ياعينى عل الحبايب

[(طائر الشرق)]

يا عينى عل الحبايب لما يبقو متخاصمين وكــل واحــد فيهم يبقى عايش مهموم وحــزين تشوفهم تعرفهم مــن عيونهم تلقاهـــم سرحانين والكـــلام محبوس ما بينهم كأنهـم طفلين تيهين بيدورو على بعض وهما فى الحقيقة موجودين لكن الدنيا فى عيونهم غريبة بجد مش عـارفين ليه الخصام والهــم ليه نعيش بعــاد متفـرقــين وتصبح ألأيام من غير ملامح وقلوبنا موجوعين ونفضل ندور فــى الذكــريات أمتا كنا متجمعين أمتا فرحنا زى العشاق فوق فى السما مرفوعين كل يوم يمر علينا يقول اننا من الحب محرومين والشمس تحكى الف حكاية بتقول علينا متغربين رغـم القـرب بعـاد والأســم بين العشاق حبيبين أصل الخصام زى السجن اليوم فيه بيصبح سنين ويموت الورد ونعيش فى خريف للحياة كارهين عصام 29-9-2015

[phalsteen]

علي رأي الست
اهل الحب صحيح مساكين

جميله كلماتك اخي
كل الود
لروحك كل السعاده

[اندرسون]

وما ساقأضيكم امام الله بان

وصفتم تفاهاتكم بانها حب

[ندوشه 2011]

ايه يا معلم اللي انت كاتبه دا مش فاهمه وما ساقضيكم امام الله بان وصفتم تفاهتكم بانها حب مش فاهمه وضح.!؟

[(طائر الشرق)]

اقتباس المشاركة الأصلية كتبت بواسطة nefertiti علي رأي الست اهل الحب صحيح مساكين جميله كلماتك اخي كل الود لروحك كل السعاده

الجمال الحقيقى

فى مرورك من هنا أم حمنى

نورتى موضوعى

خالص دعواتى لشخصك

[دمعه حائره]

هو الحب كده لازم يمر بالمراحل دى
والخصام لما بيزيد بيبقا بايخ وبيدخل منه الجفا
كلمات جميله وبسيطه عبرت عن حال العاشيقين
تسلم اخى ويدوم التميز

[طارق الجميل]

هو فى احلى من خصام الاحبه انا بقول انه تجديد للحب
وكمان البعد فى المستقبل عن الاخطاء الحاصله وعدم تكرارها
ودايما كدا الاحبه يعرفوا مدى حبهم عن بعض فى محاولة كل
واحد فيهم مصالحة الاخر والتقرب اليه تسلم اخى عصام على
الطرح الرائع والكلمات الجميله المعبره دومت بكل الخير

[Dr. AnOosHo]

كلماتك حلوه استاذ عصام .. وطبيعي الاحباب لازم يتخاصموا ويرجعوا احسن من الاول

ساعات بفسر الزعل تجديد وكسر روتين هههههه
ما لو فضل الطرفين يحبوا وبس حيحسوا ببرود مشاعر .. اهو تجديد هههههههه

تسلم ايدك