نتيجه المرحله الاولى في الشقلبه :)

[Dr. AnOosHo]

من اسبوعين المنتدى عدى بمرحله الشقلبه زي ماكلنا شوفنا كانت المرحله الاولى تحدي بين مشرفين في اقسام غير اقسامهم وكانت نتيجه الشقلبه رائعه من مجهود مشرفين ومجهود اعضاء تفاعلوا معاهم في نشاطهم وكان المنتدى شعله من النشاط شكرا جدا لمجهودك الجميل بجد اللي فرق في المنتدى وفي اقسام كتير نيجي للتقييم .. المفروض لجنه التحكيم نوشه والماجيك وشيماء مشرفه اليوميات لكن للاسف شيماء كان صعب تشارك معانا في التقييم بسبب الجامعه وحوستها فيها ومن موقعي هذا احب اقولها الله معك سارة ينت مصر × الاميرة رودي مين قد التحدي!! عدم تواجد المشرفتين ... خسرانين ياسمينااا× انجي_1 مين قد التحدي!!! وعلى رايك الماجيك هو السقوط علينا حق خسرانين عازف الصمت × جبل عالي مين قد التحدي !! بصراحه كان في نشاط من جبل عالي في موضوعها نقاش بهدوء ومحصلش متابعه ليه ومسابقه مواقف وكمان مافيش متابعه ليه للاخير اما عازف الصمنت ماكنش في اي تفاعل بالتالي اقدر اقول القسمين ماكنش فيهم تفاعل خسرانين مع 50 مشاركه لجبل عالي Arco Soso × رآقيہ بأخلاقـى مين قد التحدي !! راقيه باخلاقي عملت مسابقه وكانت حلوة وفيها تفاعل في قسمها الجديد وسوسو انسحبت من التحدي بس برضه ماحصلش الشقلبه والمجهود المفروض في القسم وبكده الاتنين خسرانين مع 50 مشاركه لراقيه باخلاقي Lamar× Mind language مين قد التحدي !! من اجمل المنافسه اللي حصلت والاتنين اشتغلوا بجد في القسمين ونفس العضاء ومع مراعاه ان النت عند اميرة فصل قسم التنميه فرق بنشاط لمار ولجنه التحكيم اختارت لمار الفايزة الف مبروك واميرة 50 مشاركه وتدخل في التحدي الجديد Aya 7ekaya ×توحد ارواح مين قد التحدي !! توحد ارواح فايز بالتلاته الف مبروك حبيبتي وايه ترجعي بالسلامه بقى خسرانه سندس ×سارة سرسور مين قد التحدي!! ساره سرسور فايزة طبعا بس لجنه التحكيم كانت تتمنى تفاعل للاعضاء معاكي في القسم لكن اكيد عملتي مجهود تشكري جدا عليه الف مبروك حبيبتي وسندس خسرانه єЛ- мiлshαwi × العندليب الاسمر مين قد التحدي!! طبعا المنشاوي فايز وباكتساح الف مبروك ليك يمنشاوي وشكرا جدا على مجهودك ولعت الخواطر والعندليب كان في فرصه فعلا تعمل نشاط في قسمك الجديد اكتر خسران بقى والف مبروك 50 مشاركه نظير مجهودك big boss. × شاعر الحب الحزين مين قد التحدي !!! طبعا نووووور فاز باكتساح الف مبروك وشكرا جدا على نشاطك .. افكارك