مهم آتعلم وخد فكرة (آلآعضآء آلجدآد )

[ŌиĹч.Ḿё]

السلام عليكم ورحمه الله وبركاته

بصلى كده
ايوا انت ياللى بتقعد تبحث وتجيب معلومات و
تكتب فى الموضوع وتطلع عينك
وتبقى مبسوط اووووى ومستنى بكره عشان تلاقى
تشجيع
وردود وزوار كتيير
وفى الاخر تلاقى مفيش الكلام ده خاااالص

خلى بالك انت مش بتحط الموضوع لزياده المشاركات بس
انت بتحط الموضوع اكيد عشان تفيد الناس
وعشان تفيدهم لازم تخليهم يقروه
ازاااى ؟
هقوولك يا معلم



طبعا أول حاجه بتكمن فى عنوان موضوعك
العنوان لازم يكون ملفت يشد الانتباه ويكون
غريب مش معتاد

يعنى مش تحط عنوان تقليدى مثلا صور ورود
فى خمسين الف توبيك صور ورود ايه اللى يخلينى ادخل فيه اصلا
ممكن تحط اسم نوع الورد مثلا معاه كلمتين حلوين

2 - ميكنش العنوان غير متصل بالموضوع عشان
متفقدش مصداقيه الموضوع
مثلا تقولى صور لأجمل ياسمين
وادخل والاقيه نرجس اصلا


3 - مش هتحكى بقى قصه حياتك فى العنوان ياريت
يكون مختصر

الموضوع نفسه بقى

حاول تختصر موضوعك
متحطش موضوع طول الحيطه وطالب منى اقراه
ومتطولش فى مقدمه الموضوع

حاول تكتب الموضوع بأسلوبك حتى لو معلومه او خبر
عجبك وعايز تحطه
اكتبه بأسلوبك يعنى ابعد عن القص واللصق ده

خلى اسلوبك شيق وجديد

نيجى بقى لتانى حاجه

بص يا معلم انا عارف ان لب الموضوع هو المهم وكل حاجه
بس متزعلشى منى

لما الاقيك حاططلى الموضوع كله بخط واحد بلون واحد والسطر طويل
والكلام كده تحسه لازق فى بعضه
الرحمه حلوه برضه
ماهو يعنى مش هقدر اقراه كده

يعنى من رأيى يفضل انه

1 - يكون موضوعك مدعم بالصور لو قدرت

2 -الخط يكون مش كبير اوى ومش صغير اوى يتقرى
يعنى من غير صعوبه

3 - الناس بتلفتهم الالوان الجذابه قبل محتوى الموضوع
بس متخليش برضه الالوان تعمينا
يعنى متحطليش
فوسفورى واخضر فاقع وبمبى مسخسخ
والالوان الغريبه دى
الالوان تكون مريحه للعين ومتناسقه

4 - الاماكن المهمه فى موضوعك تنبهنا ليها
بتكبير الخط او تلوينه او تخطيطه

وأهم من كل ده
انك تحب الموضوع وتحب الناس اللى هتحطلهم الموضوع
يعنى حبه حبه

[۩۩ elMagic ۩۩]

كلام سليم
الله ينور ي معلم
تسلم بقآ للمجهود

[ŌиĹч.Ḿё]

متشكر ليك!
نورت يا آحمد ..

[جبل عالي]

صح الكلام وبجد الله ينور

[ŌиĹч.Ḿё]

شكرآ ليكى آمل !!
نورتى الموضوع ..

[Dr. AnOosHo]

بجد بجد عظمه على عظمه

نورت يفنددددددم القسم

[ŌиĹч.Ḿё]

ميرسى يا هنااا
نورك انتى اكيد ...

[دمعه حائره]

توبيك هايل ونصايح مهمه
والمنتدى كله بيرحب بكل الاعضاء الجدد
تسلم اخى ومنتحرمش من جديدك

[BaAnOtA 7eKayaa]

عينى وجعتنى ايه مش عارف تكبر الخط سنه

المهم نورت القسم

[سموحة كيوت]

شكرا عالمعلومات الحلوه
تحياتي سموحه