اكس لارج

[phalsteen]

مساء الخير
انا لاقيت العنوان دا انسب عنوان مختصر للي هتكلم فيه
انا مريت بمرحله الاكس لارج دي 3 مرات
ويمكن مش انا وحدي لان اغلب البنات بتتعرض للموقف اللي زي دا
بس هنا هتكلم عن فرق بعد وقبل
الاول انا قصيرة يعني مشكلتي مضاعفه اقل زيادة في الوزن بتعتبر كارثه بكل المقاييس خصوصا اني من الناس اللي بتحب الاهتمام بالشكل والمنظر وبتكره
احساسها بعدم الثقه وعدم الراحه او اصلا التغيير للأسوأ

المرحله الاولي

الاعدادي

مرحله الاعدادية دي كنت لسه في بدايه مرحله المرهقه
وفجأة لاقيت وزني زاد بطريقه غريبه وحسيت بمعني كلمه انسه
وعشت المرحله بزيادة شوية خصوصا انا زيادة وزني ادتني سن اكبر
ودا طبعا اللي كانت تتمناه فتاه في سن المراهقه
زيادة وزني هنا مسببتليش اي مشكله بالعكس
كنت فرحانه جدا
لحد ما لاقيت نفسي في مرحله بشعه وهي نظرا لاني من الشرقيه
كان بيتقدملي ناس علي اني طالبه جامعيه
وهنا ادخلت ماما وعرفت هنا معني الدايت
وعشان تساعدني قررت تشاركني كنوع من التشجيع
وانتهت الفترة ونهايتها اثرت فيا طبعا واتعلمت منها كتير وكتير
علي الاقل فهمت بعدها انها مرحله طبيعيه بتعدي ع كل البنات

المـــــــــرحله الثانيه
الحمل

الكل اتوقع اني بعد الجواز اني هبقي كلبوظه
لكني خالفت كل التوقعات بالعكس ونزلت كمان بعد الفرح
بس سرعان ما ابتديت مرحله جديدة مع السمنه وبقيت في ظرف كام شهر
شبه الكورة الكفر بالظبط
كان صعب اتحرك وكنت بعاني من اكتئاب حاد
وقدرت بعدها بفترة بفضل ارادتي اني انجح رغم الصعوبة الكبيرة
لكني رجعت بعد الولادة افضل ما كنت
وكمان وصلت لوزني المثالي

المرحله الثالثــــــــــه
من بس 3 شهور



رغم ان مكنش في سبب معين لزيادة وزني الا اني كنت وصلت لدرجه
عدت كل المراحل اللي فاتت
ودايما كنت افتكر نفسي باشورايا راي بعد الولادة لما تخنت فجأه
والهنود شبهوها بصوت الفيل هههه
كان بيجيلي كابوس يومي بسبب كدة
بس الحمد لله حاليا اتخلصت من وزني الزايد
ولسه علي ارادتي لحد ما اوصل لوزني المثالي
ان شاء الله

اخيـــــــــــــرا

هاجس الخوف قبل اتخاذ قرار تنظيم حياتك
هو اصعب مرحله في حياتك
واهم
الدايت مش نظام غذائي قد ما هو قرار تنظيمي
بس انك تقرر تبعد عن كل العادات الغلط
عند دكتور العلاج الطبيعي قابلت حالات كتير في واحدة فيهم
عمرها حاجة وستين سنه
وانا بكلمها استغربت وسئلتها انتي ليه يا امي بتخسي
وكانت المفاجأة انها عندها دهون تعوق عمل عمليه معينه
عشان الدكتور يوافق يعملها لها لازم تتخلص من حوالي 18 كيلو
او ازيد
وبرضو لاقيت اللي جايه تخس 5 كيلو عشان جوزها حالف يطلقها
واللي جايه تزيد وتتخن عشان ماماتها ع اعتقاد انها مش هتتجوز طول مهي رفيعه

بس برضو لسه مستغربه رغم ان منر الرجل بيكون ابشع بالكرش او خلافه
عمره ما بيفكر يخس طبعا الا حالات نادرة جدا
وتلاقيه كمان مخنوق من مراته وبشتكي انها تخنت
ولا واخد باله انه بقي شبه سيد قشطه ولا اي حاجة
وكأن الرجال ملايكه غير مسموح باي عيب ظاهري فيهم

همسه :

اصراري علي تنظيم حياتك
او علي تغيير شكلك واسلوب حياتك
لازم يكون منك انتي وليكي انتي
عايزة تخسي فدا لكي او عشان سبب يخصك
ثقتك بنفسك من جواكي مش بنظرة ولا كلام حد
جمال البنت داخلي مش ظاهري
زي ما الرجوله مش بالشكل
برضو البنات مش بالشكل
احتفظي بجمالك لنفسك

