درس عمل كرة بلياردو

Mind language · منذ /09-25-2015, 12:20 AM

السلام عليكم ورحمة الله وبركاته

انهارده هعلمكم طريقة عمل كره بلياردو

بالصور تابعوا معايه وركزوا فى كل خطوة

1- افتح عمل جديد على الفوتوشوب بالمواصفات والمقاسات
اللى فى الصوره .

2- اختر اداة التحديد الدائرية زى ما موجود فى الصوره

3-افتح لير جديد وارسم فيه دائره كما فى الشكل

4-اختر درجة من اللون الاحمر زى ماتحب كما فى الصوره ولو
حابين الدرجة بالظبط الكود بتاعها من تحت ff0000

5- املى الدائرة بالون الاحمر بالضغط على Alt+Delete

6- قم بعمل لير جديد واختر اللون الاسود الدرجة اللى تحبها
واضغط على Alt+Delete

7- قم بعمل لير جديد واضغط على Ctrl+Delete ليتم اختيار اللون
الاسفل وهو الابيض كما فى الصوره

8- اخفى العين عن الكوره الابيض وخاليك اكتف على الصوره السوداء
كما فى الصوره

9-قم باختيار أداة التحديد الدائرية كما فى الصوره

10-قم برسم شكل بيضاوى اعلى الكوره السوداء كما فى الصوره

11- اضغط على Shift+F6 هيظهرلك اخيتار كما فى الصوره اختر
50بيكسل واضغط اوك

12-اضغط على Delete حتى يتم التوصل الى درجة تدريج
عينك بترتاح ليه حسب حرية الاختيار كل ما تضغط كل ما
التدريج بيقل حسب الاخيتار

13-خليك اكتف على اللير بتاع الكوره البيضاء كما فى الصوره

14-هنكرر نفس خطوات التدريج مع الكوره البيضاء هنعمل ليها
تحديد على شكل بيضاوى كما فى الصوره ونختار Shift+F6
50 بيكسل تم نضغط اوك ثم نضغط على Delete وبردوا
حسب نظرة كل واحد فى تدريج اللون اضغط عليها حتى
يتم التوصل الى التدريج المطلوب بس الفرق انى التحديد
هنا هبكون من اسفل الكوره كما فى الصوره

ودى نتيجة التدريج اللى انا اخترتها

15-هنكرر اللير بتاع الكوره البيضاء بالضغط على اللير كليك
يمين واختيار تكرار اللير كما فى الصوره او الضغط على
Ctrl +j اختصار لتكرار اللير

16-هنقف عند اللير اللى كررناه ونضغط على Ctrl+tعلشان
نعمله ترنس فورم ونقدر نحركه هندخله شوية من على اليمين
ومن على الشمال وشوية من الاسفل

ودى النتيجة بتاعته

17-هنرجع نختار اداة التحديد بس المره دى المربعه ونعمل
بيها مربع على الدائره بالشكل ده

18- هنعمل لير جديد ونعبى لون المربع باللون الابيض او نضغط على
Ctrl+Delete بعد كدا هنعمل مستطيل تانى من داخل المربع
ثم نضغط على Ctrl+x ليتم قص الجزء المحدد

19- نقص جزء بالطول وجزء تانى بالعرض كما فى الصورتين

ودى النتيجة بتاعته

20- هتحرك الشكل وتخليه بالزاويه دى زى ما موجود فى الصوره
وتصغر المربعات

21- هنجيب تانى أداة التحديد ونعمل شكل دائره على المربعات اللى
عملناها زى ما موجود فى الشكل هنضغط على Shift+F6
ونختار 40 بيكسل ونضغط اوك وبعد كدا هنضغط Delete
وبردوا حسب ارتياح عينك لتدريج اضغط على Delete

ودى النتيجة بتاعته

22-نجيب اداة التحديد ونعمل دائرة صغيره ونعمل ليها لير جديد
ونملى اللير باللون الابيض بالضغط على Ctrl+Delete

23-هنعمل ليها تدرج فى اللون زى ماعملنا قبل كدا هنختار
اداة التحديد الدائريه ونعمل شكل بيضاوى ونضغط على Shift+F6
ثم نضغط على Delete لحد ما نوصل لتدرج عينك بترتاح ليه
لانى الحاجات دى وجهات نظر زى ما تحب انا اخترت
60بيكسل

ودى نتيجته عندى هتكرر اللير بتاع الكوره البيضاء وتعملهاترنس فورم
بالضغط على Ctrl+t وتسحبها من على اليمين والشمال والاسفل
زى ما عملنا فوق

ودى النتيجة بتاعته

24- اكتب الرقم اللى تحبه داخل الدائرة الصغيره زى ما موجود
فى الصوره

25- هنعمل لير جديد وتحت الصوره هنعمل باداة التحديد
شكل بيضاوى ونملى التحديد باللون الاسود زى مافى الصوره

25- هنختار الفلتر اللى موجود فى الصوره عشان ننعم
اضاءة الظل

26- هيظهر لينا الاختيار ده هتختار منه التدريج اللى
يريح عينك لاضاءة الظل كلها بردوا وجهات نظر

ودى نتيجته على حسب اختيارى انا لدرجة الفلتر

27- اخر خطوه هتحفظ العمل بصيغة png ودى النتيجة

ملحوظة هامه : اللى حابب يغير فى الOpacity بتاعت
الاضاءة بردوا زى ما تحب انا فيه حاجات غيرت فيها

سورى لو انى حجم الصور كبير بس لو كنت قصيت منهم
منكش هتكون الخطوات واضحه زى كدا اتمنى اكون وصلت
الدرس صح لو عجبكم الدرس طبقوه واى حد عنده استفسار
نحن هنا

اتمنى الدرس ينال اعجابكم