مافيش صاحب,,(مسابقه مواقف للنقاش)

[دمعه حائره]

بسم الله الرحمن الرحيم من كام يوم كنت قلقانة ومش جايلى نوم قولت أسهر لصلاة الفجر وفجأة سمعت صوت عالى فى الشارع طلعت أشوف فى ايه لقيت كام شاب حوالين حاجه مرمية فى الارض وبيقولوا إلحق قاطع النفس ده شكله مات ابن... هو كان حجمة صغير اوى بصيت ومن كلامهم فهمت خبطوا كلب بالعربيه بس واضح كلب غالي او عارفين صاحبه وبعدين فيهم اللى جرى وقال ماليش دعوة والباقيين قرروا يشيلوه ويحطوه على الرصيف فى جمب وهم بيشلوه شفته طلع بنى آدم مش كلب!! وللاسف كمان صاحبهم وكان أفور دوز... يعنى جرعه مخدر زيادة وفضلوا يضربوا فيه بمنتهى الهمجيه ويرشوا ميه على وشه قال ايه بيفوقوه ولما واحد كان معدى وسألهم شتموه وكانوا هايضربوه وفى الاخر مشيوا وطبعا عشان تتصل بالنجدة ساعه عشان تجمع معاك منظر بشع ولايمت للادمية بصله ولا لأى معانى الصداقة والاخر اتصلواااتصلوا بأهله يجوا ياخدوه مستشفى وطلعوا يجروا والله اعلم الولد فاق ولامات فين الصحوبيه؟ انت صاحبك أفور وانت معاه تنقذه ولاترمية؟ السن الصغير ده 16 ولا18 سنه ليه يشرب مخدرات؟ لو شفت منظر زى ده فى الشارع تتصرف ازاى؟ مين مسئول عن اللى حصل ونعمل ايه عشان نوعى الشباب يبعد عن المخدرات؟ ده كان موقف مريت بيه ولسه مأثر عليا بشكل سلبي حبيت اشاركم بالنقاش فيه دمعه حائره 4-10-2015

[حـيـــــآة ❤]

لا تعليق والله
اصل احنا ف زمن الصراحه محدش لاقي كلام يقوله..
وبعيدا عن انهم سابوه مرمي وكده!
دي الصحاب؟ ال يحرضوا ع الشرب و..و..
موضوع قيم منه
موفقه

[۩۩ elMagic ۩۩]

مادام البيت سايب هيطلع الجيل سايب
والمجتمع بيتبنى بالجيل السايب داا
سايب في سايب
وسلملي ع المستقبل بقآ
موضوع مؤثر
ونسأل الله الهدايه
تسلمي منه

[αЛαstoOorα]

المشكلة ان الجيل بتاع التسعينات معظمة مش مدرك

آيه هي معني الرجولة وآيه هو الآصول والتربية ,

في آختلاف كبير بين جيل التسعينات والثمنينات

مع آحترامي طبعاً لمعظم شباب الجيل المحترمين

بس دا اللي آنا شايفة ..كل واحد ف سن مراهقته

بيجرب كل حاجة بالآخص لو شاب ..وانا من الشباب

اللي ف السن دا كنت كارثة ف كل حاجة يا آما ف المشاكل

وكل يوم لازم آضرب حد ودي كانت عندي ثمة من ثمات الرجولة ^^

اي حد يكلمني كلمة مش عجباني اقوم ضاربه وهوب بقت مشكلة

يا اما لما اكون زهقان والدنيا سودا ف عنيا اشرب حشيش وابردع

ومكنش علي ايامي البرشام والحاجات المقرفة دي منتشرة اوي

وبما آني ساكن ف منطقة شعبية كنت بلاقي الحشيش بسهولة

مع صحابي مع اي حد اعرفة ..وكنت بشرب انا بكلمك ف سن

مثلا 16 و 17 سنة كدا ^^ يعني لكي آن تتخيلي طفل عنده

16 او 17 بيشرب مخدرات .والمخدرات بنسبة لجيلي

كان هو الحشيش ولما واحد كان يسيب حبيبته ويخرج

من قصة عاطفية فاشلة ..اقصي حاجة عنده يروح يشتري

بيرة ..ويشرب ..ودا كان ناتج من افلام التسعينات ,,

كان معظمها البطل لما يسيب حبيبته يروح بار ويسكر وبتاع

فا كنا كا آطفال او شباب ف سن المراهقة بنتقمص الدور دا

بس علي اد ما كنا وحشين اوي كدا علي اد ماكنا متربيين اوي

وجوانا برضه الآسس والمفاهيم اللي آهالينا زرعوها فينا

وكنا بنعمل دا وعارفين اننا مش وش دا واهالينا مش بتاعة الكلام دا

يعني كنا بنشرب وبنجرب واحنا من جوانا عارفين ان الحاجات دي

مش لينا للصيع والمنحرفين ^^ عشان آحنا متربيين وولاد ناس محترمة

وكنا بنحترم الكبير انما الجيل اللي بعدينا ممكن يمسك راجل عنده 50 سنة

يضربه؟ تلاقيه عيل عنده 18 سنة مثلاً ولو راجل كبير كلمه يخش عاوز

يمسك فيه .؟ والآنيل والادل ممكن يمسك ف ابوه نفسه!

