تقديم مباراة || الزمالك Vs الاهلي || نهائي كاس مصر 2015

[محمود الصاروخ]

السلام عليكم ورحمة الله وبركاته
أهلا بكم فى موضوع تحليل و تقديم المباريات
ولكن هذه المباراه تجمع بين بطل الدوري المصري وبين الوصيف !

اهلا بكم معانا في تقديم مباراه
الزمالك و الاهلي
مباراة نهائي كاس مصر موسم 2014/15



بالفعل ينتظر عشاق ومتابعين كرة القدم المصريه موعد مباراة نهائي كاس مصر 2015
تجمع المباراه النهائيه بين نادي الزمالك المتأهل رسميا بعد ان عبر نادي سموحه في نصف النهائي وبين النادي الاهلي المتأهل علي حساب بتروجيت !

المباراه ستكون الاولي بين الزمالك و الاهلي في نهائي الكاس
بعد مباراة القمه الشهيره عام 2007 حينما فاز النادي الاهلي
بنتيجة 4/3 في مباراه من اجمل مبارايات كرة القدم المصريه !

ويذكر بأن الزمالك يتأهل لنهائي الكاس للمره الرابعه علي التوالي
وهو حامل لقب الكاس لأخر موسمين
بينما النادي الاهلي يتأهل للنهائي بعد 10 سنين تقريبا !

( مناسبه اللقاء )
نهائي كاس مصر لـ موسم 2014/2015

( تاريخ و موعد اللقاء )
الاثنين 21 سبتمبر المقبل

( توقيت المباراه )
السابعه مساءا بتوقيت القاهرة

( القنوات الناقله )
قناة النيل للرياضه
قناة النهار رياضه
قناة الحياه





تقام المباراه على أرضية ستاد بترو سبورت بالقاهره الجديده



( اسم الملعب )
بترو سبورت

( الموقع )
التجمع الخامس - القاهرة - مصر

( سنة الافتتاح )
2006

( أرضية الملعب )
عشبيه

( المقاعد )
25 الف متفرج







نادي الزمالك للالعاب الرياضيه
تأسس عام 1991

نادي رياضي واجتماعي يعتبر أحد أقدم الانديه المصريه والعربيه
توجد به 22 لعبة رياضيه ولكن ما يميز النادي فريق كرة القدم

والذي فاز ببطولة دوري أبطال أفريقيا خمسة مرات
وتمكن من الفوز ببطولة أفريقيا للأندية أبطال الكؤوس مره واحده
كما فاز بكأس السوبر الأفريقيه لثلاثة مرات

( ابرز نجوم الزمالك )







حيث يمتلك نادي الزمالك مجموعه من أبرز نجوم كرة القدم المصريه !

( مدرب نادي الزمالك )
المدرب البرتغالى جوسفالدو فيريرا



سبق لفيريرا تدريب العديد من الأنديه القويه أبرزها نادى بنفيكا موسم 2002
ونادى سبورتينج براغا خلال الفترة من 2003 حتى 2006

ونادى بوافيستا عام 2006 ونادى بورتو خلال الفترة من 2006 حتى
2010 ونادى مالجا الأسبانى عام 2010

ونادى باناثانيكوس اليونانى خلال الفترة من 2010 حتى
2012 ونادى سبورتينج لشبونة البرتغالى عام 2013
وأخيرا نادى سبورتينج براغا موسم 2013/2014

( رئيس نادي الزمالك )
المستشار مرتضي منصور




محامي مصري تولى منصب نائب رئيس مجلس إدارة نادي الزمالك
في عهد رئاسة الدكتور كمال درويش ثم تولى منصب رئيس مجلس إدارة نادي الزمالك

وألتحق مرتضي بكلية الحقوق وتفوق فيها أول مناصبه بعد التخرج من كلية الحقوق تعين بالقضاء وعين وكيل نيابة بمدينة الإسماعيليه
وهو الأن رئيس لنادي الزمالك

( الزي الرسمي لنادي الزمالك )
باللون الابيض









النادي الأهلي للرياضة البدنيه
تأسس عام 1907

نادي رياضي مصري ويعتبر أكبر الأندية المصرية العربية الأفريقيه شهره
حصل بطولة دوري أبطال إفريقيا ثمانية مرات آخرها في العاشر من نوفمبر 2013

( ابرز نجوم الاهلي )





ويمتلك أيضا النادي الاهلي مجموعه من أقوي اللاعبين في الكره المصريه !

( مدرب النادي الاهلي )
كما يلقبه جماهير الاهلي بالسير فتحي مبروك !