مبدعه وعملت نشاط جميل في القسم شاعر الحب الحزين خسران Arco Baleno × ايمان طلعت مين قد التحدي!! الاتنين بصراحه عملوا شغل رائع في القسمين تسلم ايديكم بجد في طرف في التحكيم شاف ايمان اقوى حبه صغيرة جدا عن اركو وطرف شاف الاتنين متساويين تماما الف مبروك ايمان فوزك بالتحدي والف مبروك اركو كمان فوزك ب 50 مشاركه نظير مجهودك اللي لازم يتقدر بس حتدخلي التحدي التاني خسرانه Magic Dreams × اطياف الماضي مين قد التحدي!! المواضيع في قسم الطب كان كلها مواضيع منقوله ماكنش فيها تفاعل من الاعضاء ومسابقات مسابقه ماجيك دريم نشطت قسمه الجديد وفرق في التحدي والشقلبه وبكده اقدر اقول الف مبروك ليك يماجيك واطياف الماضي للاسف خسرانه وحتدخلي التحدي الجديد والف مبروك عليكي 50 مشاركه نظر تعبك في الشقلبه ƧĀƉ_ĿŌ∀Ē × فدااااااااااء مين قد التحدي!! الاتنين بصراحه متساويين تمام بس فرق بقى في عدد المواضيع لان النشاط واحد والعطاء واحد لكن فداء كانت مواضيعها اكتر بشويه مع ان الزياده كانت منقوله لكن اللعبه لازم فيها فايز وخسران الف مبروك فداء الفوز بالتحدي والف مبروك محمود 50 مشاركه لكن حتخدل التحدي الجديد خسران ŌиĹч.Ḿё ×سينا مين قد التحدي !! احب ازف لكم خبر انتم الاتنين خسرانين لكن كان في نشاط متواضع جدا من اونلي مي حتاخد عليه 50 مشاركه وتدخل التحدي التاني الف مبروك المشاركات ــــــــــــــــــــــــــــــــــــــــــــــــــ ـــــــــــــــــــــ وبعد التقييم وانتهاء المرحله الاولى لازم كنا نعلن عن مفاجئه مقولناش عليها في التوبيك الاصلي لكن بعد النشاط اللي شوفناه في الشقلبه في المرحله الاولى شكر خاص للمنشاوي وبيج بوص على توليعهم قسمهم الجديد ولجنه التحكيم بتقدملهم الوسام ده شكر على مجهودهم والف مبروك 250 مشاركه و 5 نجوم لكل من المنشاوي .. بيج بوص .. توحد ارواح ... لمار ... ساره سرسور .. ماجيك دريم .. ايمان طلعت .. فداء لفوزهم بالمرحله الاولى ــــــــــــــــــــــــــــــــــــــــــــــــــ ـ راحه يومين لحد منرجع المتشقلبين لاماكنهم والاعلان عن العضو المنافس للمشرف الخسران برجاء من كل مشرف فايز المنشاوي .. بيج بوص .. توحد ارواح ... لمار ... ساره سرسور .. ماجيك دريم .. ايمان طلعت .. فداء اختيار العضو اللي حينافس المشرف زميله الخسران ... وبالنسبه لو كان الاتنين المشرفين خسرانين لحنه التحكيم هي اللي حتختار العضو المنافس ان شاء الله [/SIZE][/FONT]