كنا لما حد من صحابنا بيحصلو اى موقف ف الشارع واحنا معاه

بنموت الدنيا عشانه ..انا افتكر واحد صحبي تعب مننا برضه

ف موقف شبيه للي بتحكيه ..روحنا مستشفي كنا هنكسرها

بسبب آنه بس كان شارب ومستحملش ونام ف الارض

كنا هنكسر المستشفي عشان نشوفوه واقف قدمنا تاني

انما الجيل دا غريب؟ كنت لما اشوف واحد صاحب لخالي مثلا

وانا ف آيدي سجارة ..ممكن اطفيها ف جيبي واحرق نفسي

عشان ميشوفنيش ..دلوقتي الواد يبقة عنده 17 سنة ويبقة

الواحد صاحب اخوه مثلاً ..ويقوله ولعلي !!

كنت مثلاً ابقة واقف ف الشارع الساعة 10 بليل

والاقي بنت نازلة تشتري حاجة من بنات شارعنا

ممكن اكون معرفش اسمها بس اعرفها مين وساكنه فين

اقولها اطلعي انا هجبلك اللي انتي عوزاه وعنيا ف الارض

دلوقتي ممكن يشوفو اختهم نازله لو من ضهرها يعكسوها !

وف الآخر يقولك اااخ دي اختي !!

متهيآلي التربية هي الآساس ..لآن اللي نفعنا احنا

هي تربية اهالينا لو مكنوش زارعين فينا الاخلاق

والدين والآحترام للغير ..مكناش عيشنا مراهقتنا

بشكل يبدو انه مش لطيف بس ف نهايته آهتدينا

ورجعنا للصح ..ومتمدناش ف الخطآ ..انما دول

سايقنها ومفكرنها رجولة وهما ميعرفوش اي حاجة

عن الرجولة ^^

[فداااااااااااء]

الفساد فساد كيان متكامل

بدءا من الاسرة وخللها فى التربية

والمدرسة وفشلها فى التعليم والتوعية

ومجتمع راضى بفساد يتخلله وصامت عنه

واعلام بيبث الامور السيئة بحجة حرية

ودولة عاجزة عن التصدى فالحة بس تتفرج

كيان متكامل غاليتى والضحية الشباب اللى اصبحوا فريسة يسهل انقيادهم الى الطرق المدمرة لهم

والصاحب اللى بجد الايام دى مش موجود الا فيما ندر

سلمتى دمعة على روعة ما تطرحيه

[العاشق الذى لم يتب]

والله مش عارف الواحدممكن يقول ايه
على المواقف اللى زى كده
هل هى ندالة ولاقلة اصل
ولاقلة تربية ونشأن غيرسوية
ولاكمان قلة دين وأخلاق
ربنايصلح حال الناس
شكرا
منة

[BaAnOtA 7eKayaa]

ع رايك يا هاجر لا تعليق

ربنا يهديهم بقا

تسلمى ع موضوعك منه ..

[دمعه حائره]

اقتباس المشاركة الأصلية كتبت بواسطة ♥حيآة آلروح♥ لا تعليق والله اصل احنا ف زمن الصراحه محدش لاقي كلام يقوله.. وبعيدا عن انهم سابوه مرمي وكده! دي الصحاب؟ ال يحرضوا ع الشرب و..و.. موضوع قيم منه موفقه

اكيد كان موقف صعب وضد كل معانى الصداقه
نورتينى هاجر

[دمعه حائره]

اقتباس المشاركة الأصلية كتبت بواسطة ۩۩ elmagic ۩۩ مادام البيت سايب هيطلع الجيل سايب والمجتمع بيتبنى بالجيل السايب داا سايب في سايب وسلملي ع المستقبل بقآ موضوع مؤثر ونسأل الله الهدايه تسلمي منه

هو صعب شويه التحكم من البيت للسن ده
بس بكل الطرق لازم يكون فيه رقابه
نورتنى احمد

[دمعه حائره]