المدير الفني للفريق الاول بالنادي الاهلي و لاعب خط الوسط المصري لكرة القدم سابقا الذي لعب لمصر في كأس الأمم الأفريقية 1980 من الأمم كما لعب لنادي الأهلي

انضم فتحى مبروك الى النادى الاهلى وهو فى سن التاسعة من عمره
بعدها اصبح احد نجوم الفريق الاول للنادى الاهلى ومنتخب مصر
كان يلعب فتحى مبروك فى مركز المدافع الايسر

( رئيس النادي الاهلي )
المهندس محمود طاهر



رئيس النادي الأهلي المصري رقم 14 بعد تفوقه على منافسه إبراهيم المعلم
ووقوف حسن حمدى ضده في الانتخابات

( الزي الرسمي للنادي الاهلي )
باللون الاحمر








( مشوار نادي الزمالك في البطوله )

- استطاع نادي الزمالك أن يفوز علي حساب نادي حرس الحدود في
منافسات دور السته عشر بنتيجة ثلاثة أهداف لهدف

- ثم فاز علي نادي الاتحاد السكندري بركلات الترجيح
في دور الثمانيه بعد انتهاء المباراة بالتعادل السلبي

- وهي نفس نتيجة مباراته امام سموحة في الدور قبل النهائي
ليواجه الاهلي في نهائي البطوله

( مشوار النادي الاهلي في البطوله )

- انهي الاهلي مشواره في البطوله بعد الفوز علي نادي الجونه
في تصفيات دور الستة عشر بنتيجة 13 هدف دون رد

- ثم الفوز علي حساب نظيره نادي اتحاد الشرطه
في منافسات دور الثمانيه بنتيجة خمسة اهداف دون رد

- واخيرا فوزه علي حساب نادي بتروجيت
في منافسات الدور قبل النهائي بنتيجة ثلاثة اهداف لهدف





سيكون ملعب بترو سبورت بالقاهره
مسرحا لـ لقاء نهائي كاس مصر 2015

حيث ينتظر هذا اللقاء الذي سيشهد مزيدا من الاثارة والنديه
الكثيرون من مشجعي الفريقين في مصر وخارجها

فلمن ستكون الغلبه !





1- ما توقعك لسير المباراه و النتيجه ؟

---

2- ماهي الاوراق الرابحه للفريقين برأيك ؟

---

3- كون مدرب و اختار التشكيل الافضل من وجهة نظرك ؟

---

4 - كلمه حره !



بالتوفيق للنادى الملكى
بالتوفيق للزمالك

خالص حبى
محمود الصاروخ

[۩۩ elMagic ۩۩]

فل عليك ي معلم
تغطيه شامله
وان شاء الله نشوف ماتش كويس
وتكون امسية كرويه جميله
بخصوص الاوراق الرابحه
الزمالك كهربا
والاهلى رمضان صبحي
والتوقعات دي بكره بقآ هنشوفها بموضوع الجوايز ف اليوميات
تسلم للمجهود ي معلم (y)

[Stop Ana Eltop]

من حيث اللعب الزمالك هو الافضل والاقوى من جميع النواحى
فيريرا ذكى وشاطر بس مبروك امه دعياله
مش عارفه ليه الزمالك بيبقى قوى وبيجى قدام الاهلى ويقلب
يمكن معموله تعويذه

بس اتوقع انه الزمالك الى هيفوز المرادى من كتر التحفيل الى عليه
فرصه للزمالك انه يثبت انه قوى وانه عاد بالفعل

الاوراق الرابحه للزمالك كهربا وباسم وحمودى ومحمد ابراهيم تقريبا كل اوراق الزمالك رابحه
للاهلى منكن ايفونا ومؤمن زكريا وعمرو جمال

مش عارفه حتة التشكيل دى هسيبها للخبراء بتوع المنتدى بقن

كلمة حرة
يارب الزمالك يفوز عشان الاهلويه يعرفوا انه مفيش حد بيسيطر دايما
وانه مهما كان المنافس مش يستهونوا بيه ومسير كل حد يوصل

تسلم ع التغطية بقن

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ فل عليك ي معلم تغطيه شامله وان شاء الله نشوف ماتش كويس وتكون امسية كرويه جميله بخصوص الاوراق الرابحه الزمالك كهربا والاهلى رمضان صبحي والتوقعات دي بكره بقآ هنشوفها بموضوع الجوايز ف اليوميات تسلم للمجهود ي معلم (y)

حبيبي أماجيك منور الدنيا
نتمني ان نشاهد مباراه تليق بالفريقين !

