مالهاش لازمه
بتسبب اصابات و ارهاق خصوصا بعد موسم طويل

وفعلا مفيش اي منتخب في العالم حتي عربي
بيجمع لاعيبه قبل الماتش ب 15 و 20 يوم !

الدور و الباقي ع اللي بيقول المنتخب فاز ع مركز شباب !
والدور و الباقي علي نفس الراجل اللي قال المفروض كوبر يلعب رمضان دايما !

فيريرا مغلطتش

[الفيلسـوف]

اقتباس المشاركة الأصلية كتبت بواسطة مـح ـ الصاروخ ـمود بس فيريرا انتقد المعسكرات اللي مالهاش لازمه بتسبب اصابات و ارهاق خصوصا بعد موسم طويل وفعلا مفيش اي منتخب في العالم حتي عربي بيجمع لاعيبه قبل الماتش ب 15 و 20 يوم ! الدور و الباقي ع اللي بيقول المنتخب فاز ع مركز شباب ! والدور و الباقي علي نفس الراجل اللي قال المفروض كوبر يلعب رمضان دايما ! فيريرا مغلطتش

ع فكره انا ما قولت فيررا غلط ولا ما غلط
انا بجيب الخبر بدون اى اضافات يعنى لا تحبيش ولا تزويد
وان جبت خبر غلط بنزل تكذيب
ودائما مش بقارن بين الاهلى والزمالك ف اخبارى
بس تموت لو ماجبت سيره الاهلى ف كل موضوع
نورت بقى ياحوده

[الفيلسـوف]

اقتباس المشاركة الأصلية كتبت بواسطة stop ana eltop بس فيريرا معاه حق بدليل انه صلاح عشان بيلعب بره مصر ومش تحت رحمة الاتحاد جه قبل المباره ب 3 ايام بس مش معكسر قبلها باسبوع كوبر مدرب كبير بس مبالغ فيه وبيستغل حتة الوطنيه فى مصر

لا انكر مكانه فيريرا وخبرته الكرويه
ولا انكر انه مدرب ليه وزنه ولا انقص ف حقه شى
ولكن ناتى دائما بمتابعه الاخبار اينما كانت واينما تكون
منوره الدنيا ياهبه وسعيد بوجودك ف عالم الرياضه ع طول