اقتباس المشاركة الأصلية كتبت بواسطة єЛ- мiлshαwi المشكلة ان الجيل بتاع التسعينات معظمة مش مدرك آيه هي معني الرجولة وآيه هو الآصول والتربية , في آختلاف كبير بين جيل التسعينات والثمنينات مع آحترامي طبعاً لمعظم شباب الجيل المحترمين بس دا اللي آنا شايفة ..كل واحد ف سن مراهقته بيجرب كل حاجة بالآخص لو شاب ..وانا من الشباب اللي ف السن دا كنت كارثة ف كل حاجة يا آما ف المشاكل وكل يوم لازم آضرب حد ودي كانت عندي ثمة من ثمات الرجولة ^^ اي حد يكلمني كلمة مش عجباني اقوم ضاربه وهوب بقت مشكلة يا اما لما اكون زهقان والدنيا سودا ف عنيا اشرب حشيش وابردع ومكنش علي ايامي البرشام والحاجات المقرفة دي منتشرة اوي وبما آني ساكن ف منطقة شعبية كنت بلاقي الحشيش بسهولة مع صحابي مع اي حد اعرفة ..وكنت بشرب انا بكلمك ف سن مثلا 16 و 17 سنة كدا ^^ يعني لكي آن تتخيلي طفل عنده 16 او 17 بيشرب مخدرات .والمخدرات بنسبة لجيلي كان هو الحشيش ولما واحد كان يسيب حبيبته ويخرج من قصة عاطفية فاشلة ..اقصي حاجة عنده يروح يشتري بيرة ..ويشرب ..ودا كان ناتج من افلام التسعينات ,, كان معظمها البطل لما يسيب حبيبته يروح بار ويسكر وبتاع فا كنا كا آطفال او شباب ف سن المراهقة بنتقمص الدور دا بس علي اد ما كنا وحشين اوي كدا علي اد ماكنا متربيين اوي وجوانا برضه الآسس والمفاهيم اللي آهالينا زرعوها فينا وكنا بنعمل دا وعارفين اننا مش وش دا واهالينا مش بتاعة الكلام دا يعني كنا بنشرب وبنجرب واحنا من جوانا عارفين ان الحاجات دي مش لينا للصيع والمنحرفين ^^ عشان آحنا متربيين وولاد ناس محترمة وكنا بنحترم الكبير انما الجيل اللي بعدينا ممكن يمسك راجل عنده 50 سنة يضربه؟ تلاقيه عيل عنده 18 سنة مثلاً ولو راجل كبير كلمه يخش عاوز يمسك فيه .؟ والآنيل والادل ممكن يمسك ف ابوه نفسه! كنا لما حد من صحابنا بيحصلو اى موقف ف الشارع واحنا معاه بنموت الدنيا عشانه ..انا افتكر واحد صحبي تعب مننا برضه ف موقف شبيه للي بتحكيه ..روحنا مستشفي كنا هنكسرها بسبب آنه بس كان شارب ومستحملش ونام ف الارض كنا هنكسر المستشفي عشان نشوفوه واقف قدمنا تاني انما الجيل دا غريب؟ كنت لما اشوف واحد صاحب لخالي مثلا وانا ف آيدي سجارة ..ممكن اطفيها ف جيبي واحرق نفسي عشان ميشوفنيش ..دلوقتي الواد يبقة عنده 17 سنة ويبقة الواحد صاحب اخوه مثلاً ..ويقوله ولعلي !! كنت مثلاً ابقة واقف ف الشارع الساعة 10 بليل والاقي بنت نازلة تشتري حاجة من بنات شارعنا ممكن اكون معرفش اسمها بس اعرفها مين وساكنه فين اقولها اطلعي انا هجبلك اللي انتي عوزاه وعنيا ف الارض دلوقتي ممكن يشوفو اختهم نازله لو من ضهرها يعكسوها ! وف الآخر يقولك اااخ دي اختي !! متهيآلي التربية هي الآساس ..لآن اللي نفعنا احنا هي تربية اهالينا لو مكنوش زارعين فينا الاخلاق والدين والآحترام للغير ..مكناش عيشنا مراهقتنا بشكل يبدو انه مش لطيف بس ف نهايته آهتدينا ورجعنا للصح ..ومتمدناش ف الخطآ ..انما دول سايقنها ومفكرنها رجولة وهما ميعرفوش اي حاجة عن الرجولة ^^

مرحله خطرجدا وانك تسيطر على تصرفاتك وتتمسك بمبادئك
وسط شله فاسدة ده مش اى حد يقدر عليه
لازم نختار اصحابنا صح ونقف جمبهم فى كل المواقف
شكرا لردك والتوضيع