اسهلهالك

[طارق الجميل]

أســهلهالك

لما كان العشق فى القلوب وكانت بيه هيمانه؟
قد إيه كنت بعشقه . قد إيه كنت بفرح إنى الإنسانه.
إللى ماليا عليه دٌنيته .. هو فى بعد كلمة فرحانه؟
تعبير حتى لو بسيط ؟ لكن القلوب بالعشق مليانه.
ــــــــــــــــــــــــــــــــــــــــــــــــــ ــــــــ
لكن حبيبى ده طلع مش حبيبّ ! ووعوده كلها طلعت خيانه
وطلع بكام وش وانا اللى كنت فاكراه واحد ! كنت غلطانه.
وبرغم العشق قدرت ابعد عن دنيته ومن غير ماقول السبب قولتله سيبتهالك ومش ندمانه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
قابلنى وقال اموت لو بعدت عنك. قولتله قبلك قولتهالك .
قاللى مش فاهم. قولتله إيه الصعب فى كلمة مابحبكش وانا أسهلهالك !
ولا هو للكلمه معنى تانى ؟ قول واذا كان فيه أحاول انى افهمالك .
مابحبكش كلمه مش محتاجه شرح . ولا ليها معنى تانى كنت قولتهالك .
قال والحب قولتله اســكُت . هو عمر الكلمه دى خطرت فى بالك !
إنسى . ولا إنت اساسا ناسى دا ممكن ماتـكُنش عارف انه واحده واقفه قبالك !
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
عرفت ارد عليه واشوف نظرة لنكسار فـ عنيه وسألته قولتله مالك ؟
فين ردك وكلامك الجميل ؟ قولتله روح ومن قلبى دعيالك .
قال يعنى مفيش أمل ؟ قولتله تانى ! تانى أسـهلـهالك !
ـــــــــــــــــــــــــــــــ
الخميس 16/9/2010
طارق الجميل

[العاشق الذى لم يتب]

ورائعة هنانثرت مبدعناالجميل
كلمات عامية جميلة
ومشاعرك اجمل
سلمت ودمت بخير
مودتى

[راجعة لحبيبى]

ايهاالطارق لباب الجمال
وجميل انت حيث تنشدالروعه
كلماتك سهله وجميله
الله يسعدقلبك
لروحك السعاده
وبقات الجورى
دعنود

[ندوشه 2011]

الله عليك تسلم هو دا الكلام ولا بلاش عالم ما عندهاش دم

[جبل عالي]

اها والله صحيح ... أسهلهالك ؟؟
أسلوب جديد ياطارق في سرد قصة مشاعر
غير ناجحة
ماشاءالله عليك حتى الحوار مابين الإتنين
تسلم ايدك ياراقي
رائع فعلا كل التحية والتقدير

[big bốss]

متيم انت عزيزى

و لكن هى لا تبالى

قدمت الولاء و قابله الجفاء

تسلم ايدك يا طارق

[۩۩ elMagic ۩۩]

اختيار مميز لكلماتك
ابدعت اخي
دمت ودام نبض قلمك المميز

[فداااااااااااء]

معزوفة والله شدتنى بروعة الكلمة وسردها

رائع انت اخى طارق

قلم واحساس فوق الوصف

تسلم اناملك الحلوة

[طارق الجميل]

اقتباس المشاركة الأصلية كتبت بواسطة العاشق الذى لم يتب ورائعة هنانثرت مبدعناالجميل كلمات عامية جميلة ومشاعرك اجمل سلمت ودمت بخير مودتى

الاجمل هو مرورك الغالى والله وانا بس كانت قاصد
انى اقول ان الراجل بس مش هو اللى قوى فى بنات كمان
اقوى ولا تحبش انها تقبل الضعف اوترضى تنكسر حتى او للحب
اهلا بيك دائما اخى الغالى

[طارق الجميل]

اقتباس المشاركة الأصلية كتبت بواسطة راجعة لحبيبى ايهاالطارق لباب الجمال وجميل انت حيث تنشدالروعه كلماتك سهله وجميله الله يسعدقلبك لروحك السعاده وبقات الجورى دعنود

{ دعنود } والله دا ياترى اسمك الجميل ولا دى حاجه ممكن تقوليلى ايه معناها
انا بشكر مرورك الجميل وانا والله احب دايما البساطه فى كل شئ لانها ببساطه
اختصار لجمال روحنا وحياتنا اللى بسهوله بتكون اجمل مره تانيه بشكرك