يوم مع مشرف الرابعه(mind language)

[Dr. AnOosHo]

اهلا وسهلا بيكم في حلقه جديده من يوم مع مشرف بعد انقطاع فترة .. رجعنا من جديد ومعانا ضيفه تعتبر في عرف المصريين هاديه جدا .. في حالها جداااا ... عن نفسي ما عرفهاش خالص وعرفتها شويه من الحوار اللي دار بينا مش حطول عليكم ومعانا ومعاكم mind language ممكن تقبلي تكوني في استضافتي في يوم مع مشرف ؟ اكيد ياقمر طبعا اقبل اهلا بيكي معانا في برنامج يوم مع مشرف وشكرا جدا ليكي على قبول الاستضافه اهلا وسهلا بيكى يانوشه العفو في الاول ممكن نتعرف عليكي اسمك وسنك وكليتك او مهنتك اسمى أميرة شهيد سنى 22سنة حاصلة على ليسانس آداب فى اللغة التركية جارى البحث عن وظيفه كام ساعه بتقعديها على النت ؟ من 6ل7 متفرقة على مدار اليوم مين رشحك للاشراف وكنتي بتسعي لده ولا جات لوحدها لأ كنت بسعى ليه انا قديمة جداً فى قسم التنمية البشرية مسكت القسم من سنتين لتلاته خلالهم كنت بسيبه شوية بظروف وارجع تانى ليه ايه سبب اختيارك لقسم التنميه البشريه ؟؟ بحب جداً العبره اللى بيكتسبها كل شخص من قصة نجاح حد وكنت بحب اشوف الحاجات اللى بتركز على العقل وازاى اقدر استفاد من عقلى واشغله والتنمية البشرية اساس الكلام ده وبتركز على العقل ممكن نعرف ايه هي خططك الجايه لتنشيط القسم وشايفه ان في امل القسم ده ينشط ويكون عليه اقبال زي مبتتمني وكلنا بنتمنى ؟؟؟ للاسف من الصعب اتنبأ ب ده للقسم لانى محدش بقى يهتم بالتنمية البشرية زى زمان بس بقدر المستطاع بحاول اخلى فيه مسابقة تشغله او مسابقات تفاعليه عشان الناس تدخله وربنا يسهل ماشاء الله انتي مشتركه من 2010 ايه اللي شايفاه اتغير من يوم مشتركتي كعضوه لحد دلوقت وانتي مشرفه لأ الاجابه دى هتاخد مجلدات مش مجرد سطور حاجات كتير مبقتش زى زمان من نشاط اعضاء لتعاون اداره لتشجيع من المشرفين كل حاجه اتغيرت وللاسف بقى صعب ترجعها تانى وأنا من زمان فى الاشراف مش من دلوقتى بس زى ماقولت فى الاول كنت بسيبه لامتحانات او عطل نت أو ايام دراسة امتى ممكن تنسحبي من الاشراف؟؟ لما اجى امتحن للدبلومة التربوية هسيبه اليوم اللى بحس بيه بانى مش هقدر اكون قد المسئوليه فيه بسيبه لحد احسن يشغله مين العضو اللي شايفه انه يستاهل يكون مشرف قسم التنميه في حال انك انسحبتي من الاشراف وشايفه انه يقدر يحافظ على القسم ويطوره مش شايفة بصراحة اى عضو لانى القسم معلهوش اقبال من اساسه زى زمان من وجهه نظرك كمشرفه مين المشرف اللي ممكن نقول عليه مبتكر لا السؤال ده فيه تسويس شوية يانوشه ههههه مقدرش اقول عن اى حد فيهم كدا لانى انا متعاملتش مع اى حد فيهم كل واحد على حاله ليه بنشوف نشاطك مختصر بس جوا قسمك ونادر لما نشوفك في اي قسم تاني ؟؟ الاول اشغل قسمى بعد كدا افكر اشغل الباقى لانى مسئوليتى الاولى هى قسمى مش باقى المنتدى اظن الباقى عليه مشرفين وانا اغلب مواضيعى خارج قسمى فوتوشوب لذلك لما اتاحت ليه الفرصة امسكه اخدته مع التنمية انا ولمار mind language لو حبت تسلط الضوء على عضو شايفه انه يستاهل يكون مشرف ولسه الضوء مش مسلط عليه ويكون مشرف في انهي قسم مش شايفة حد والله يمكن عشان مش بركز مع الاعضاء شكرا جدا ليكي ... وفي اخر حوارنا وقبل ما اسيبك مع الاعضاء لان اعتقد عندهم اساله كتير ليكي العفو كل اللى جواه حاجه يطلعها نقد او اى حاجه انا بحب الاستفاده منكم ياريت توجههي رساله ليا ولمشرف زميل وللادارة بكل صراحه ...حيتم عرضها في اخر حلقه من البرنامج استنونا في اخر حلقه عشان تعرفوا اميرة قالت ايه شرفتيني ونورتيني واتمنى اسالتي تكون خفيفه عليكي دا نور الشاشه يانوشه تسلمى ياقمر اسئله خفيفه وجميله موفقه دائماً وده كان حوارنا مع المشرفه الهاديه اميرة اتمنى تكون الاستضافه عجبتكم واستنوني في حلقه جديده من يوم مع مشرف