[۩۩ elMagic ۩۩]

ايون بقى اعم
لما بتظبط كده والحاجه تتعمل ع نظيف
بصراحه مش هاين عليا ارجع المتشقلبين تانى
مانتو حلوين كده اجدعاان
جهزوا نفسوياتكم بقى للتحديات القادمه
وربنا ما يقطعلنا عادة بإذن الله
مبروك للجميع
تم التزويد بقآ
موفقين دايماً

[العندليب الاسـمر]

يا مولعها انتة يا جااااااااااااااااامد

يا باشا انا نزلت موضوعين من ابداعي الخاص

ومفيش موضوع نزل في الخزعبلات متابعتوش

ودي سلسلة هكملها ان شاء الله حتي لو سبت الخزعبلاتن

بس مينعش انها كانت تجربة جميلة ومفيدة للجميع

بجد استفدت اينعم مبستريحش اوي في الخزعبلات

بس بجد تجربة مفيدة

الف مليون مبروووووووووك للفايزين

وحظ اوفر للخاسرين

وربنا ما يقطعلكم شقلبة انوشة

بس اعملي حسابك نهاية سلسلة المتشقلبون

هتكون فيها احلي اثارة بالنسبالك انتي وهيرتس تحديدا

[big bốss]

انا عايز ارجع قسمى بالله عليكم

حلو التنافس و الشقلبه مبروك للفائزين و هارد لك للخسرانين

انا هختار حياة الروح تنافس شاعر الحب الحزين

بس هى لو فازت انا هكسب تانى و لا ايه ^_^

[الملكة كيلوباترا]

مجهود عالى منك يانوشة
يعنى كدة انا وراقية بااخلاقى خسرانين
ولو لجنة التحكيم اختارت عضو/ة
ولو هى ماتبقاش فيه نشاط هاتبقى خسرانة معانا
يبقى ايه الحل ساعتها؟

[الفيلسـوف]

هههههه الف مبروك للجميع وانا كمحمود مش عايز اتشقلب ياعم انا حر ههههه ايه المنتدى اللى مش فيه حريه راى بس بجد المسابقه كانت لذيذه اوى وانا كنت سعيد انى كنت ف منافسه مع مروه وبجد نشاطها كان جميل اوى وتنبيه اخير الى نوشه والماجيك ارحمونى هههه عايز ارجع اقسامى هههه وانا كده كده بضيف ف قلم الاعضاء الرحمه ياعالم

[Dr. AnOosHo]

اقتباس المشاركة الأصلية كتبت بواسطة العندليب الاسـمر يا مولعها انتة يا جااااااااااااااااامد يا باشا انا نزلت موضوعين من ابداعي الخاص ومفيش موضوع نزل في الخزعبلات متابعتوش ودي سلسلة هكملها ان شاء الله حتي لو سبت الخزعبلاتن بس مينعش انها كانت تجربة جميلة ومفيدة للجميع بجد استفدت اينعم مبستريحش اوي في الخزعبلات بس بجد تجربة مفيدة الف مليون مبروووووووووك للفايزين وحظ اوفر للخاسرين وربنا ما يقطعلكم شقلبة انوشة بس اعملي حسابك نهاية سلسلة المتشقلبون هتكون فيها احلي اثارة بالنسبالك انتي وهيرتس تحديدا

انا اسسسسسفه تم التعديل وانا كنت من اكتر المعجبين بالخزعبلات اللي نزلتها
تم اضافه 50 مشاركه نظير تعبك ومجهودك .. اسفه على اللغبطه

[Dr. AnOosHo]

اقتباس المشاركة الأصلية كتبت بواسطة big bốss انا عايز ارجع قسمى بالله عليكم حلو التنافس و الشقلبه مبروك للفائزين و هارد لك للخسرانين انا هختار حياة الروح تنافس شاعر الحب الحزين بس هى لو فازت انا هكسب تانى و لا ايه ^_^

لا خلاص يطماع وسام ومشاركات ونجوم هههههههههه

تمام حياه الروح قدام شاعر الحب الحزين

وخلاص كله حيرجع مكانه والمنافسه حتكون بين العضو والمشرف الخسران في قسمه الاساسي

[ايمان طلعت]

الحمدلله خلاص هرجع مكاني بالسلامه
الف مبروك لكل الفائزين
كانت فكرة مجنونه بس حلوة اوي
وان شاء الله النشاط يقضل مستمر
مش عارفه اختار مين قدام حوري
اختاري انتي بقي
غلي فكرة الوسام شكله تحفه ههههه
تحياتي لكم

[Dr. AnOosHo]

اقتباس المشاركة الأصلية كتبت بواسطة arco soso مجهود عالى منك يانوشة يعنى كدة انا وراقية بااخلاقى خسرانين ولو لجنة التحكيم اختارت عضو/ة ولو هى ماتبقاش فيه نشاط هاتبقى خسرانة معانا يبقى ايه الحل ساعتها؟

لا يسوسو منافستك دلوقت مش قصاد راقيه
منافستك قدام العضو اللي حييشاركك مكانك في قسمك