مبروك : حزين لخسارة الكأس .. ولدينا فرصة للتعويض في السوبر والكونفدرالية

[فداااااااااااء]

مبروك : حزين لخسارة الكأس .. ولدينا فرصة للتعويض في السوبر والكونفدرالية

قال الكابتن فتحي مبروك المدير الفني للفريق الأول لكرة القدم بالنادي
الأهلي أنه حزين لخسارة لقب كأس مصر ، فيما أرجع ذلك الى عدد من

الأخطاء الدفاعية وغياب عدد من عناصر الخبرة في الفريق.
وأوضح مبروك أن الفريق تأثر سلباً بغياب حسام غالي عن وسط الملعب

، فيما إفتقد الشق الهجومي لقدرات وليد سليمان ، بالإضافة الى
غياب التوفيق في إنهاء بعض الهجمات التي لاحت للفريق.
وأضاف المدير الفنى للأهلى أن الفريق سعى في الشوط الثاني الى تدراك

الأخطاء من خلال الدفع بعدد من العناصر الهجومية ، إلا ان التوفيق

غاب عن كرة محمد حمدي زكي التي ارتدت من القائم
وأشار مبروك الى ان الفريق يملك فرصة لمصالحة الجماهير من خلال

الفوز بلقبي السوبر والكونفدرالية ، وأن خسارة بطولة ليست نهاية

المطاف ، وأن تركيز الجميع منصب الان على مباراة أورلاندو بيراتس في

نصف نهائي الكونفدرالية.

[محمود الصاروخ]

كان نفس التصريح تقريبا بعد الدوري وانه هياخد الكاس !
فتحي مبروك اتعرف الفتره الاخيره بـ فتحي تصريحات


السوبر اولا زملكاوي ان شاء الله
هنستناك ياعم فتحي فيما هو قادم
وبينا وبينك الملعب !

[ندوشه 2011]

الخساره ملحوقه يعوض ان شاء الله التوفيق للجميع

[فداااااااااااء]

اقتباس المشاركة الأصلية كتبت بواسطة مـح ـ الصاروخ ـمود كان نفس التصريح تقريبا بعد الدوري وانه هياخد الكاس ! فتحي مبروك اتعرف الفتره الاخيره بـ فتحي تصريحات السوبر اولا زملكاوي ان شاء الله هنستناك ياعم فتحي فيما هو قادم وبينا وبينك الملعب !

طيب نهدى شوى دا انتو لسة بتشمو نفسكو بعد سنين عجاف

الله يرحم

أن شاء الفوز لينا كفاية عليكم لحد كدا احنا محبناش نزعلكوا علشان داخلين على العيد


نورت اخى محمود الطرح

[فداااااااااااء]

اقتباس المشاركة الأصلية كتبت بواسطة ندي2011 الخساره ملحوقه يعوض ان شاء الله التوفيق للجميع

إن شاء هنعوضها الاسد بينام شوى لكن بيفضل اسد

نورتى ندى الطرح

[محمود الصاروخ]

اقتباس المشاركة الأصلية كتبت بواسطة فداااااااااااء طيب نهدى شوى دا انتو لسة بتشمو نفسكو بعد سنين عجاف الله يرحم أن شاء الفوز لينا كفاية عليكم لحد كدا احنا محبناش نزعلكوا علشان داخلين على العيد نورت اخى محمود الطرح

يا الله ! انا بقول رأي بناءا علي اللي شايفه
افتكر ان من اول اختبار حقيقي لـ فتحي مبروك وعلي بطوله فشل فيها !
وافتكر كمان ان ده كان كلامكو بعد الدوري !!

اعلمي اختي بان كأس مصر الاخير الزمالك فاز بيه للمره التالته ع التوالي
افهم من كلام حضرتك انك سبتي الماتش للزمالك عشان متزعلوناش
يعني كان ف ايد الكابتن فتحي انه يقلب الماتش ف ثانيه
وقال سيبهم يكسبو يعني ولا ايه ؟!


انا مبكلمش ع النادي الاهلي عموما انا بتكلم ع البطولات اللي جايه
الزمالك يمتلك مجموعه لاعيبه بتلعب علي بطولات أيا كان مين المنافس !

وافتكر اننا من بدايه الموسم قولنا جمله اكيد حضرتك عرفاها
صنعنا فريق من أجل حصد البطولات مش من أجل المبارايات !

