صدفه...

[SaMa.]

الصدفه ف حياتنا بشبهها بالحظ..
سعات يكون حلو وماشي ف صفك
سواء كان دراسه ولا شغل
موش قصدي نرمي كل حاجه ع الحظ ومنشتغلش
لكن الحظ بيلعب دور كبير ف حياتنا زي الصدفه بالظبط
ممكن موقف لو حاولت تظبطه انو يحصل
ميحصلش غير صدفه
وقتها بيوقف التفكير شويه هتتصرف ازاي...
ع قد اني بحب المفاجات وبتفرحني
لكن الصدفه سعات بتخليني معرفش اتصرف
وخصوصا لو شفت حد موش متوقعه اشوفو
او بقالي مدة مشفتوش
قد ايه بحس ان اتغيرنا..
كل حاجه وتحس بتتعرف عليهم من جديد
وتبدأ تفكر هما اتغيرو..
ولا انا الل نسيت كانو ازاي..
ي تري البعد والمسافات بتغير الناس
ولا هيا الدنيا كلها ع بعضها اتغيرت...
سعات بحس اني قديمة اوي وعاوزة الناس يفضلو زي ماهما...
لكن بشوف ان ليه ميكونش انا الل مفروض اتغير..
بتصرفو ازاي ف الصدفه...
وتفتكرو هيا اشارة لحاجه لازم تاخدو بالكو منها؟
يعني تبدأو تفكرو ف شكل علاقتكو بالناس
وكام حد اختفا من حياتكو
بتحاولو لو ف مناسبات تفتكرو ناس
كانو مهمين ف حياتكو وانشغلتو عنهم؟
ولا موش بتشغلكو الصدفه وبتعدي عادي
SaMa

[♥○ moOoOoOna ♥○]

اه ممكن الصدفه تكون كويسه
يعنى لو مثلاً قابلت واحده ماشوفتهاش من زمان وكانت علاقتنا سطحيه
ممكن تكون فرصه انها مثلاً تقرب منى اكتر من الاول
وممكن تعدى عادى
مش عارفه موضوع الصدف دا مش بيحصل معايا كتير

[۩۩ elMagic ۩۩]

الصدفه عجبتك او لاء
لو انت مقدر ليك تشوف شئ هتشوفه
زي مستقبلك وانك تقابل شخص مكنتش متوقع انك هتقابله مره تانيه
كل شئ يندرج تحت بند القدر .. تسلمي سما لفضفضتك
دمتى متميزه

[جنون قلب]

انــآ اقولكـ على حــآجه بسيطه خــآلص
لو الوآحد قعد يفكر فى حاجه طول الليل
شخص مثلآ . واشتــآق ليه
أو افتكر حجات وايـآم كـآنوآ سوآ فيها
ب التـأكيد فى الحلم هتلآقى طيف الشخص ده
ولو حتى مرور الكرآم
هنــآ بقى الصدفه
الشخص اللى بنقـآبله بعد فتره طويله اكيد كـآن
فى بعض التفكير نـآحيته
عشان كده شفنــآه ..
اللى بيتحكم فينــآ فى الوقت ده مش عقلنــآ
لآ الظروف اللى خلتنــآ نبعد
وفى نفس الوقت برضه .. المســآفــآت عمرهــآ ما غيرت
ب العكس دى ممكن تزيد الاشتيــآق


.
تعمدت الحديث معكـ ب العــآميه
لآن الموضوع يمس دوآخلنــآ
سيدتى تعمقتى فى هذه الفضفضه
دُمتى لنـآ ب ألف خير

[العاشق الذى لم يتب]

كلام جميل
سما
دنيا سبحان الله
له فى خلق شؤن
تسلم ايدك

[حـيـــــآة ❤]

الصدفه بتلعب دور مهم ف حياة الواحد
بس مش دايما
كل حياتي صدف عادي
فضفضفه جميله ي سمآ

[Lamees]

في صدف بتخليكي تكرهي نفسك وفي صدف بتحبيها
لأنك بتقابلي ناس ليهم ذكريات معاكِ وبترجع اول ما تشوفيهم
اوقات اروح مكان مكنتش مرتبه اني اروحله
وهناك بقابل ناس بفرح لما اشوفهم
وبحمد ربنا اني رحت هناك وشفت الناس دي

فضفضة جميلة سما
منورة المنتدى

[كريم*]

لو دورتى فى حياة اغلب الناس
هتلاقى الصدف الجميلة اكتر
واصلا علشان جمالها سموها صدفة
عبد الحليم غنى للصدف
وبنات كتار سمو نفسهم صدفة
وتلاقى ناس كتير تقولك الصدفة جمعتنا
او قابلتها فى مكان صدفة
لكنى بشوف انها اقدار ومكتوبة
اما البُعد والمسافات فأكيد بتغير
واحنا كمان بنغير والدنيا حوالينا بتتغير
كل الشكر اختى

[SaMa.]

ثانكس ع الردود ومعاكم حق ف كل كلمة...