[محمود الصاروخ]

اقتباس المشاركة الأصلية كتبت بواسطة stop ana eltop من حيث اللعب الزمالك هو الافضل والاقوى من جميع النواحى فيريرا ذكى وشاطر بس مبروك امه دعياله مش عارفه ليه الزمالك بيبقى قوى وبيجى قدام الاهلى ويقلب يمكن معموله تعويذه بس اتوقع انه الزمالك الى هيفوز المرادى من كتر التحفيل الى عليه فرصه للزمالك انه يثبت انه قوى وانه عاد بالفعل الاوراق الرابحه للزمالك كهربا وباسم وحمودى ومحمد ابراهيم تقريبا كل اوراق الزمالك رابحه للاهلى منكن ايفونا ومؤمن زكريا وعمرو جمال مش عارفه حتة التشكيل دى هسيبها للخبراء بتوع المنتدى بقن كلمة حرة يارب الزمالك يفوز عشان الاهلويه يعرفوا انه مفيش حد بيسيطر دايما وانه مهما كان المنافس مش يستهونوا بيه ومسير كل حد يوصل تسلم ع التغطية بقن

علي فكره فتحي مبروك مدرب محترم وله الاحترام ولكن !
بالنسبالي مدرب تقليدى جدا ومحفوظ جدا وخواف جدا فى نفس الوقت !
خطته معروفه توقيتات تغييراته معروفه تشكيله معروف حتى الـ 18 اللى هيختارهم معروفين !

لازم نبقى عاملين حسابنا ان مبروك هيلعب ماتشنا بتحفظ أكتر بكتير من أى ماتش تانى وعلي فكره فتحي مبروك هيلعب الماتش و هو مرعوب لإنه عارف و متأكد ان جماهير و إداره و لاعيبه الوصيف عايزين يمشوه و مستنيين له على غلطه !
و بالتالى لازم نستغل الضغط النفسى اللى علي مدرب الوصيف !

أول خطوه لازم فيريرا يعملها بإنه يستبعد اللاعيبه الثغرات فى الفريق
أو اللاعيبه اللى مش موفقين فى ماتشات الوصيف زى طلبه و توفيق و معروف

فتحي مبروك اخر مفاجأته انه يعمل زي ماتش الدوري ويلعب بشريف حازم مدافع تالت يعنى من الاخر مفاجأته بتبقي تحفظ لكن مش هتلاقي حاجه مختلفه على الورق

كل بالتوفيق لـ زمالكنا
منوراني بقن
^^

[Aya 7ekaya]

تغطيه ممتازة

انا ماليش اوى ف الكورة بس بتمنى الاهلى يكسب ^^

[محمود الصاروخ]

اقتباس المشاركة الأصلية كتبت بواسطة aya 7ekaya تغطيه ممتازة انا ماليش اوى ف الكورة بس بتمنى الاهلى يكسب ^^

اهلاويه بس مليش ف الكوره او اهلاوي بس مليش ف الكوره
وهو ده حال كل مشجعين الاهلي

نورتي أيوش
^^

[phalsteen]

انا قلبا وقالبا زملكاويه
ويارب يكون الاتنين يوم سعيد ع كل جمهور الزمالك
تسلم محمود

[العندليب الاسـمر]

بصراحة عاجبني تقديمك للمباراة

شغل جامد جدا ما شاء الله عليك يا محمود

انا كنت كروي سابق وما زلت رغم عمري بلعب كورة

لكن بصراحة من بعد الثورة وجاتني عقدة نفسية

بلعب لكن معدتش بشجع حد يمكن الوحيد اللي لسة بيقنعني من بعد ابو تريكة هوة محمد صلاح غير كدة مش شايف حد فلتة

من خلال الاخبار اللي بسمعها الزمالك في افضل فتراتة

وكل المؤشرات بتشاور انه له الكعب العالي كلعيبة وكجهاز وكامكانيات

وعن نفسي رغم اني بكره مرتضي منصور ومبحبش الزمالك يكسب عشانة

لكن بجد بتمناه يكسب لان جه الوقت اللي يتكسر فية انف الاهلي واحتكار للبطولات سنين طويلة بسياسة تصقيع اللعيبة اللي كان بيعملها اللعيبة اللي مش محتاجة بيخنقة علشان مش فريق تاني يستفيد بيه

متهيالي افضل ورقة عند الزمالك الفنان ايمن حفني

واهم ورقة عند الاهلي اللعب الجماعي مفيش حد نجم

بس كلمة في ودنك

اخر مرة فاز الاهلي بالبطولة في 2007 يعني من 8 سنين مش 10

انتة حاطط لية في ابرز نجوم الزمالك 6 والاهلي 4

في التقديم المفروض انك محايد يا جميل يعني السطرين الاخاري دول خارج السياق

تحياتي وتمنياتي بمباراة جيدة ايا كان الفائز