وبالفعل من اول الموسم حصدنا الدوري وسمعنا منكو انها بطوله وكفايه كده
وانكو راجعين ف الكاس ! واخيرا ده كان حالكو ف الكاس

انا اللي شايف انكو تسيبكو من التصريحات و الكلام ده شويه
ولا اقولك استمرو علي كلامكو استمرو

[فداااااااااااء]

ههههههه طيب ما احنا عارفين انكم ليكم تلات سنين بتاخدو الكأس

انا بتكلم عن جمع الاتنين الدورى والكأس انتو ليكم سنين عجاف

اما عن المبارة اظن ان الاهلى كان مستحوز الشوط التانى ولولا ان الاهل فيه غياب اثرت فيه كان الشوط ليها شكل تانى

بس بس انتو فرحانين علشان اولى سنة حصد الاتنين طيب استنوا لما تثبتوا بعد كدا

اما فريق الانتصارات سمعنا عنه كتير وهو جات معاكم غير السنة دى يا عم اتكلو على الله

والايام مابينا لسة قادمة

معلش اتاخرت فى الرد المغرب بقى والفطار

كل سنة وانت طيب

[محمود الصاروخ]

اقتباس المشاركة الأصلية كتبت بواسطة فداااااااااااء ههههههه طيب ما احنا عارفين انكم ليكم تلات سنين بتاخدو الكأس انا بتكلم عن جمع الاتنين الدورى والكأس انتو ليكم سنين عجاف اما عن المبارة اظن ان الاهلى كان مستحوز الشوط التانى ولولا ان الاهل فيه غياب اثرت فيه كان الشوط ليها شكل تانى بس بس انتو فرحانين علشان اولى سنة حصد الاتنين طيب استنوا لما تثبتوا بعد كدا اما فريق الانتصارات سمعنا عنه كتير وهو جات معاكم غير السنة دى يا عم اتكلو على الله والايام مابينا لسة قادمة معلش اتاخرت فى الرد المغرب بقى والفطار كل سنة وانت طيب

الاهلي كان مسيطر الشوط التاني ! والشوط التاني كان شكل تاني !
معني كلام حضرتك ان الاهلي كان اعلي من الزمالك فنيا و تكتيكيا الشوط التاني !
مع ان حضرتك لو بصيتي وقراتي الماتش صح بما انك مشرفه قسم رياضه يعني
الكلام ده مبيأكلش عيش المفروض ان حضرتك بيكون في حاجه اسمها
تحليل تكتيكي للمباراه !

الزمالك كان ثابت في الملعب و الثبات كان نتيجة الإلتزام بتعليمات المدرب
فنيا الزمالك يملك لاعبين مهاريين و حركيين بطريقه رائعه
حفني لاعب تقدر تعتمد عليه في الوقوف علي اللعب و توزيع اللعب و كسب الأخطاء
كهربا أيضا لاعب مميز جدا ولا شك في ذلك !

دفاع الزمالك لأول كأني أري فريق ميلان في عزه دفاع إيطالي منظم جدا و كوفي و طلبه كانوا جيدين جدا !

أفتكر حضرتك ان حاليا الزمالك هو بطل مصر عن جداره
الزمالك اثبت للجميع انه يمتلك تيم مختلف تماما !

اختي هرجع و اقولك انا بتكلم ع البطولات اللي جايه بناءا ع اللي شايفه من فريقي
وزي مانتي بتقولي ده موسم من بعد سنين عجاف !
ونحن لم نحرر الاقصي ولم نفتح الحجاز
نحن فقط لعبنا علي أرض الواقع وفوزنا بأطول بطوله دوري في التاريخ بل في العالم !
وأكدنا اننا نستحق الموسم عن جداره واننا ابطال مصر عن جداره
ونحتفل بما يرضي طموحاتنا !

ولو حضرتك فاهمه كوره صح ومع احترامي !
هتلاقي برضه في المباراه ان الزمالك لعب بانضباط تكتيكي
مع العمل على مباغتة الخصم والهدف المبكر خلى الزمالك يلعب باتزان اكبر
الاهلي مكنش قدامو الا يهاجم وكاد يكلفه نتيجه تقيله و تقيله جدا !
وهو ده الطبيعي ف كره القدم !

واكيد حضرتك عارفه ان الدفاع القوي يحصد البطولات !
والهجوم القوي يحصد المبارايات فقط !