اوعي تنسي انك مهما كنتي جميله
غيري جمالك بطريقتك انتي
حسب ذوقك وايمانك بنفسك
مش حسب رؤية مريضه مهما كانت

انتي جميله بقلبك وبايمانك وبضحكتك

[Aya 7ekaya]

احلى حاجة الكلمتين اللى قولتيهم ف الاخر

انا بقا لحد دلوقتى طول عمرى رفيعه ولانى مش قصيرة ومش طويله وسط بس لانى رفيعه يبان طولى


الفترة الاخيرة تخنت شوية بحيث يتقال يعنى انى اتعدلت والحمد لله وماتتصوريش سعادتى الحمد لله وقررت انى ماكلش كتير علشان احافظ على وزنى كده وماتخنش

[حلم عمري]

انا بردو في اول السنة اللي فاتت كنت باكل كتير اوي فتخنت شوية
بس في اخر السنة كانت الثانوية قضت عليا وخسيت خالص
بس كنت فرحانة عشان لما جيت اشتري لبس لقيت كله مظبوط عليا وبجيب اللي انا عايزاه
دلوقتي لما قعدت في الاجازة تخنت شوية وبعدين رجعت خسيت تاني
بس بما اني في دراسة وبمشي كتير مش بقلق ع نفسي لان المشي دا بيظبط كل حاجة الصراحة

تسلمي بقا ع الكلمتين الحلوين اللي في الاخر دول ^^

[محمود الصاروخ]

شكلك فرحانه بفوز زمالكنا لحد النهارده ..
رد ملوش علاقه بالموضوع بس قولت أكتبه

[ساحر الأحزان]

دة كلة اكس لارج

ولا شجرة جميز

هو المحافظة على القوام شىء جميل

سوء للرجل او المرأة


افضل من الكسل والاهمال

الى بيتبعة مشاكل كتير

[phalsteen]

اقتباس المشاركة الأصلية كتبت بواسطة aya 7ekaya احلى حاجة الكلمتين اللى قولتيهم ف الاخر انا بقا لحد دلوقتى طول عمرى رفيعه ولانى مش قصيرة ومش طويله وسط بس لانى رفيعه يبان طولى الفترة الاخيرة تخنت شوية بحيث يتقال يعنى انى اتعدلت والحمد لله وماتتصوريش سعادتى الحمد لله وقررت انى ماكلش كتير علشان احافظ على وزنى كده وماتخنش

ايوة تنظيم الاكل هيساعدك
طالما وصلتي اللي مفرحك
يارب دايما مبسوطه بئه

[phalsteen]

اقتباس المشاركة الأصلية كتبت بواسطة ساحر الأحزان دة كلة اكس لارج ولا شجرة جميز هو المحافظة على القوام شىء جميل سوء للرجل او المرأة افضل من الكسل والاهمال الى بيتبعة مشاكل كتير

اها اكيد
نورت ساحر الاحزان

[phalsteen]

اقتباس المشاركة الأصلية كتبت بواسطة مـح ـ الصاروخ ـمود شكلك فرحانه بفوز زمالكنا لحد النهارده .. رد ملوش علاقه بالموضوع بس قولت أكتبه

اه والله يا محمود
فرحانه جدا
ويارب دايما كدة مبسوطين

[phalsteen]

اقتباس المشاركة الأصلية كتبت بواسطة حلم عمري انا بردو في اول السنة اللي فاتت كنت باكل كتير اوي فتخنت شوية بس في اخر السنة كانت الثانوية قضت عليا وخسيت خالص بس كنت فرحانة عشان لما جيت اشتري لبس لقيت كله مظبوط عليا وبجيب اللي انا عايزاه دلوقتي لما قعدت في الاجازة تخنت شوية وبعدين رجعت خسيت تاني بس بما اني في دراسة وبمشي كتير مش بقلق ع نفسي لان المشي دا بيظبط كل حاجة الصراحة تسلمي بقا ع الكلمتين الحلوين اللي في الاخر دول ^^

اها المشي مفعوله سحري
حتي لو عكيتي بيظبط الدنيا
هو الكسل والقعده اللي مشكله
مبروك الجاامعه يا دوك

[حـيـــــآة ❤]

ههه انتي عارفه يا ساره في ناس عايزه تتخن
وناس عايزه تخس وكله مش عاجبه حاله..
انا فترة اقامتي ف السعوديه كنت مربربه وانا وسط برده مش طويله ولاقصيره
اما جيت مصر وزني نزل بطريقه مرضيه
بقيت اقول عايزه اتخن
يعني عامة محدش بيعجبه حاله..
وجميل التصميم للوصل الى هدفك المعين
فضفضه جميله