جــــنا

[phalsteen]

انا بعشق الاطفال ضحكتهم هزارهم برائتهم كلامهم وشقاوتهم كلهم كدة علي بعضهم حاجة تنسيك كل همك وتضحك من قلبك اغلب الوقت بحس اني محتاجلهم بعيد عن قسوة البشر اللي غيرهم الزمن وسود قلبوهم حد واثق انك معاه في آمان مبيكدبش ولا خايف يدوس عليك ويجرحك انا ليا صديقه صغيرة اسمها جنا جنا دي ماماتها اتجوزت ابن عمها ولاننا احلي مجتمع يعمل الروتين بدون ضمير اتعمل التحليل الروتيني اللي قبل كتب الكتاب دا ولا مرة صادفت حد يقول عملنا التحليل وطلع فيه حاجة لقدر الله اصلا دا روتين بس عشان نبان دوله متقدمه المهم ان ام جنـــــــــــا دي ربنا رزقها بخمس أطفال وطبعا هي مش جاهله ولا قاصدة تخلف اطفال تعذبهم كل الحوار ان عندها مشكله تمنع تأثر موانع الحمل ابنها الكبير عنده كانسر وبيتعالج في مستشفي57357 بعد منه اخت عندها ثقب في القلب ودا عيب خُلقي الثالثه جنــــــــا عندها نقص في الهرمونات وضمور في العضلات وضعف شديد في المناعه ودا اللي فهمته او حفظته من لسته طويله عريضه من خالتها اللي قررت متتجوزش وتتبناها وهي دي جارتنا حد هيرد ويقولي لسه عندها كدة اتنين هقولك عرفت ان اعراض الاصابه بتبان عند الاطفال بعد 4 سنين والاتنين الباقيين لسه اقل من السن دا يعني جايز جدا يكونوا برضو مصابيبن المهم ان جـــــــنا عندها 7 سنين ولسه رايحه اول يوم المدرسه وخايفه تقرب من زمايلها او تتكلم اولا لان مناعتها مش هتتحمل زحمه الدراسه ولا الجو ثانيا لان جنا عندها صعوبة في الحركه والكلام ومش كتير هيعرف يفهمها وخايفه من سخرية زمايلها للعلم جنا ذكيه جداااااااا ورغم ان الدكاترا قالوا ان مرضها مزمن ومفيش علاج حالي لمرضها وهي فاهمه وعارفه كل دا بس ضحكتها تجنن وقلبها ابيض زي الندي اصعب كلمه سمعتها منها لما قالتلي : انا صليت وقولت لربنا مش عايزة اموت انا شاطرة وهبقي دكتورة زي خالتو لما بقولها ادعيلي يا جنـــــــــــــا : بتحط ايديها علي راسي وترقيني وحافظه احاديث وقرآن وفاهمه ان ربنا سامعها لما بتتعب بتقول لماماتها انا هقول لربنا يخففني عشان متعيطيش رغم كل الوجع اللي جواها الا انها بتضحك وعارفه ومؤمنه بربنا حاله زي حاله جنا تديك مليون أمل انك تضحك وترضي وتحمد ربنا تخيل حجم الالم اللي ساكن قلب ام مهدده في كل لحظه بخسارة جزء منها ادعولها مفيش حاجة مستحيله علي ربنا جنا طفله لكن قلبها وعقلها اكبر بكتير فعلا تستحق الحياه قلم : سارة محمد 30/9/2015

[العاشق الذى لم يتب]

ربنايشفيها
فيه حاجات بتكون ارادة ربناهى المتحكمة
تسلمى سارة
تحياتى

[Fatma eissa]

ربنا يشفيها يارب
تسلمي ياجميل

[حلم عمري]

الحمد لله علي كل حال
مفيش حاجة صعبة علي ربنا سبحانه وتعالي بس لازم واحنا بندعي يكون عندنا يقين من رحمته وانه قادر علي كل شيئ وارحم بينا من اي حد
ربنا يشفيها يااارب واخواتها وكل مرضي المسلمين
وربنا يجعلهم سبب لفرحة مامتهم دايما
اللي زي جنا بيكونو ملايكة ع الارض
ربنا يبارك فيها ويحفظها

[phalsteen]

اقتباس المشاركة الأصلية كتبت بواسطة العاشق الذى لم يتب ربنايشفيها فيه حاجات بتكون ارادة ربناهى المتحكمة تسلمى سارة تحياتى

نورت ا/ رفعت

[phalsteen]

اقتباس المشاركة الأصلية كتبت بواسطة Fatma eissa ربنا يشفيها يارب تسلمي ياجميل

يارب
تسلمي حببتي

[phalsteen]

اقتباس المشاركة الأصلية كتبت بواسطة حلم عمري الحمد لله علي كل حال مفيش حاجة صعبة علي ربنا سبحانه وتعالي بس لازم واحنا بندعي يكون عندنا يقين من رحمته وانه قادر علي كل شيئ وارحم بينا من اي حد ربنا يشفيها يااارب واخواتها وكل مرضي المسلمين وربنا يجعلهم سبب لفرحة مامتهم دايما اللي زي جنا بيكونو ملايكة ع الارض ربنا يبارك فيها ويحفظها

ونعم بالله
ان شاء الله
تسلمي فوفه

[شاعر الإحساس]

قصه توجع القلب صراحه…

الله يشفيهم جميعا يارب..

ويحقق احلام جنا ثتصبر دكتوره وبصحه جيده يارب

اللهم امين


مووضوع مسنا ياساره

ولكن الواقع ملئ بمثل هذه الحالات..

نسأل الله يارب ان يعفي عنهم جميعا… ويشفيهم وامثالهم



تحيااتي ودعواتي

[phalsteen]

اقتباس المشاركة الأصلية كتبت بواسطة شاعر الإحساس قصه توجع القلب صراحه… الله يشفيهم جميعا يارب.. ويحقق احلام جنا ثتصبر دكتوره وبصحه جيده يارب اللهم امين مووضوع مسنا ياساره ولكن الواقع ملئ بمثل هذه الحالات.. نسأل الله يارب ان يعفي عنهم جميعا… ويشفيهم وامثالهم تحيااتي ودعواتي

ءامين يارب
ربنا يشفي الجميع
تسلم اخي
تحياتي

[حـيـــــآة ❤]

وزي جنا كتير ف مجتمع زي ده والله ي ساره
ربي يشفيها يارب..
تسلمي ي سآره
حال مبكيه ولكن ربنا كبير