وشوفتي دفاع و هجوم الزمالك الموسم ده و تحديدا مباراه الكاس
وانا بحكم علي فريقي من خلال الزاويه دي لانها هامه جدا

التوفيق من عندالله وروح الحب التي أراها بين اللاعبين
هي السبب الاساسي اللي تخليني اقولك الزمالك يمتلك تيم قوي جدا
ومستنيكو فيما هو قادم


الزمالك الان هو بطل مصر عن جداره

[فداااااااااااء]

عمالين نقول من الصبح روح رياضية واظاهر روح الرياضية دى طلعت لبارئها

يعنى انا بقول ان الاهلى عانى من غيابات مؤثرة له فى الماتش وانه كان مستحوز بشكل كبير ما اتكلمتش يا عم على الزمالك اللى الشوط التانى اتحول كتلة دفاع من الخوف
على العموم
لما نشوف التكتيكى دا هيعمل ايه فى تونس

مبروك من قلبي مش اوى يعنى

اما اشرافى على الرياضة الله يسامح المفترى اللى حطنى هنا

[محمود الصاروخ]

اقتباس المشاركة الأصلية كتبت بواسطة فداااااااااااء عمالين نقول من الصبح روح رياضية واظاهر روح الرياضية دى طلعت لبارئها يعنى انا بقول ان الاهلى عانى من غيابات مؤثرة له فى الماتش وانه كان مستحوز بشكل كبير ما اتكلمتش يا عم على الزمالك اللى الشوط التانى اتحول كتلة دفاع من الخوف على العموم لما نشوف التكتيكى دا هيعمل ايه فى تونس مبروك من قلبي مش اوى يعنى اما اشرافى على الرياضة الله يسامح المفترى اللى حطنى هنا

مش قادر افهمك برضه !
الاهلي عاني من غيابات في الماتش ده ولكن ده كله مع احترامي ل الكابتن فتحي مبروك انا شخصيا بحترمه ولكن ماحدث هو غباء مدرب وليست غيابات !
تحبي اعدلك غيابات الزمالك في المباراه الاولي في الدوري !

وبرضه مصممه ان الزمالك اتحول كتله دفاعيه من الخوف !
طب دليل كلامك ايه ؟ الاهلي كان هجماته تكمل لحد خط الـ 18
يا يشوط من بره يا الكوره تطلع بره ! مفيش هجمه بتكمل
بمعني اصح جنش كان بيستلم الكوره علي صدره

الزمالك يا ست الكل اخد اللي هو عايزه من المباراه من الشوط الاول !
الزمالك لو كان فتح الملعب الشوط التاني كانت النتيجه هتكون تسجيل
هدف اول للاهلي و هتفتح بعد كده ! ولكن كل ده تفكير و فكر مدرب
المفروض يعني تكوني فاهمه الكلام ده !!!!

بصي اختي من الاخر الزمالك كان هادئ و واثق
وبيلعب بأريحية كبيره و بدون ضغوط لذلك فاز !

أما موضوع تونس !
أعتقد ان حضرتك عندكو معاد اولا في جنوب افريقيا
مع الفريق الاوروبي الذي يلعب كره قدم هجوميه وسريعه بعيد عن الماتش الاخير ليهم !
انتم علي معاد من أورلاندو الاوروبي ! هل انتم مستعدون ؟
ولا هتكون البطوله السادسه اللي هتخرجو منها الموسم ده ؟

اما نحن علي موعد مع أحد المدارس التونسيه !
نحن نعلم تماما حجم النجم الرياضي الساحلي لان انا مشجع تونسي برضه
مشجع افريقي زملكاوي ! ولكن كلي ثقه في أبطال مصر انهم يرفعو راسنا
البطل لا يخاف من احد !

اما بخصوص مبروك من قلبك بس مش أوي !
ف ده شيء طبيعي ان جمهور الوصيف عمره ما هيتمني الخير لينا !
مش جديده يعني ..

وموضوع اشرافك ع الرياضه انا بهزر معاكي علي فكره
وكنت برخم علي محمود دايما هنا !
مش انتي بس يعني


ده حتي اسلوب حضرتك عاجبي و ع الاقل بتتناقشي ف القسم
انما محمود كان يكتب الخبر وعلي كده ومفيش نقاشل


كويس ان جابولي حد اتناقش معاه عشان محسش
ان لوحدي