جايـــــة متأخـــــر

[شاعر الحب الحزين]

وتفيـــد بإيــــه ضحكـــة وســط شـــلال دمــــوع

وهعمــل إيـــه ف راحــة وهميـــة لقلــب موجـوع

اكـدب عليكـي لـو قولتلـك واحشانـي

ما تنتظريش اني اخدك واضمك فأحضاني

متقوليش ما تتكلميش مش عايز اسمع ولا موضوع

انا كنت عايزك طول العمر وانتي عايزاني ساعة ف اسبوع

كنتي فين لما احتجتلك زمان ف ضعفي

لو هعاتبك مش هسكت وكلامي مش رح يكفي

انتي متأكدة إنك بتحبيني ولا الحب عندك شوية دباديب وشموع

باب الوفا اتقفل مفيش حياة للأمل محدش يرضى يعيش مخدوع

جاية متأخر آسف مش هقدر أكون أسير رحمتك

آن الأوان ننسى اللي كان واطوي صفحة وهم محبتك

اتعلمي معنى الارتباط انا مش بلعب احتياط يا بلعب أساسي يا تنسي الموضوع

واللي شايفه إنها لعبة هتبقى طويلة جدا وصعبة لو فتحت ليها باب الرجـــوع

على عيني اسامحك وانسى جرحك ف غمضة عين

بس الحب علمني إن اللي يغلط مرة يقدر يغلط مرتين

ولما ضاع الحب من حساباتك بقى البعد والهجر وكل شيء عنـدك مشــروع

جاية متأخر ولا عارف جاية ليه امشي مستنية إيه مبقاش يأثر فيا شوية دموع




شــــــــــــــــــــــــــــــــــــــ . حــــــــــــــــــــــــــــــــــــ

[دمعه حائره]

الحب عمره ماكان لعبه واللي بيعمل كده هو الخسران واخرته ندمان
تسلم خالد على الكلمات والمضمون الرائع

[(طائر الشرق)]

ياعم روق وسيبك شويه من الهموم

ده حال الدنيا يوم فيها ظالم ويوم مظلوم

والحب يا صاحبى زى يوم شتا مليان غيوم

ربنا يعدلها للأفضل

مساء الجمال يا محترم

[ندوشه 2011]

الله عليك تسلم فعلا الحب علمني اللي يغلط مره هيغلط المليون بلا حب بلا وجع دماغ

[bobaOo]

سطورك رائعه..
اعجز عن وصفها..
اثرت فيا..
مبقااش في حد بيحب بضمير..
غير القليل..

تسسلم أ/خالد
طرح رائع

[شاعر الحب الحزين]

اقتباس المشاركة الأصلية كتبت بواسطة دمعه حائره الحب عمره ماكان لعبه واللي بيعمل كده هو الخسران واخرته ندمان تسلم خالد على الكلمات والمضمون الرائع

الله يسلمك شمس المنتدى

تسلمي لوجودك وتفاعلك الجميل

اسعدتيني بحضورك ونورتي بطلتك

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة (طائر الشرق) ياعم روق وسيبك شويه من الهموم ده حال الدنيا يوم فيها ظالم ويوم مظلوم والحب يا صاحبى زى يوم شتا مليان غيوم ربنا يعدلها للأفضل مساء الجمال يا محترم

والنعم بالله سبحانه وتعالى

مساء الورد يا عصومة يا جميل

تسلم يا طيب لوجودك وتفاعلك الجميل

نورتني واسعدني ردك وتواجدك

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة ندي2011 الله عليك تسلم فعلا الحب علمني اللي يغلط مره هيغلط المليون بلا حب بلا وجع دماغ

الغلط يحب الزيادة يا ندى

تسلمي لوجودك وردك

نورتيني واسعدني ردك الجميل

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة boba0o سطورك رائعه.. اعجز عن وصفها.. اثرت فيا.. مبقااش في حد بيحب بضمير.. غير القليل.. تسسلم أ/خالد طرح رائع

مبقاش في حب الا قليل كلها مصالح ومنظرة

تسلمي بوبا لوجودك

حمدلله ع السلامة برجوعك من تاني

نورتيني واسعدني وجودك وردك الرقيق

ربي يوفقك ويسعدك