[ساحر الأحزان]

معاكى لغة تركى

حظك حلو

ترجمى بقى تركى

وانتى تكسبى دهب

جميلة الحلقة نوشة

مع اميرة

موفقين

[دمعه حائره]

مرمر حبيبتى منوره والله مختاره قسم جميل وصعب وتمسكك بيه
بيدل على روح التحدى فيكى كمان موهوبه ماشاء الله فى الفوتو وشطارة
ربنا يوفقك واشوفك دايما ناجحه
وماتنيسش كورسات التركى اللى هاتديلهالى بقا
تسلمى نوشه على الاستضافه الجميله

[رآقيہ بأخلاقـى]

يعنى هترجمى لينا المسلسلات التركيه يا اميره
طيب كويس معانا مترجمه للغه التركيه نستغلها بقى
كنتى منورة اميرة وانتى انسانه محترمة وشخصيه جميله
ربنا يوفقك وتلاقى وظيفه انتى حباها
تسلمى ع الاختيار نوشه حبيبتى

[حـيـــــآة ❤]

اميره مميزه ف اقسام كتير ماشاء الله
مش بس قسمها..
استضافه جميله ي نوشه
الله يوفقكم
وياسيدي ع التركي

[Dr. AnOosHo]

اقتباس المشاركة الأصلية كتبت بواسطة ساحر الأحزان معاكى لغة تركى حظك حلو ترجمى بقى تركى وانتى تكسبى دهب جميلة الحلقة نوشة مع اميرة موفقين

الكل يتمنى المهم الفرصه تيجي هههههههه

نورت يساحر

[Dr. AnOosHo]

اقتباس المشاركة الأصلية كتبت بواسطة دمعه حائره مرمر حبيبتى منوره والله مختاره قسم جميل وصعب وتمسكك بيه بيدل على روح التحدى فيكى كمان موهوبه ماشاء الله فى الفوتو وشطارة ربنا يوفقك واشوفك دايما ناجحه وماتنيسش كورسات التركى اللى هاتديلهالى بقا تسلمى نوشه على الاستضافه الجميله

نورتي حبيبتي

[Dr. AnOosHo]

اقتباس المشاركة الأصلية كتبت بواسطة رآقيہ بأخلاقـى يعنى هترجمى لينا المسلسلات التركيه يا اميره طيب كويس معانا مترجمه للغه التركيه نستغلها بقى كنتى منورة اميرة وانتى انسانه محترمة وشخصيه جميله ربنا يوفقك وتلاقى وظيفه انتى حباها تسلمى ع الاختيار نوشه حبيبتى

حبيبه قلب نوشه نورتي يجميل

[Dr. AnOosHo]

اقتباس المشاركة الأصلية كتبت بواسطة ♥حيآة آلروح♥ اميره مميزه ف اقسام كتير ماشاء الله مش بس قسمها.. استضافه جميله ي نوشه الله يوفقكم وياسيدي ع التركي

حبيبتي ..... منورة